KOLOA MAI TE MUNA A TE ATUA | KALATIA 4-6
“Se Ata Fakatusa” mō Tatou
Ne fakaaoga ne te apositolo ko Paulo a te “ata fakatusa” tenei ke fakaasi mai ei me maluga atu te feagaiga fou i lō te feagaiga o te Tulafono. Mai lalo i te tausiga alofa a Keliso mo ana pule lagolago, e maua ei ne tino katoa a te fakamoemoega ke fakasaoloto latou mai te agasala, te tulaga sē ‵lei katoatoa, te fanoanoa mo te mate.—Isa 25:8, 9.
HAKALA—TE TAVINI FAFINE Ko te fenua tonu o Isalaelu mai lalo o te Feagaiga o te Tulafono, mo tena laumua ko Ielusalema |
SALA—TE FAFINE SAOLOTO Ielusalema mai luga, te fakapotopotoga saukātoa a te Atua |
“TAMA‵LIKI” A HAKALA Tino Iutaia (ko tino o Ieova ona ko te feagaiga o te Tulafono) kolā ne fakasaua kae ‵teke atu ki a Iesu |
“TAMA‵LIKI” A SALA Ko Keliso mo te toko 144,000 o Kelisiano fakaekegina |
POLOGA KI TE FEAGAIGA O TE TULAFONO A te Tulafono ne fai mo fakamasauaga ki tino Isalaelu me i a latou e ‵nofo pologa ki te agasala |
E TUKU MAI NE TE FEAGAIGA FOU A TE SAOLOTOGA A te fakatuanaki ki te tāua o te taulaga a Keliso e iku atu ki te saoloto mai te nofo pologa ki te Tulafono |