KOLOA MAI TE MUNA A TE ATUA

Ke Poto Koe i te Filifiliga o Tau Avaga

Ne filifili ne Solomona mo te valea a fāfine kolā e tapuaki ki atua ‵se mo fai ana avaga (1Tu 11:1, 2; w18.07 18 ¶7)

Ne ‵fuli malielie kea‵tea ne avaga a Solomona a tena loto mai i a Ieova (1Tu 11:3-6; w19.01 15 ¶6)

Ne kaitaua malosi a Ieova ki a Solomona (1Tu 11:9, 10; w18.07 19 ¶9)

Ata: Se tuagane taka e fai ana sukesukega totino ki te Tusi Tapu kae mafaufau ki se taina taka. 1. Ko te taina e fai tena tali i se fakatasiga a te fakapotopotoga. 2. E kau atu tou tagata ki te galuega talai. 3. E fesoasoani atu ki te tausiga ke ‵lei te Fale Tapuaki.

E fakatonu mai i te Muna a te Atua ko Kelisiano taka ke “avaga fua i te Aliki.” (1Ko 7:39) Kae faitalia me ko oti ne papatiso se tino, e se fakauiga i ei me ko fetaui ‵lei a ia mo fai tau avaga. E mata, ka tumau te tino tenā i te fesoasoani atu ki a koe ke tavini ki a Ieova mo te loto kātoa? E mata, ne fakaasi atu ne te tino tenā a te alofa ki a Ieova mō se vaitaimi? Koi tuai o fakaiku aka ke avaga, fai ke iloa faka‵lei ne koe a te tino ka avaga koe ki ei.