Puipui Tau Fakaipoipoga

E fakatāua ne Ieova a tautoga i te fakaipoipoga. Ne fai mai a ia i te tagata avaga mo te fafine avaga e ‵tau o ‵nofo fakatasi. (Mat 19:5, 6) E uke a tauavaga fia‵fia i tino o Ieova. Kae tiga i ei, e seai se fakaipoipoga e ‵lei katoatoa. E ‵sae aka a fakalavelave. Ke mo a loa e maua ne tatou a te kilokiloga masani i te mavae io me ko te ‵tala o te avaga ko te ‵tali ki fakalavelave kolā e fe‵paki mo se tauavaga. E mafai pefea ne tauavaga Kelisiano o puipui te lotou fakaipoipoga?

Mafaufau ki manatu tāua e lima.

1. Puipui tou loto mai te ‵teke atu ki mea e pelā mo faifaiga fakafamau mo fakafiafiaga sē ‵ma kolā ka mafai ei o fakavāivāi te fakaipoipoga.—Mat 5:28; 2Pe 2:14.

2. Fakamalosi tou va fakataugasoa mo te Atua, kae ke momea aka tou manakoga ke fakafiafia a ia i tau fakaipoipoga.—Sal 97:10.

3. Ke tumau i te fakapei a uiga fou, kae fai a tamā mea kolā e fakaasi atu ei a te alofa kae fai ei ke fiafia a tau avaga.—Kol 3:8-10, 12-14.

4. Ke fakatumau se fesokotakiga aoga telā e fakaasi atu ei a te āva.—Kol 4:6.

5. Ke fakatau fakama‵lie oulua manakoga i te atafai mo te alofa.—1Ko 7:3, 4; 10:24.

Kafai e faka‵malu ne Kelisiano a te fakaipoipoga, e faka‵malu ne latou a te Tino telā ne māfua mai ei a te fakaipoipoga, ko Ieova.

KE ONOONO KI TE VITIO E ‵TAU O “‵TELE ATU TATOU MO TE KUFAKI”—FAKALOGO KI TULAFONO O TE FAKATAU‵FAIGA, KAE TALI A FESILI KONEI:

• 

  E tiga loa e mafai o kamata se fakaipoipoga ki te ‵lei, ne a fakalavelave e mafai o ‵sae aka?

• 

  E mafai pefea o fesoasoani atu a fakatakitakiga i te Tusi Tapu ki tino kolā e mafaufau me e se maua ne latou a te alofa i te fakaipoipoga?

• 

  Ne a tulafono ne fakatoka ne Ieova mō te fakaipoipoga?

• Ke iku manuia se fakaipoipoga, ne a mea e manakogina ke fai ne se tauavaga?