E mata, ko gata nei koe i fea i te auala ki te papatisoga?
KE OLA E PELĀ ME NE KELISIANO
Filifili ke Tavini ki a Ieova
Kafai koe se talavou Kelisiano io me se tino akoga ki te Tusi Tapu, e mata e isi sou fakamoemoega ke papatiso? Kaia e manako koe o papatiso? A te tukuatuga kae papatiso e iku atu ki te mauaga o se fesokotakiga pili mo Ieova. (Sal 91:1) E iku atu foki ki te fakaolataga. (1Pe 3:21) E mafai pefea o oko koe ki fakamoemoega konei?
Ke fakatalitonu ne koe me tenei te munatonu. Kafai ko isi ne fesili ko ‵sae aka i tou mafaufau, ke fai au sukesukega totino. (Lom 12:2) Fai ke iloa a ‵fuliga kolā e ‵tau o fai, kae ke fai ne koe ona ko tou manakoga ke fakafiafia a Ieova. (Fat 27:11; Efe 4:23, 24) Ke ‵talo faeloa ki a ia mō se fesoasoani. Ke talitonu i a Ieova ka fakamalosi kae ‵lago atu ki a koe e auala i tena agaga tapu. (1Pe 5:10, 11) Ka aoga eiloa a taumafaiga e fai ne koe. A te taviniga ki a a Ieova ko te ‵toe olaga ‵lei!—Sal 16:11.
KE ONOONO KI TE VITIO TE AUALA KI TE PAPATISOGA, KAE TALI A FESILI KONEI:
Ne a fakalavelave ne manumalo i ei a nisi tino ke mafai o papatiso latou?
E ati aka pefea ne koe a te fakatuanaki telā e manakogina ke tuku atu a koe ki a Ieova?
Ne a mea ne fakamalosi aka i ei a nisi tino ke mafai o papatiso?
Ne a fakamanuiaga e maua ne latou kolā e filifili ke tavini ki a Ieova?
Se a te uiga ke fai tau tukuatuga kae papatiso?