Pei Kea‵tea a Uiga Mua, kae Fakapei ki Luga i a Koutou a Uiga ‵Fou

3:5-14

E isi ne ‵fuliga ‵lasi ne fai ne koe ki ou uiga i te taimi ne vau ei koe ki te munatonu? Ke talitonu me ne fiafia eiloa a Ieova ki au taumafaiga ne fai. (Esk 33:11) Kae koi manakogina eiloa a taumafaiga e uke ke puipui ei koe mai uiga mua kolā e mafai o ‵sae aka kae ke tumau i te fakaasiatuga o uiga ‵fou. Tali aka a fesili mai lalo ke iloa ne koe a mea e ‵tau o galue ki ei:

• E mata, e ita fakamoemoe au ki se tino telā ne fai ne ia se mea ‵se ki a au?

• E mata, e fakaasi atu ne au te kufaki, faitalia me fakava‵vave au ki se koga io me ko fi‵ta?

• Kafai ko sae aka se mafaufauga lailai, e mata, e tapale fakavave kea‵tea ne au?

• E mata, e maua ne au a lagonaga sē ‵lei ki tino mai nisi fenua?

• E mata, e isi ne pati sē alofa ne fai fakamuli nei ne au ki se tino io me kaitaua malosi au?