Iopu
39 “E iloa ne koe te taimi e fa‵nau ei a kouti o mauga?+
Kai lavea aka eiloa ne koe te tia e fanau ana tama?+
2 E a, e lau ne koe a masina e ‵tau ei o katoatoa latou?
E iloa ne koe te taimi e fa‵nau ei latou?
3 E to‵tuli ifo latou ki lalo māfai ko fa‵nau olotou tama,
Ko gata ei te ‵mae o latou.
4 A olotou tama e olo o ma‵losi kae ‵tupu aka i te vao;
E olo kae e se toe ‵foki mai ki a latou.
5 Ko oi ne fakasaoloto ne ia te asini vao,+
Kae ko oi ne ‵tala ne ia a lōpu o te asini vao?
6 Ko oti ne fai ne au a te toafa mo fai tena fale
Mo te laukele masima mo fai tena koga nofo.
7 A te manu tenā e katakata ki te logoa mai i te fakai
E se lagona ne ia te paka‵laga o tino kolā e fakagalue ne latou a manu.
8 E fano i luga i tamā mauga o ‵sala a koga moukuā,
O salasala so se lakau lanu launiu.
9 E a, e manako te pulumakau tagata o te vao o tavini atu ki a koe?+
E a, ka moe a ia i te po i te fale e tausi ei au manu?
10 E a, ka fakaaoga ne koe se lōpu ke ‵sai se pulumakau tagata o te vao ki laina o fakatugā one kolā e ‵toki ki ei a fuaga,
Io me ka tautali atu te manu tenā i a koe o fakamalū te vanu?
11 E a, ka talitonu koe ki te lasi o tena malosi
Kae tuku ke fai ne ia au galuega ‵mafa?
12 E a, ka fakalagolago koe ke aumai ne ia ki a koe au fuataga ne ‵kati,
Kae fakamaopoopo mai ne ia ki tau koga tuki saito?
13 A kapakau o te osetelite e kapatā mo te fia‵fia,
Kae e a, e mafai o faka‵pau ana kapakau mo ana fulufulu ki kapakau mo fulufulu o te sikala?+
14 Me e tuku ne ia ana fua i te laukele,
Kae fai ne ia ke mafanafana i te ‵pefu.
15 E puli i a ia me mafai o ‵laka ne vae a mea konā
Io me lakalaka ne se manu o te vao a mea konā.
16 E fai fakamasei ne ia ana tama tāgata, e pelā loa me e se i a ia a tama;+
E se mataku a ia me e mafai o seai se aoga o tena ‵mae.
17 Me ko oti ne ave kea‵tea ne te Atua a te poto mai i a ia*
Kae seai se vaega o te malamalama ne tuku atu ki ei.
18 I te taimi e eva ei ki luga kae kapatā ana kapakau,
E katakata a ia ki te solofanua mo tena tino fakatele.
19 E a, ko koe te tino e tuku atu ki te solofanua a tena malosi?+
E a, e ufi ne koe a tena ua ki fulufulu?
20 E mafai ne koe o fai a ia ke eva e pelā me se seakelise?
A te malosi o te mānava mai i ana puisu e fakamataku.+
21 E tukeli ne ia a te laukele i te vanu kae evaeva malosi;+
22 E katakata a ia ki te mea fakamataku kae seai se mea e mataku ki ei.+
E se foki a ia ki tua ona ko te pelu.
23 A te taga tuku matasana e pakēkē mai i ana feitu,
Kae ko te sana mo te tao e matilotilo.
25 I te taimi e ili ei te pu, e fai aka a ia, ‘Aa!
E ‵sogi ne ia te taua mai i se koga ‵mao
Kae lagona ne ia te paka‵laga o takitaki mo tino e ka‵laga i te taua.+
26 E a, ona ko tou malamalama ko eva ei te falakone ki luga,
Kae ‵fola ana kapakau ki saute?
27 Io me, e a, ona ko tau fakatonuga ko eva ei te aeto ki luga+
Kae faite tena ofaga i luga loa,+
28 E moe i te po i luga i te kaupapa,
Kae nofo i tena koga malosi i se kaupapa?*
29 Mai konā e salasala a ia ki meakai;+
Ana mata e kilo atu ki se koga ‵mao ‵ki.
30 Ana tama e ‵miti a toto;
Kae ko so se koga e isi ne tino ‵mate i ei, e nofo atu a ia i konā.”+