E Mata, e Fiafia Koe o Tuku Atu Tau Pepa Fakamolemole ki te Akoga mō Tino Talai o te Malo?

E mata, e nofo ou tausaga mai te 23 ki te 65 kae galue koe i te taviniga tumau? E mata, e malosi ‵lei koe, kae mafai o tavini i so se koga telā e manakogina malosi i ei? Kafai tau tali ko te ao, kai mafaufau aka loa koe ke avatu sau fakamolemole ke kau ki te Akoga mō Tino Talai o te Malo? Talu mai te vasega muamua, e lau i afe o tauavaga, taina taka, tuagane taka, ne fakamolemole ke ‵kau atu latou ki ei. Kae e ma‵nako malosi matou ki taina taka ke ‵kau mai. Fakamolemole atu ki a Ieova ke tuku atu ne ia se loto fiafia ke mafai ne koe o fakafiafia a ia kae ke fakaakoako ki tena Tama. (Sal 40:8; Mat 20:28; Epe 10:7) Ko mafaufau ei koe ki auala kolā e mafai o fakamu‵tana aka i ei ou taimi galue i galuega ‵togi io me ko ou fakalavelave totino ke mafai koe o kau atu.

Ne a avanoaga i te taviniga e ma‵tala atu mō tino kolā ko oti ne ‵kau ki te akoga tenei? Nisi tino ko oti ne ‵tofi ke tavini i koga kolā e fai‵pati ki se ‵gana fakaa‵tea io me talai atu i koga kolā e tokouke malosi a tino i ei. Fakamuli ifo, ne tavini atu a nisi tino e pelā me ne sui ovasia o te seketi, fai pelā me ne ovasia o te seketi, io me ne misionale. Kafai e mafaufau ‵loto koe ki avanoaga ke galue i te taviniga ki a Ieova, ka maua ne koe te kilokiloga a te pelofeta ko Isaia i ana pati: “Tenei au! Uga atu au!”—Isa 6:8.

KE ONOONO KI TE VITIO MISIONALE—KO TINO GA‵LUE I TE TAIMI E ‵KATI EI A FUATAGA, KAE TALI A FESILI KONEI:

• 

  E filifili aka pefea a misionale?

• 

  Ne a galuega ‵lei e fai ne misionale?

• 

  Ne a nisi fakamanuiaga e maua ne misionale i te taviniga?