Mainagofie

Mea ne Fai ne Iesu

VITIO: Ne Fakaasi mai ne Iesu te Atafai o ‵Tou Tamana ki a Tatou

1. Onoono ki te VITIO, io me faitau te Mataio 6:​25-27. Kae mafaufau ki fesili konei mai lalo:

1. a. Ne fakaasi mai pefea ne Iesu te atafai o Ieova ki a tatou?

2. e. E tiga loa e iloa ne Iesu a mea e uke e uiga ki manu, ne a mea faigofie ne saga atu fua a Iesu ki ei? Kaia e ‵lei ei ke akoako i te auala tena?

Se a te Mea e Tauloto ne Tatou Mai i a Iesu?

2. Kafai e akoako tatou i se auala e mainagofie, ka masaua ne tino a mea konā kae ka oko tonu atu foki ki olotou loto.

Fakaakoako ki a Iesu

3. Sa fakaukeuke au pati. I lō te fakamatala atu a mea katoa e iloa ne koe e uiga ki te mataupu tena, saga tonu atu fua ki manatu i te tusi telā e fai ei te sukesukega. Ka oti ne fai atu te fesili, faka‵tali mo te kufaki ki te tali mai tau tino akoga. Kafai e se iloa ne ia te tali io me fakaasi mai ne ia se manatu telā e se fetaui mo akoakoga i te Tusi Tapu, fakaaoga fesili fakaopoopo ke fesoasoani ki a ia ke maina i te manatu. Kafai ko maina te tino akoga i te manatu taua, olo ki te suā manatu.

4. Fesoasoani ki tau tino akoga ke fakafetaui a akoakoga ‵fou mo mea kolā ko oti ne iloa ia. Pela me se fakaakoakoga, koi tuai o kamata te mataupu e uiga ki te toe‵tuga, ke toe sau‵tala malie mo te tino akoga ki mea kolā ko oti ne tauloto ne ia e uiga ki te tulaga o tino ‵mate.

5. Fakaaoga faka‵lei a tala fakatusa. Koi tuai o fakaaoga se tala fakatusa, fesili ifo ki a koe:

1. a. ‘E mata, e faigofie te tala fakatusa tenei?’

2. e. ‘E mata, e mainagofie i ei a taku tino akoga?’

3. i. ‘E mata, e fesoasoani ki taku tino akoga ke maina i te manatu tāua—kae e se ko te tala fakatusa fua?’