Fakamatalaga Mai Lalo

b A te fakamaopoopoga o “mea i te lagi” telā ne fakasae aka ne Paulo i te Efeso 1:​10, e ‵kese mo te fakamaopoopoga o “tino filifilia” telā ne fakasae aka ne Iesu, i te Mataio 24:31 mo te Maleko 13:27. Ne fakasino atu a Paulo ki te taimi e filifili ei ne Ieova ana tama faka-te-agaga mai te fakaeke atu o latou ki te agaga tapu. E fakasino atu eiloa a Iesu ki te taimi ko fakamaopoopo ei a te ‵toega o te kau fakaekegina i te lalolagi nei ki te lagi i te taimi o te fakalavelave lasi.