KOLOA MAI TE MUNA A TE ATUA

E Fakatoka ne Ieova Ana Tino

[Pei te vitio Fakatomuaga o Numela.]

Ne ‵nofo a tino Isalaelu i matakāiga e taki tolu e ‵tusa mo olotou potukau (Num 1:52, 53; w95 1/12 8 ¶4)

A te aofaki katoa o tino Isalaelu ne ‵nofo i konā kāti e nofo ki se 3,000,000 io me uke atu (Num 2:32, 33; it-1 397 ¶4)

E manako a Ieova ke tapuaki atu ana tino i se auala telā ne fakatoka faka‵lei. Ne fai penā i taimi o tino Isalaelu kae ‵tau foki o fai tatou penā i aso nei.—1Ko 14:33, 40.

Ko te koga ‵nofo o te kau Isalaelu māfai e kilo mai mai luga. Te faleie tapu e tu i te kogaloto. E ‵nofo pili ki te faleie tapu ko kāiga mai te matakāiga o Levi: Alona ki te feitu ki saegala, tino Koate i te feitu ki saute, tino Kelesona i te feitu ki togala, kae ko tino Melali i te feitu ki mātū. A matakāiga e 12 o Isalaelu e tai ‵mao. I te feitu ki saegala ko Isakala, Iuta, mo Sepulona. Ki saute ko Kato, Leupena, mo Simeona. Ki te togala ko Peniamina, Efalaima, mo Manase. Ki mātū ko Nafatali, Tanu, mo Asela.

FESILI IFO, ‘E fakaasi atu ne au pefea a toku ‵lago katoatoa ki te fakapotopotoga a Ieova?’