Fakamatalaga Mai Lalo

a Kafai e fai‵tau tatou ki te Galuega 20:29, 30, ne fakaasi mai ne Paulo me mai loto i te fakapotopotoga Kelisiano, “ka ‵sae mai foki mai loto eiloa i a koutou a tāgata kolā ka ‵fuli faka‵kotua ne latou a mea ke ‵futi atu ei a soko ki a latou.” E fakapa‵tonu mai i tala fakasolopito me e isi se taimi ne sae aka se fakakese‵kesega o faifeau mo tino ‵lotu. I te tolu senitenali T.A., ne fakaasi faka‵sau mai ei “te tino solitulafono,” ko tino kese‵kese o te potukau o faifeau o Fenua Lotu Kelisiano.​—Ke onoono ki The Watchtower, Fepuali 1, 1990, itulau e 10-14.