Iopu
35 Ne toe tali atu a Eliu:
2 “E a, e talitonu eiloa koe i a koe e tonu ko fai mai ei koe,
‘E sili atu toku amiotonu i lō te Atua’?+
3 Me fai mai koe, ‘Se a tena aoga ki a koe?*
E a, e sili atu toku ‵lei moi fai au ne agasala?’+
4 Ka tali atu au ki a koe
Mo ou taugasoa+ e ‵nofo fakatasi mo koe.
5 Kilo aka ki te lagi,
Kilo atu ki kaumana+ kolā e ma‵luga atu i a koe.
6 Kafai e agasala koe, e fakalogo‵mae pefea ne koe a ia?+
Kafai e gasolo eiloa o uke au amioga solitulafono, ne a au mea e fai ki a ia?+
7 Kafai koe e amiotonu, se a te mea e tuku atu ne koe ki a ia;
Se a te mea e maua ne ia mai i a koe?+
8 Au amioga ma‵sei e pokotia fua i ei te tino e penā mo koe,
Kae ko tou amiotonu, e pokotia fua i ei te tama a se tagata.
9 A tino e ‵tagi māfai ko ‵nofo mai lalo i fakasauaga e uke;
E ‵tagi latou mō se fakatapūga mai i te pulega a tino pule ma‵losi.+
10 Kae e seai se tino e fai aka, ‘Tefea a te Atua, toku Atua Sili telā ne faite ne ia au,+
Te tino ne fai ne ia ke usu a pese i te po?’+
11 E akoako ne ia tatou+ ki mea e uke atu i lō manu fe‵kai o te laukele,+
Kae fai ne ia ke ‵poto atu tatou i lō manu eva o te lagi.
13 E mautinoa me e se lagona ne te Atua se tagi sē aoga;*+
E se saga atu a te Atua Malosi Katoatoa ki te mea tenā.
14 Kae sili atu la te masei māfai e fameo koe me e se lavea ne koe a ia!+
A tau tagi ko oko ki ana mua, tela la, e ‵tau o fakatalitali koe mo te manavase ki a ia.+
15 Me i a ia e seki kalaga ita mai ke avatu se tala;
Io me saga atu ki au pati kolā ne sonafai atu fua.+
16 Ne fakamaga malosi ne Iopu tena gutu mo te sē aoga;
Ne fai ana pati e uke e aunoa mo te iloa.”+