Polopolokiga—Se Fakaasiga o te Alofa o Ieova

A polopolokiga e fakasino tonu atu ki te fakatonutonu mo te akoako atu, kae aofia foki ei a te faka‵tonuga o mea ‵se mo te fakasalaga. E polopoloki ne Ieova a tatou ko te mea ke mafai o tapuaki atu ki a ia i te auala telā e talia ne ia. (Lom 12:1; Epe 12:10, 11) I nisi taimi, e mafai o fakalogo‵mae a polopolokiga, kae e iku atu ki te amiotonu mo fakamanuiaga. (Fat 10:7) Ne a mea e ‵tau o masaua ne latou kolā e tuku atu ne latou a polopolokiga, mo latou kolā e maua ne latou?

Tino Kolā e Tuku Atu a Polopolokiga. E taumafai malosi a toeaina, mātua mo nisi tino o tuku atu a polopolokiga i te atafai mo te alofa e pelā eiloa mo Ieova. (Iel 46:28) E ‵tau foki o tuku atu a polopolokiga ‵mafa e ‵tusa mo te mea telā e manakogina kae e fakamalosigina ne te alofa.—Tit 1:13.

Te Tino e Maua ne ia a Polopolokiga. Faitalia me ne a vaegā polopolokiga e maua ne tatou, e se ‵tau o ‵teke tatou ki ei kae taumafai o fakagalue fakavave. (Fat 3:11, 12) E pelā me ne tino sē ‵lei katoatoa, e ma‵nako tatou katoa ki polopolokiga i auala kese‵kese. Kāti e polopoloki tatou e auala i mea e fai‵tau ne tatou i te Tusi Tapu io me ko mea e lagona ne tatou i fakatasiga a te fakapotopotoga. Io me maua ne nisi tino a polopolokiga mai i te Komiti Fakamasino. E manino ‵lei me i te faka‵logo ki polopolokiga e iku atu ki te ola.—Fat 10:17.

ONOONO KI TE VITIO “KO LATOU KOLĀ E ALOFA KI EI A IEOVA E POLOPOLOKI NE IA,” KAE TALI AKA A FESILI KONEI MAI LALO:

• 

  Ne puti aka pefea te olaga o Canon kae ne mafuli pefea?

• 

  Se a te polopolokiga alofa ne maua ne ia mai i a Ieova?

• 

  Ne a akoakoga e maua ne tatou mai i tena tala?