Ke Tavae a Ieova e Pelā me se Paenia

Ne maua ne tino Isalaelu a pogai ‵tau ke tavae ki a Ieova. Ko oti ne aumai ne ia latou ki tua mai Aikupito kae faka‵sao mai te kautau a te Falao! (Eso 15:1, 2) Ne tumau a Ieova i te fakaasi atu o te aga‵lei ki ana tino. E mafai pefea ne tatou o fakaasi atu te ‵tou loto fakafetai?—Sal 116:12.

E tasi te auala ko te tavini atu e pelā me se paenia lagolago io me se paenia tumau. E mafai ne koe o ‵talo atu ke maua te manakoga mo te malosi ke tavini atu e pelā me se paenia. (Fpi 2:13) E tokouke a tino ne kamata e pelā me ne paenia lagolago. E mafai ne koe o filifili ki te 30- io me ko te 50-itula kolā e manakogina i masina o Mati mo Apelila mo te masina telā e āsi mai i ei a te ovasia o te seketi. Kafai ko oti ne iloa ne koe te gali o te tavini atu e pelā me se paenia lagolago, ka fai i ei ke manako koe o tavini atu e pelā me se paenia tumau. Ke oko foki loa ki tino kolā e ga‵lue tumau io me ko tino kolā e fakamasaki‵saki, ne mafai foki ne latou o tavini e pelā me ne paenia tumau. (mwb16.07 8) E mautinoa eiloa me fakatāua ne Ieova so se taumafaiga e fai ne tatou ke tavae atu ki a ia!—1No 16:25.

KE ONOONO KI TE VITIO KO TE TAUTAINA E TOKOTOLU I MONGOLIA, KO TALI EI A FESILI KONEI:

• 

  Ne a fakalavelave ne manumalo i ei a tautaina konei e tokotolu i te fai pelā me ne paenia?

• 

  Ne a fakamanuiaga ne maua ne latou?

• 

  Ne a avanoaga i te taviniga ne maua ne latou i te taimi ne tavini atu ei e pelā me ne paenia tumau?

• 

  Ne aoga pefea te lotou fakaakoakoga ki nisi tino?