Pati e Mafai o Fai Atu e Uiga ki Mekesin

Te Faleleoleo Maluga Oketopa 1

“E mata e fia ola koe ki te se-gata-mai māfai e mafai? [Faka‵tali ki se tali.] Ke onoono ki pati i te Tusi Tapu kolā e fakaasi mai i ei a te tāua ke ola ki te se-gata-mai. [Faitau te Ioane 17:3.] Ona la ko te poto ko te kī tāua ki te mauaga o te ola se-gata-mai, tela la se mea ‵tau ke fesili atu māfai e isi se tino i te lalolagi nei e maua ne ia se avanoaga ke tauloto e uiga ki a ia.” Ke fakaasi atu te mataupu telā e kamata i te itulau e 22.

Te Faleleoleo Maluga Novema 1

“E ‵talo atu katoa eiloa a tino mai lotu kese‵kese i te lalolagi kātoa. Se a tau faka‵tau, e mata, e lagona kae tali mai ne te Atua a ‵talo katoa? [Faka‵tali ki se tali.] E fakamalosi mai te Tusi Tapu ki a tatou ke ‵talo. [Faitau te Filipi 4:6, 7.] E tuku mai ne te mekesini tenei a tali mai te Tusi Tapu ki fesili lauiloa e fitu e uiga ki ‵talo.”