MATAUPU I TE ‵KAVA | KO OI A MOLIMAU A IEOVA?
Kaia e talai ei matou?
Kāti e seai aka foki se mea e fai ei ke tu ‵kese malosi matou i lō te motou galuega talai telā ko lauiloa ‵ki—mai fale ki fale, i koga e tokouke a tino i ei, mo so se koga e maua ei ne matou a tino. Kaia e fai ei ne matou te mea tenei?
E talai atu a Molimau a Ieova ke tavae atu ki te Atua kae fakailoa atu foki tena igoa. (Epelu 13:15) E ma‵nako foki matou ke faka‵logo ki a Keliso Iesu, telā ne fakatonu mai: “Tela la, olo atu koutou ki fenua katoa o fai a tino i ei mo fai a soko, . . . akoako atu latou ke faka‵logo ki mea katoa ne fakatonu atu ne au ki a koutou.”—Mataio 28:19, 20.
E sili atu i ei, e a‵lofa matou ki motou tuakoi. (Mataio 22:39) E tonu, e iloa ne matou me e tofu eiloa a te tokoukega o tino mo olotou talitonuga fakalotu kae e se ko tino katoa e fia‵fia ki te motou fekau. Kae koi mafau‵fau eiloa matou me e maua te ola i akoakoga a te Tusi Tapu. Tenā te pogai e tumau eiloa matou “i te akoako mo te folafola atu a te tala ‵lei e uiga ki te Keliso, ko Iesu,” e pelā mo mea ne fai ne Kelisiano i te senitenali muamua.—Galuega 5:41, 42.
Ne tusi mai se tino poto ko Antonio Cova Maduro e uiga ki te “taumafaiga mo fakalavelave ne fe‵paki mo Molimau a Ieova, ke oko ki te ga‵lue malosi o latou . . . , ko te mea ke fakaoko atu a tusitusiga tapu ki toe ‵koga ‵mao o te lalolagi.”—El Universal newspaper, Venezuela
A te tokoukega o tino fai‵tau ki motou tusi e se ne Molimau a Ieova. Kae e lau foki i miliona o tino e suke‵suke mo matou ki te Tusi Tapu kolā e ‵kau atu ki nisi lotu. Kae e loto fia‵fia eiloa latou ke āsi atu a Molimau a Ieova ki a latou.
E tonu, e mafai o isi ne au nisi fesili e uiga ki Molimau a Ieova. E ‵kami ne matou a koe ke ‵sala atu ki tali mai te
Fesili atu ki se Molimau a Ieova.
Āsi atu ki te motou fakatuatusi i te itaneti, ko te www.jw.org.
Kau mai ki motou fakatasiga, kolā e seai se ‵togi kae e mafai o ‵kau atu a tino katoa ki ei.