Fakamatalaga Mai Lalo

a Ne seki mafai o fetaui se vaegā togafiti penā mo uiga o se tagata loto fakafetai kae loto maulalo, e pelā mo Mefiposeta. E seai se fakalotolotolua me ne iloa ne ia a fakamatalaga e uiga ki te fakamaoni o tena tamana, ko Ionatana. E tiga eiloa ne fai a ia mo fai te tama a te Tupu ko Saulo, ne talia ne Ionatana mo te loto maulalo a Tavita e pelā me ko te tino ne filifili ne Ieova ke fai mo fai te tupu o Isalaelu. (1 Samuelu 20:​12-17) E pelā me se mātua telā e mataku ki te Atua, kae se taugasoa alofa fakamaoni foki ki a Tavita, ne seki akoako ne Ionatana tena tamaliki tagata ke kausaki atu ki te pulega fakatupu.