“Ke Mafau‵fau Faeloa ki Mea Konei”

Ne a mea konā? E fai mai te Filipi 4:8 ke mafau‵fau faeloa ki so se mea telā e tonu, so se mea telā e manavase malosi ki ei, so se mea telā e amiotonu, e ‵ma, e alofagina, e uke ana tavaega, e ‵lei kae e ‵tau o tavaegina. E tonu, e se fakauiga i ei ko Kelisiano ke mafau‵fau faeloa ki mea i te Tusi Tapu. Kae ko mea kolā e mafau‵fau tatou ki ei e ‵tau o fakafiafia atu ki a Ieova. E se ‵tau o fakavāivāi mai ki te ‵tou fakaikuga ke tumau i te fakamaoni ki a ia.—Sal 19:14.

Se mea faigata eiloa ke ‵teke atu tatou ki mafaufauga ma‵sei. E se ‵tau fua o ‵teke atu tatou ki ‵tou manakoga sē ‵lei katoatoa kae ki fakamalosiga foki mai i a Satani, telā ko “te atua o te olaga masani tenei.” (2Ko 4:4) Ona me pule atu a ia ki mea fakasalalau katoa, te ukega o mea i TV, te letio, te Itaneti, mo tusi e se ‵lei. Kafai e se fakaeteete tatou i te filifiliga o mea ke mafau‵fau ki ei, ka mafai o fakamasei ei a ‵tou mafaufauga, kae ka pokotia fakamuli i ei a ‵tou faifaiga.—Iak 1:14, 15.

KE ONOONO KI TE VITIO ‵TEKE ATU KI MEA E FAKAMASEI EI TE ALOFA TUMAU—FAKAFIAFIAGA SĒ ‵LEI, KA OTI KO TALI AKA EI A FESILI KONEI MAI LALO:

• 

  Ne a mea ne onoono ki ei a te taina tenei i tena selefoni, kae ne pokotia pefea a ia i ei?

• 

  I te auala fea ne fesoasoani atu ki a ia te Kalatia 6:7, 8 mo te Salamo 119:37?