Pati Fakatomua Fesoasoani

TE FALELEOLEO MALUGA

Fesili: E mata, e lotomalie koe me kafai te Tusi Tapu ne mai i te Atua, e ‵tau loa o sao mai i so se taumafaiga ke fakamasei?

Tusi Faitau: Isa 40:8

Fai Atu: A te fakasologa o mataupu i konei e fakamatala i ei te tala fakaofoofogia ki te saomaiga o te Tusi Tapu.

TE FALELEOLEO MALUGA (‵toe itulau)

Fesili: E fia iloa ne au ou manatu ki te fesili tenei. [Faitau te fesili muamua i te itulau 16.] E isi ne tino e tali‵tonu me i lotu ne faka‵tu aka ne tagata. Nisi e mafau‵fau me e fakaaoga ne te Atua a lotu ke fakapili‵pili atu ei tatou ki a ia. Se a tau faka‵tau?

Tusi Faitau: Ia 1:27.

Fai Atu: E maua a fakamatalaga e tai uke atu ki pati a te Tusi Tapu e uiga ki te mataupu tenei. E fiafia au o toe foki mai kae ke sau‵tala tāua ki nai manatu i te mataupu tenei.

TE ‵TALA ‵LEI MAI I TE ATUA!

Fesili: E tokouke e mafau‵fau me i te faitauga ki valoaga i te Tusi Tapu e pelā loa mo koe ma faitau ki se nusipepa. Ne a fakanofonofoga o te olaga kolā ne ‵valo mai ko oti ne lavea io me ne lagona ne koe?

Tusi Faitau: 2Ti 3:1-5

Fai Atu: E fakamatala mai i te polosiua tenei a te pogai e fai ei a vaegā fakanofonofoga penei e pelā me se tala ‵lei mō latou kolā e a‵lofa ki te Atua. [Fakamatala atu te mataupu 1, fesili i te 2.]

TUSI KI LALO AU PATI FAKATOMUA TOTINO

Fakaaoga a fakaakoakoga mai luga ke fakatoka ki ei au pati fakatomua totino i te galuega talai.