Fakamatalaga Mai Lalo

a Ko oko eiloa i te faigata ke maua a tino amio‵tonu i te lalolagi masei tenei. Kae e lau i miliona o tino i aso nei e ola i se olaga amiotonu. E mautinoa me i a koe se tokotasi i a latou. E kausaki atu koe ki te olaga tenā ona ko tou alofa ki a Ieova me i a Ieova e fiafia malosi ki te amiotonu. E mafai pefea o gasolo aka tou fiafia malosi ki te uiga gali tenei? Ka fakamatala mai i te mataupu tenei a te amiotonu mo te auala e maua ei ne tatou a mea aoga māfai e fia‵fia malosi tatou ki ei. Ka sau‵tala foki tatou ki mea e mafai ne tatou o fai ke fakamalosi aka ‵tou fia‵fia ki te uiga tenei.