Pati Fakatomua Fesoasoani

Ke Kamata a Akoga Faka-te-Tusi Tapu i te Aso Ono Muamua i a Iuni

“E āsi malie mai matou ke sau‵tala ki se fesili gali ‵ki.” [Fakaasi atu te fesili muamua i te itulau mai tua o Te Faleleoleo Maluga i a Iuni 1.] Se a tou manatu?” Faka‵tali ki se tali. Mafaufau fakatasi ki te mataupu mai lalo i te fesili muamua mo se tusi faitau fua e tasi. Ke ofo atu te mekesini, kae fakatoka ke toe foki atu o sau‵tala ki te suā fesili.

Te Faleleoleo Maluga Iuni 1

“E tamate eiloa ne te ‵pusi a tino kāti e toko 6,000,000 i te tausaga. Se a tau faka‵tau me e isi se mea e mafai o fai ke fakafeoloolo aka ei te fakalavelave lauiloa tenei? [Faka‵tali ki se tali.] Ko oti eiloa ne fesoasoani atu ki tino e tokouke ke fakagata io me ke ‵teke katoatoa atu ki te ‵pusi mai te mafaufau ki te kilokiloga a te Atua e uiga ki ei. E pelā mo te tusi faitau tenei i te Tusi Tapu ko oti ne fai ei a nisi tino ke mafau‵fau ki te auala e pokotia a nisi tino i te ‵pusi. [Faitau te 1 Kolinito 10:24.] E fakamatala mai i te mekesini tenei a te auala e mafai ei o fakamalosi aka se tino ke fakagata te ‵pusi ne te mafaufau ki te kilokiloga a te Atua e uiga ki te ‵pusi.”