Iopu
34 Ne toe tali atu a Eliu:
2 “Faka‵logo mai ki aku pati, koutou kolā e ‵poto;
Faka‵logo mai ki a au, koutou kolā e lasi te otou iloa.
3 Me i te taliga e tofotofo ne ia a pati
E pelā mo te alelo e tami ki meakai.
4 Ke iloilo aka ne tatou me se a te mea e tonu;
Ke fakaiku aka ne tatou i a tatou eiloa me se a te mea e ‵lei.
5 Me ne fai aka a Iopu, ‘Au e tonu,+
Kae ne ave kea‵tea ne te Atua a te fakamasinoga tonu mai i a au.+
6 E a, ka loi au e uiga ki toku fakamasinoga?
A toku pakiaga e se mafai o fai ke ‵lei, faitalia me seai se amioga solitulafono i ei.’+
7 Ko oi te tagata e ‵pau mo Iopu,
Telā e inu ne ia a fakatauemuga e pelā me ne vai?
8 E ‵kau fakatasi a ia mo tino fai mea ‵se
Kae fai taugasoa mo tāgata amio ma‵sei.+
9 Me ne fai mai a ia, ‘E seai ne mea aoga e maua ne te tagata
Mai te taumafai o fakafiafia te Atua.’+
10 Tela la, faka‵logo mai ki a au, koutou tāgata malamalama:*
E seki mafaufau eiloa a te Atua tonu ke fai ne ia a faifaiga ma‵sei,+
Ke fai ne te Atua Malosi Katoatoa a te mea ‵se!+
11 Me ka taui atu ne ia ki te tagata e ‵tusa mo ana mea e fai+
Kae aumai ki luga i a ia a ikuga o ana auala.
12 E mautinoa eiloa me i te Atua e se fai ne ia a faifaiga ma‵sei;+
A te Atua Malosi Katoatoa e se ‵fuli ne ia a te fakamasinoga tonu.+
13 Ko oi ne fili ne ia a ia ke pule i te lalolagi,
Kae ko oi ne fakasopo aka ne ia a ia ke pule i te lalolagi kātoa?*
14 Kafai e saga tonu atu a ia ki a latou,
Kafai e fakamaopoopo mai ne ia olotou ola mo olotou mānava ki a ia,+
15 A tino katoa ka ‵mate fakatasi,
Kae ko tino ka toe ‵foki atu ki te ‵pefu.+
16 Tela la, kafai e maua ne koe te malamalama, saga tonu mai ki te mea tenei;
Fakalogo faka‵lei ki aku pati e fai atu.
17 E mata, e ‵tau o pule se tino telā e takalialia ki te fakamasinoga tonu,
Io me, e a, ka taku fakamasei ne koe se tino malosi telā e amiotonu?
18 E a, ka fai atu koe ki se tupu, ‘A koe e seai sou aoga,’
Io me ki tino tāua, ‘A koutou e ma‵sei’?+
19 E isi se Atua telā e se fakaasi atu ne ia te fakailoga tino ki pelenise
Kae e se fapito ki tino mau‵mea i lō tino ma‵tiva,+
Me i a latou ko galuega katoa o ana lima.+
20 E mafai o ‵mate fakapoi latou+ i te valuapo;+
E pole‵pole malosi latou, ko ‵galo atu ei;
Ke oko ki tino ma‵losi e tapale kea‵tea, kae e se tapale ne lima o tāgata.+
21 Me i mata o te Atua e kilo atu ki auala o te tagata,+
Kae e lavea ne Ia ana kalafaga katoa.
22 E seai se pouliga io me se ata o te pouliga
Ke mafai o ‵muni i ei a tino fai mea ‵se.+
23 Me e seki fakatoka ne te Atua se taimi tonu mō se tagata
Ke tu i ana mua o fakamasino.
24 E ‵ta ne ia a tino ma‵losi e aunoa mo se sukesukega
Kae faka‵tu aka a nisi tino ke sui ei latou.+
26 E ‵ta ne ia latou ona ko olotou amioga ma‵sei,
I se koga e mafai ei o lavea ne tino katoa,+
27 Me ne ‵fuli kea‵tea latou mai te tau‵tali atu i a ia+
Kae e se fia ‵saga atu ki ana auala;+
28 E fai ne latou a tino ma‵tiva ke ‵tagi atu ki a ia,
Ko te mea ke lagona ne ia te ‵tagi o tino vāi‵vai.+
29 Kafai e nofo filemu te Atua, ko oi e mafai o taku fakamasei ne ia a ia?
Kafai e ‵muni a ia, ko oi e mafai o lavea ne ia a ia?
Faitalia me fai ki se fenua io me ki se tagata, e ‵pau eiloa te ikuga,
30 Ko te mea ke se pule se tino masei*+
Io me fai a malei mō tino.
31 E a, ka fai atu se tino ki te Atua,
‘Au ko oti ne fakasala, faitalia me seai saku mea ‵se ne fai;+
32 Akoako mai ki a au a te mea ne seki lavea ne au;
Kafai ne fai ne au se mea ‵se, ka se toe fai eiloa ne au’?
33 E a, e ‵tau o taui atu ne ia ki a koe e ‵tusa mo mea e manako koe ki ei māfai koe ne ‵teke ki ana fakamasinoga?
E ‵tau o fakaiku aka ne koe, kae e se ko au.
Tela la, fai mai ki a au a mea kolā e iloa ‵lei ne koe.
34 A tāgata malamalama ka fai mai ki a au
—So se tagata poto e lagona ne ia au—
35 ‘A Iopu e faipati e aunoa mo te iloa,+
Kae ko ana pati e se ‵loto te malamalama e maua i ei.’
36 Fai ke tofotofo a Iopu ke oko eiloa ki te tapula
Me i ana tali e ‵pau eiloa mo tali a tāgata ma‵sei!