Se a te ‵Toe Mea Tāua ki a Au?

Ne tafiti a Iakopo mo te agelu ke maua ne ia se mea tāua ‵ki—ko te fakamanuiaga a Ieova. (Ken 32:24-31; Ho 12:3, 4) Kae pefea tatou? E mata, e taumafai malosi tatou o fakamuamua te fakalogo ki a Ieova kae ke maua tena fakamanuiaga? E pelā me se fakaakoakoga, kafai e ‵tau o fai ne tatou se filifiliga, ke kau ki se fakatasiga io me galue ovataimi, se a te mea ka filifili ne koe? Kafai e tuku ne tatou ki a Ieova a te ‵toe mea e mafai ne tatou o fai i ‵tou taimi, ‵tou malosi, mo ‵tou kope, ka ‵ligi mai eiloa ne ia “a fakamanuiaga ke oko eiloa ki te taimi ko seai se mea koi manakogina.” (Mki 3:10) Ka takitaki kae puipui ne ia tatou kae ka tausi mai foki ki ‵tou manakoga.—Mat 6:33; Epe 13:5.

KE ONOONO KI TE VITIO KO TE ‵SAGA TONU ATU KI FAKAMOEMOEGA FAKA-TE-AGAGA, KAE TALI A FESILI KONEI:

• 

  Ne tofotofo pefea se tuagane ki se mea telā ne fiafia malosi a ia ki ei?

• 

  E mafai pefea o fai a ‵tou galuega ‵togi e pelā me se tofotofoga ki a tatou?

• 

  Kaia ne ‵tau mo Timoteo o tumau faeloa i te faiga o fakamoemoega faka-te-agaga faitalia a ia e matua ‵lei i te feitu faka-te-agaga?—1Ti 4:16

• 

  E fakaasi atu pefea ne tatou me se a te “‵toe galuega tāua” ki a tatou?