Pati Fakatomua Fesoasoani

THE WATCHTOWER

Fesili: Kafai se tino e fesili atu, me pefea te olaga i te lagi, e mata, se a tau tali?

Tusi Faitau: Ioa 8:23

Fai Atu: E fakamatala mai i te lōmiga tenei o The Watchtower a te auala ne fakamatala mai ei ne Iesu mo tena Tamana a te vaegā olaga i te lagi.

AKOAKO ATU TE MUNATONU

Fesili: E mata, e ‵lago koe me e fakamatala mai ne te valoaga tenei i te Tusi Tapu a mea e lavea ne tatou i aso nei?

Tusi Faitau: 2Ti 3:1-5

Akoakoga Tonu: Ona ko fakataunu nei a valoaga i te Tusi Tapu e uiga ki aso fakaoti, e mafai foki o tali‵tonu tatou me ka fakataunu foki a te valoaga e uiga ki se olaga tai gali atu i aso mai mua nei.

KAIA E ‵TAU EI O SUKESUKE KI TE TUSI TAPU? (Vitio)

Fakatomuaga: E fakaasi atu ne matou ki tino se vitio toetoe e uiga ki te ‵koga fea e mafai o maua ei a ‵tali fakamalie loto ki fesili tāua o te olaga. [Ke onoono ki te vitio.]

Fai Atu: E fakaasi mai i te tusi tenei a pati i te Tusi Tapu ki te auala ka faka‵lei aka ei ne te Atua a fakalavelave kolā e pokotia ei te lalolagi. [Ofo atu te tusi ko te Akoakoga a te Tusi Tapu io me ko te tusi ko te Teach Us.]

TUSI KI LALO AU PATI FAKATOMUA TOTINO

Fakaaoga a fakaakoakoga mai luga ke fakatoka ki ei au pati fakatomua totino i te galuega talai.