Galuega Paenia

E fakaaoga faka‵lei ‵tou malosi māfai e kausaki tatou ki fakamoemoega faka-te-agaga. (1Ko 9:26) E fesoasoani mai a fakamoemoega ke fakaaoga faka‵lei ne tatou a te taimi tenei koi ‵toe mai mua o te gataga o te fakanofonofoga tenei. (Efe 5:15, 16) I taimi o tapuakiga a kāiga, e a māfai e fakatoka ne fakamoemoega mō te suā tausaga faka-te-taviniga? Ke fesoasoani atu, e isi ne mataupu i te tusi mō fakatasiga tenei e uiga ki fakamoemoega kolā e mafai o mafaufau kae ‵talo ki ei.—Iak 1:5.

E pelā me se fakaakoakoga, e a māfai e ga‵lue fakatasi a tino katoa i te kāiga ke mafai ne se tino o paenia tumau? Kafai e fakalotolotolua koe ki te mafai o kātoa ou itula, e mafai ne koe o faipati ki nisi paenia kolā e ‵pau olotou fakanofonofoga mo koe. (Fat 15:22) Kāti e gali foki ma fakasau‵tala ne koutou se paenia i se taimi o te tapuakiga a kāiga. Ko tusi ei ne koe ne fakasologa kolā e mafai o fai. Kafai ne paenia koe i taimi ko ‵teka, mafaufau muamua me e mata koi mafai ne koe o fai penā i te taimi nei io me ikai.

E mata, e isi ne tino i tou kāiga e mafai o paenia lagolago i se masina e tasi io me uke atu? Kafai e se lava tou malosi, e mafai ne koe o paenia lagolago mai te fakaaoga ne nāi taimi i aso takitasi ke talai. Kafai e se lava tou taimi o fano ki te galuega talai i te kogāloto o te vaiaso i a koe e galue tumau io me akoga, e mafai ne koe o filifili se masina telā e isi sena aso malōlō io me lima ana Aso Ono mo Aso Sa. I luga i se kalena, fakamau a taimi e manako koe o paenia lagolago kae tusi se fakasologa.—Fat 21:5.

KE ONOONO KI TE VITIO KO TE KE LOTO MALOSI PELĀ ME SE. . . PAENIA, KAE TALI TE FESILI TENEI:

• Ne a mea e akoako mai ne te tala o te tuagane ko Aamand e uiga ki te alofa atafai o Ieova ki tino kolā e fakaavanoa olotou taimi mo malosi ke paenia?