Neemia

10 A tino kolā ne fakatalitonu aka kae fai se fakamailoga ki ei+ ko:

9 E pelā foki mo tino Levi: Iesua te tama tagata a Asania, Pinui mai tama tāgata a Henatata, Katamiela,+ 10 mo olotou taina ko Seipania, Hotia, Kelita, Pelaia, Hananu, 11 Maika, Lehopa, Hasapaia, 12 Sakula, Selepaia,+ Seipania, 13 Hotia, Pani mo Peninu.

14 Ko takitaki o tino: Palosi, Pahata-moapi,+ Elama, Satu, Pani, 15 Pinu, Asikata, Pepai, 16 Atonia, Pikivai, Atini, 17 Atela, Hesekia, Asuli, 18 Hotia, Hasumu, Pasai, 19 Halifa, Anatota, Nepai, 20 Makapiasi, Mesulama, Hesila, 21 Mesesapelu, Satoka, Iatua, 22 Pelatia, Hananu, Anaia, 23 Hosia, Hanania, Hasupo, 24 Haloesa, Pihila, Sopeka, 25 Lehuma, Hasupana, Maseia, 26 Aita, Hananu, Ananu, 27 Maluka, Halima mo Paana.

28 A te ‵toega o tino—ko faitaulaga, tino Levi, tino tausi mataloa, tino usuusu, tavini o te faletapu,* mo tino katoa kolā ne ‵vae kea‵tea mai tino o nisi fenua ke tau‵tali atu i te Tulafono a te Atua tonu,+ fakatasi mo olotou avaga, olotou tama tāgata mo olotou tama fāfine, ko tino katoa kolā e isi se lotou iloa kae malamalama*— 29 ne ‵kau atu ki olotou taina, olotou tino ma‵luga, kae fai ne latou se tautoga telā e mafai o malaia latou i ei māfai e se faka‵logo latou ki te Tulafono a te Atua tonu, telā ne tuku atu e auala i a Mose te tavini a te Atua tonu, kae māfai foki e se tausi faka‵lei ki fakatonuga katoa a Ieova te ‵tou Aliki, ana fakamasinoga mo ana tulafono fo‵liki. 30 Ka se tuku atu ne matou omotou tama fāfine ki tino mai nisi fenua, kae ka se puke mai ne matou olotou tama fāfine ma omotou tama tāgata.+

31 Kafai e aumai ne tino mai nisi fenua olotou mea mo vaegā meakai valevale ke fakatau atu i te Sapati, ka seai ne omotou mea e ‵togi mai i ei i te Sapati+ io me i se aso tapu.+ Ka tiaki foki ne matou a fuataga kolā ne ‵fua mai i te fitu o tausaga+ mo so se kaitalafu.+

32 Ko oti foki ne fai ne matou se tulafono mō matou eiloa ke tuku atu ne matou se tasi-vae-tolu o te sekela* i tausaga takitasi mo fai te taviniga i te fale* o te motou Atua,+ 33 ko falaoa,*+ ko taulaga masani o meakai,+ ko taulaga ‵sunu masani o Sapati+ mo masina sae,+ mo ‵kaiga fia‵fia kolā ne filifili aka,+ ko mea tapu, ko taulaga o agasala+ ke faka‵ma ei a Isalaelu, mo galuega katoa i te fale o te motou Atua.

34 Ne fai foki ne matou ne vili e uiga ki te aofaki o fafie e ‵tau o avatu ne faitaulaga, tino Levi, mo tino ki te fale o te motou Atua i kāiga i omotou tamana, i te taimi tonu, i tausaga takitasi, ke ‵sunu i luga i te fatafaitaulaga a Ieova te motou Atua, e ‵tusa mo mea kolā e tusi i te Tulafono.+ 35 Ka aumai foki ne matou a fuagalakau muamua o omotou laukele kolā ko ‵pala mo fuagalakau muamua o so se lakau telā ko ‵pala, i tausaga takitasi ki te fale o Ieova,+ 36 e pelā foki mo omotou toekimua tāgata mo omotou lafu manu+—e ‵tusa mo te mea e tusi i te Tulafono—mo tama muamua a omotou lafu pulumakau mo omotou lafu mamoe. Ka aumai ne matou a mea konā ki te fale o te motou Atua, ki faitaulaga kolā e tavini atu i te fale o te motou Atua.+ 37 E pelā foki mo meakai ne faite mai i fuataga muamua,+ ko omotou meaalofa, fuataga o so se lakau,+ uaina ‵fou mo sinu,+ e ‵tau o avatu ne matou ki faitaulaga ki te potu ‵teu koloa* o te fale o te motou Atua,+ fakatasi mo te tasi-vae-sefulu mai omotou laukele ke avatu ki tino Levi,+ me i tino Levi e ‵tae ne latou a te tasi-vae-sefulu i omotou fakai katoa e ‵toki ei a lakau.

38 Kae ko te faitaulaga, te tama tagata a Alona, e ‵tau o olo tasi mo tino Levi i te taimi e ‵tae mai ei ne tino Levi a te tasi-vae-sefulu; kae e ‵tau mo tino Levi o ofo atu se tasi-vae-sefulu o te tasi-vae-sefulu ki te fale o te motou Atua,+ ki potu* o te fale ‵teu koloa. 39 Me i tino Isalaelu mo tama tāgata a tino Levi e ‵tau o avatu ne latou ki potu ‵teu koloa a olotou meaalofa+ saito, te uaina fou, mo sinu,+ kae tenā te koga e tuku i ei a meāfale o te koga tapuaki, kae ‵nofo foki i ei a faitaulaga kolā e fai ne latou te taviniga, tino tausi mataloa, mo tino usuusu. Ka se manatu māmā eiloa matou ki te fale o te motou Atua.+