Pati Fakatomua Fesoasoani

Ke Kamata a Akoga Faka-te-Tusi Tapu i te Aso Ono Muamua i a Aokuso

“Toeitiiti ko tino katoa e ‵talo atu i se taimi e tasi io me se isi taimi. Ke oko foki ki tino kolā e se tali‵tonu ki te Atua, e ‵talo atu māfai ko fe‵paki latou mo fakalavelave. Se a tau faka‵tau, e mata, e fakalogologo a te Atua ki ‵talo katoa?” Faka‵tali ki se tali. Fakaasi atu te tua o te Faleleoleo Maluga i a Aokuso 1, kae mafau‵fau fakatasi ki te mataupu mai lalo i te fesili muamua mo se tusi faitau e tasi mai i ei. Ke ofo atu a te mekesini, kae fakatoka ke toe foki atu o sau‵tala ki te suā fesili.

Masaua: E ‵tau o fai se fakaasiga ki pati fakatomua konei i te fakatasiga mō te galuega talai i a Aokuso po 3.

Te Faleleoleo Maluga Aokuso 1

“E āsi malie mai matou ona ko te mea ko manava‵se malosi a tino e tokouke ki te lauiloa o te onoono ki ata ma‵sei. Kae e mafau‵fau a nisi tino e tokouke me i ata ma‵sei e se fakalogo‵mae mai. Se a tau faka‵tau? [Faka‵tali ki se tali.] Ne fai mai a Iesu me e mafai o iloa ne tatou se mea ‵lei e auala i fuataga kolā e ‵fua mai i ei. [Faitau te Mataio 7:17.] E fakamatala mai i te mekesini tenei a fuataga e ‵fua mai i te onoono ki ata ma‵sei. E tuku mai foki i ei a manatu aoga ki te auala ke ‵kalo keatea mai i ata ma‵sei.”