Te Muamua Nofoaiga Tupu

7 A tama tāgata a Isakala e tokofa, ko Toula, Pua, Iasupa mo Similona.+ 2 A tama tāgata a Toula ko Usi, Lefaia, Ielielu, Iamai, Ipisama mo Semuelu ko ulu o olotou kāiga i olotou tamana. Ne ‵tupu mai i a Toula a toa ‵mafi kolā ne oko te lotou aofaki ki te toko 22,600 i aso o Tavita. 3 Kae ko tino kolā ne ‵tupu* mai i a Usi ko Iselaia mo tama tāgata a Iselaia: ko Mikaele, Opetaia, Ioelu mo Isilaia—a te tokolima konā ne matai katoa o olotou kāiga. 4 Kae fakatasi mo latou mo tino kolā ne ‵tupu mai i a latou, e ‵tusa mo olotou kāiga i olotou tamana, e toko 36,000 sotia i te lotou kautau e mafai o olo ki te taua, me e tokouke olotou avaga mo olotou tama tāgata. 5 Kae ko olotou taina mai kāiga katoa o Isakala ne toa ‵mafi, e toko 87,000 ne fakamau olotou igoa i te fakasologa o gafa.+

6 A tama tāgata a Peniamina+ e tokotolu, ko Pela,+ Pekali+ mo Ietiaelu.+ 7 A tama tāgata a Pela e tokolima, ko Esepono, Usi, Usieli, Ielimota mo Ili, ko ulu o olotou kāiga i olotou tamana, ne toa ‵mafi, kae toko 22,034 ne fakamau olotou igoa i te fakasologa o gafa.+ 8 Kae ko tama tāgata a Pekali ko Semula, Ieoasa, Eliesa, Elioenai, Omeli, Ielemota, Avia, Anatota mo Alemeta—a latou katoa konei ko tama tāgata a Pekali. 9 A te aofaki o latou i te fakamauga o olotou igoa i te fakasologa o gafa e ‵tusa mo ulu o olotou kāiga i olotou tamana e toko 20,200 toa ‵mafi. 10 Kae ko tama tāgata a Ietiaelu+ ko Pilana kae ko tama tāgata a Pilana: ko Ieusa, Peniamina, Euta, Kenaana, Setana, Talasisi mo Apisahala. 11 A latou katoa konei ko tama tāgata a Ietiaelu, e ‵tusa mo matai o olotou tupuga, e toko 17,200 toa ‵mafi ko toka o olo i te kautau ki te taua.

12 A tino Supima mo Hupima ko tama tāgata a Ile;+ a tino Husima ko tama tāgata a Aela.

13 A tama tāgata a Nafatali+ ko Iasielo, Kuni, Ieseli mo Saluma—ko tino ne ‵tupu mai* i a Pila.+

14 A tama tāgata a Manase:+ ko Asilielu, i tena avaga fakasalasala mai Sulia. (Ne fanau mai ne ia a Makila+ te tamana o Kileata. 15 Ne puke ne Makila se avaga ma Hupima mo se avaga ma Supima, kae ko te igoa o tena tuagane ko Maaka.) A te igoa o te tokolua ko Selofeata,+ kae ko tama a Selofeata ne tama fāfine.+ 16 A Maaka te avaga a Makila ne fanau ne ia tena tamaliki tagata kae fakaigoa ki a Pelesa; kae ko te igoa o tena taina ko Seleisa; kae ko ana tama tāgata ko Ulama mo Lekima. 17 Kae ko te tama tagata* a Ulama ko Petana. Konei a tama tāgata a Kileata te tama tagata a Makila te tama tagata a Manase. 18 A te tuagane o Kileata ko Hamoleketa. Ne fanau mai ne tou fafine a Isoto, Apiese mo Mahala. 19 A tama tāgata a Semita ko Aiani, Sekema, Liki mo Aniama.

20 A tama tāgata a Efalaima+ ko Sutela,+ a te tama tagata a Sutela ko Peleti, a te tama tagata a Peleti ko Tahata, a te tama tagata a Tahata ko Eleatai, a te tama tagata a Eleatai ko Tahata, 21 a te tama tagata a Tahata ko Sapata, a te tama tagata a Sapata ko Sutela. A nisi tama tāgata a Efalaima ko Eseli mo Eleata. A tāgata Kata+ kolā ne fa‵nau i te fenua tenā ne tamate ne latou a lāua me ne olo ifo lāua o puke olotou lafu manu. 22 A te lotou tamana ko Efalaima ne fanoanoa malosi i aso e uke, kae ne o‵mai faeloa ana taina o fakamafanafana a ia. 23 Fakamuli ifo, ne ‵moe a ia mo tena avaga, kae ne faitama tou fafine kae fanau ne ia se tamaliki tagata. Ne fakaigoa ne tou tagata a ia ki a Pelia* me ne nofo tou fafine i te fale mo puapuaga e uke. 24 A tena tama fafine ko Seela, telā ne faite ne ia a Peta-holono i Lalo+ mo Luga+ mo Useni-seela. 25 A tena tama tagata ko Lefa mo Lesefa, a te tama tagata a Lesefa ko Tela, a te tama tagata a Tela ko Tahana, 26 a te tama tagata a Tahana ko Latana, a te tama tagata a Latana ko Amiuta, a te tama tagata a Amiuta ko Elisama, 27 a te tama tagata a Elisama ko Nuno, a te tama tagata a Nuno ko Iosua.*+

28 A te lotou tofi mo koga e ‵nofo latou i ei ko Peteli+ mo ana fakai fo‵liki, kae ki te feitu ki saegala ko Nalana, kae ki te feitu ki togala ko Kesela mo ana fakai fo‵liki, mo Sekema mo ana fakai fo‵liki, ke oko atu ki Aiia* mo ana fakai fo‵liki; 29 kae i tafa o tino kolā ne ‵tupu mai i a Manase, ko Peta-seana+ mo ana fakai fo‵liki, Tanaka+ mo ana fakai fo‵liki, Mekito+ mo ana fakai fo‵liki, mo To+ mo ana fakai fo‵liki. Ne ‵nofo i fakai konei a tino kolā ne ‵tupu mai i a Iosefa te tama tagata a Isalaelu.

30 A tama tāgata a Asela ko Imina, Isiva, Isivi mo Pelia,+ kae ko te lotou tuagane ko Siela.+ 31 A tama tāgata a Pelia ko Hepela mo Malakielu, telā ko te tamana o Pilisaita. 32 A Hepela ko te tamana o Iafeleti, Siomeli mo Hotama mo Sua te lotou tuagane. 33 A tama tāgata a Iafeleti ko Pasaka, Pimali mo Asevata. Konei a tama tāgata a Iafeleti. 34 A tama tāgata a Someli* ko Ahi, Loka, Ieupa mo Alamo. 35 A tama tāgata a Helemi* tena taina, ko Sofa, Imine, Selesai mo Amala. 36 A tama tāgata a Sofa ko Suai, Hanefele, Sualo, Peli mo Imile, 37 Pesela, Hoto, Saama, Silesa, Italana mo Peela. 38 A tama tāgata a Ietela ko Iefune, Pisepa mo Ala. 39 A tama tāgata a Ula ko Alaka, Hanielu mo Lisia. 40 A latou katoa konei ko tama tāgata a Asela, ko ulu o olotou kāiga i olotou tamana, ne toa ‵mafi filifilia, takitaki o kautau; kae ko te lotou aofaki i te fakamauga o igoa i olotou gafa+ e toko 26,000 tāgata+ o te kautau kolā ko toka mō te taua.