Te Muamua Nofoaiga Tupu

13 Ne fai‵pati a Tavita fakatasi mo takitaki o taki tokoafe mo taki tokoselau mo takitaki+ katoa. 2 Tenā ne fai atu ei a Tavita ki te fakapotopotoga kātoa o Isalaelu: “Kafai e ‵lei ki a koutou kae talia foki ne Ieova te ‵tou Atua, ke na avatu ne tatou se fekau ki te ‵toega o ‵tou taina i kogā koga katoa o Isalaelu e pelā foki mo faitaulaga mo tino Levi i olotou fakai+ mo laukele moukuā ke o‵mai o ‵kau mo tatou. 3 Kae ke fakafoki mai ne tatou te Pusa+ a te ‵tou Atua.” Me ne seki tausi atu eiloa latou ki ei i aso o Saulo.+ 4 Ne lotoma‵lie a te fakapotopotoga kātoa ke fai te mea tenā, me foliga ‵lei te mea tenā ki tino katoa. 5 Ne fakamaopoopo mai ne Tavita a Isalaelu kātoa, mai te vaitafe* o Aikupito ke oko ki Lepo-hamata,*+ o aumai te Pusa a te Atua tonu mai Kiliata-iealima.+

6 Ne olo aka a Tavita mo tino Isalaelu katoa ki Paalā,+ ki Kiliata-iealima i Iuta, o aumai mai konā a te Pusa a te Atua tonu, ko Ieova, telā e sagasaga i te nofogaaliki mai luga* o kelupi,+ ko te koga e ka‵laga atu ei a tino ki tena igoa. 7 Ne tuku ne latou te Pusa a te Atua tonu ki luga i se kā+ fou kae aumai ne latou mai te fale o Apinatapu, kae ko Usa mo Aio ne takitaki ne lāua te kā.+ 8 A Tavita mo tino Isalaelu katoa ne fai olotou fakafiafiaga i mua o te Atua tonu mo olotou malosi kātoa, fakatasi mo pese, kitala, nisi mea fakatagi‵tagi, samupelini,+ sumepalo+ mo pu.+ 9 Kae i te lotou okoatuga ki te koga tuki saito i Kitone, ne ‵kapa atu te lima o Usa o taofi te Pusa, me toeitiiti kae tō te pusa ne fai ne pulumakau. 10 I konā eiloa ne kaitaua a Ieova ki a Usa, kae ne tamate ne Ia a tou tagata me ne ‵kapa atu tena lima ki te Pusa,+ mate eiloa a ia i konā i mua o te Atua.+ 11 Kae ne ita* a Tavita i a Ieova ne fakaoko atu tena kaitaua ki a Usa; kae ne fakaigoa a te koga tenā ki a Pelesa-usa* ke oko mai eiloa ki te aso nei.

12 Ne mataku a Tavita i te Atua tonu i te aso tenā kae fai aka: “E mafai pefea o aumai ne au te Pusa a te Atua tonu ki a au?”+ 13 Ne seki avatu ne Tavita a te Pusa ki te koga e nofo a ia i ei i te Fakai o Tavita, kae ne fai ne ia ke ave ki te fale o Opeta-etoma te tino Kata. 14 Ne tuku eiloa te Pusa a te Atua tonu i te kāiga o Opeta-etoma, ne tuku eiloa i tena fale i masina e tolu, kae ne fakamanuia faeloa ne Ieova te kāiga o Opeta-etoma mo ana mea katoa.+