Famasino
5 I te aso tenā ne usu ne Tepola+ fakatasi mo Palaka+ te tama tagata a Apinoama+ te pese tenei:
2 “Ona ko laulu o Isalaelu ne fakatau‵tau ki lalo,*
Ona ko te loto fia‵fia o tino i ei o taua atu,+
‵Viki atu ki a Ieova!
3 Faka‵logo mai e tupu! Tuku mai otou taliga, koutou e takitaki!
Ka usu atu au ki a Ieova.
Ka usu ne au a pese o vikiga ki a Ieova,+ te Atua o Isalaelu.+
4 Ieova, i te taimi ne fano ei koe ki tua mai Seila,+
I te taimi ne māti ei koe ki tua mai te kogā fenua o Etoma,
Ne galulu te lalolagi, kae ne ma‵ligi ifo a vai mai te lagi,
Ne ma‵ligi ifo a vai mai kaumana.
6 I aso o Samekala+ te tama tagata a Anata,
I aso o Iaeli,+ e seai ne tino i auala;
A tino faima‵laga ne olo i auala i tua.
7 Ko seai ne tino i Isalaelu,*
Ko seai eiloa ne tino ke oko ki te taimi ne tu aka ei au, Tepola,+ ki luga,
Ke oko eiloa ki te taimi ne tu aka ei au e pelā me se mātua i Isalaelu.+
E se lavea atu eiloa se talita io me se tao,
I tāgata e toko 40,000 i Isalaelu.
‵Viki atu ki a Ieova!
10 Koutou kolā e ‵sopo i asini segasega,
Koutou kolā e saga‵saga i kapeti ‵lei,
Mo koutou kolā e sa‵sale i te auala,
Mafau‵fau aka ki te mea tenei!
11 A leo o tino tufa vai e lagona atu i te koga asu vai;
E fakamatala ne latou i konā a faifaiga amio‵tonu a Ieova,
Ko faifaiga amio‵tonu a ana tino i Isalaelu.
Tenā ne olo ifo ei a tino o Ieova ki mataloa o te fakai.
12 Ala mai, ala mai, e Tepola!+
Ala mai, ala mai, usu aka se pese!+
Tu ki luga, e Palaka!+ ‵Taki au pagota kea‵tea, e te tama tagata a Apinoama!
13 Kae ko latou kolā ne ‵toe mai ne olo ifo ki tino ma‵luga;
Ne olo ifo a tino o Ieova ki a au ke taua atu ki tino ‵mafi.
14 Ne ‵tupu mai latou i a Efalaima, ko latou i te vanu;
E tau‵tali latou i a koe, e Peniamina, fakatasi mo ou tino.
Mai Makila+ ne olo ifo ei a takitaki kautau,
Kae mai Sepulona ko latou kolā e puke i te tokotoko a te tino e fakamaopoopo mai a sotia.*
15 A pelenise i Isakala ne ‵nofo tasi mo Tepola,
E pelā mo Isakala, e penā foki a Palaka.+
Ne uga atu a ia ke sasale i ana vae ki te vanu laugatasi.+
Mai te mavae‵vae o te matakāiga o Leupena ne lasi eiloa te sukesukega ne fai ki olotou loto.
16 Kaia ne sagasaga ei koe i va o taga e lua e ave ei a mea,
O fakalogologo ki a latou e faka‵tagi olotou pu mō lafu mamoe?+
Me i te mavae‵vae o te matakāiga o Leupena, ne lasi eiloa te sukesukega ne fai ki olotou loto.
Asela ne sagasaga fua i te tafatai,
Kae nofo atu i ana koga e taula ei a vaka.+
18 A tino Sepulona ne tuku atu olotou ola ke ‵tu i se tulaga fakamataku ke oko ki te mate;
E seai ne siliva ne puke ne latou.+
20 Ne taua atu a fetū i te lagi,
Mai i olotou auala ne taua atu ei a mea konā ki a Sesela.
21 Ne ‵tafe latou kea‵tea i te vaitafe o Kisona,+
Ko te vaitafe i aso mua, ko te vaitafe o Kisona.
Ne lakalaka ne au ki lalo a tino ma‵losi.
22 Tenā ne paku‵ku mai a vae o solofanua
Ona ko ana solofanua tāgata ko fakatau ‵tele valevale.+
23 ‘Fakamalaia atu a Melosa,’ ko pati a te agelu a Ieova,
‘Ao, ke na fakamalaia atu ana tino,
Me ne seki o‵mai latou o fesoasoani ki a Ieova,
O fesoasoani ki a Ieova o taua ki tino ‵mafi.’
24 A te ‵toe fafine manuia eiloa ko Iaeli+
Te avaga a Hepela+ te tino Keni;
Ko ia te ‵toe fafine manuia eiloa i fāfine e ‵nofo i faleie.
25 Ne fakamolemole atu tou tagata ki a ia ki ne vai, kae tuku atu ne ia ki tou tagata a susu;
I loto i se pōla gali ne avatu ne tou fafine i ei a susu ‵poto.+
26 Ne ‵kapa atu tena lima ki te pine o te faleie,
Kae ko tena lima fakaatamai ki te samala a te tino faigaluega.
Kae ‵tuki ne ia ki te samala a Sesela, ne ‵tuki ne ia tena ulu,
Ne ‵tuki ne ia kae velo i feitu o tena ulu.+
27 Ne siga ifo a ia i te va o vae o tou fafine, ne pakū ki lalo, takato ei i konā;
I te va o vae o tou fafine ne siga kae pakū ei a ia;
Ko te koga ne siga ei a ia, ko te koga ne pakū ei a ia mo te takavale.
28 Mai te famalama ne kilo atu se fafine ki tua,
Ne fatio atu a te mātua o Sesela ki tua mo te famalama,
‘Kaia ko fui oko mai ei tena kaliota?
Kaia ko tuai ei te ‵tagi mai o vae o ana kaliota?’+
29 Ne tali atu ana fāfine ‵poto ki a ia,
Ao, kae toe fai ifo ne ia olotou pati ki a ia eiloa,
30 ‘Kāti ko vaevae ne latou olotou mea ne maua mai i te taua,
E tofu te sotia mo te tamaliki fafine, io me tokolua tama‵liki fāfine,
Ko laugatu lanu kese‵kese mai te taua ma Sesela, ko laugatu lanu kese‵kese,
Se gatu gali, se laugatu lanu kese‵kese, e lua gatu ‵gali
Mō fakagali‵gali a ua o tino ‵fao mea.’
31 Tela la, ke na fakaseai atu katoa ou fili,+ e Ieova,
Kae ko latou kolā e a‵lofa ki a koe ke fai pelā mo te la telā e sae aka kae maina atu.”
Kae ne seki toe ai eiloa ne taua i te fenua i tausaga e 40.+