Ne a Au Mea ka Fai i Aso Malō‵lo?

Ona ko te mea e ‵nofo atu a tino e tokouke i olotou fale mai i olotou galuega i aso malō‵lo fakalotu mo aso malō‵lo a te fenua, konei eiloa a taimi ‵lei ke ‵kau atu tatou ki te galuega talai. E fakamalosi atu ki fakapotopotoga ke fai ne fakatokaga fakapito mō te galuega talai i aso malō‵lo konei. Kafai e tokouke a tino i koga talai ka ala tuai, se mea ‵lei ke fakafetaui aka te taimi o te fakatasiga mō te galuega talai. E mafai o fai atu se faka‵pulaga i te Fakatasiga mō te Galuega Talai ke fakailoa atu ki te fakapotopotoga e uiga ki so se fakatokaga fakapito mō te talai atu i aso malō‵lo kae fakamalosi atu ki tino katoa ke ‵kau atu ki ei māfai e mafai. E tonu, e tuku mai foki ne aso malō‵lo se taimi ke malō‵lo io me e fai a nisi mea totino. Kae kaia e se fakatoka ei ne koe se taimi ke kau atu ki te galuega talai mō nai itula o te aso? Ka mafai ei o maua ne koe a te malosi telā e maua mai i te kau atu ki te taviniga tapu.​—Mata. 11:29, 30.