KE OLA E PELĀ ME NE KELISIANO
E Fakaola ne Ieova a Latou Kolā ko Fati‵fati Olotou Loto
E fanoanoa a tino katoa i nisi taimi. A te fanoanoa e sē se fakaasiga me vāivāi ‵tou feitu faka-te-agaga. Ne fakaasi mai ne Ieova me isi ne taimi ne fanoanoa foki a ia. (Ken 6:5, 6) Kae e a māfai ko pokotia faeloa i te fanoanoa i taimi katoa?
Ke ‵sala atu ki a Ieova mo se fesoasoani. E saga tonu mai a Ieova ki ‵tou mafaufauga mo lagonaga. E iloa ne ia māfai ko fia‵fia io me fanoanoa tatou. E malamalama a ia i te pogai e mafau‵fau io me ko lagonaga e maua ne tatou. (Sal 7:9e) A ko te ‵toe mea tāua, e atafai mai a Ieova ki a tatou kae fesoasoani mai ke fakafesagai atu ki lagonaga fanoanoa ke oko foki loa ki te loto vaivai.—Sal 34:18.
Ke puipui faka‵lei tou mafaufau. A lagonaga sē ‵lei e mafai o pokotia i ei te ‵tou fia‵fia mo te ‵tou tapuakiga. Tela la, ke fai te ‵toe mea e mafai ke puipui a ‵tou loto—mea katoa i loto o tatou.—Fat 4:23.
KE ONOONO KI TE VITIO NE MAUA NE ‵TOU TAINA A TE FILEMU FAITALIA TE LOTO MAFATIA, KAE TALI AKA FESILI KONEI MAI LALO:
Ne a mea aoga ne fai ne Nikki ke fesoasoani ki a ia ke fakafesagai ki te loto mafatia?
Kaia ne mafaufau a Nikki me ‵tau o ‵sala atu a ia ki se fesoasoani mai te fakaimasaki?—Mat 9:12
I auala fea ne fakalagolago atu a Nikki ki a Ieova ke fesoasoani atu ki a ia?