Iopu
8 Tenā ne tali atu ei a Pilitati+ te tino Suaa:+
2 “Ka pefea te leva e tumau ei koe i te faipati penei?+
A pati mai i tou gutu se matagi malosi eiloa!
3 E a, ka ‵fuli ne te Atua a te fakamasinoga tonu,
Io me e a, ka ‵fuli ne te Atua Malosi Katoatoa a te amiotonu?
4 Kafai ne agasala au tama tāgata ki a ia,
Ka fakasala ne ia latou ona ko te lotou ‵teke atu;*
5 Kae kafai e kilo atu fua koe ki te Atua+
Kae fakamolemole atu ki te Atua Malosi Katoatoa ke maua tena taliaga,
6 Kae kafai koe e ‵ma pakipaki kae fai mea tonu,+
Ka saga atu a ia ki a koe*
Kae toe fakafoki atu koe ki tou tulaga tonu.
7 Kae e tiga eiloa ne kamata koe mai i se mea foliki,
Ou aso mai mua ka sili atu.+
8 Fakamolemole, fesili atu ki kautama o aso mua,
Kae saga atu ki mea ne maua ne olotou tamana.+
9 Me i a matou ne fa‵nau fua i te aso anafi, kae seai se omotou mea e iloa,
Me i omotou aso i te lalolagi nei se ata fua.
10 E a, ka se akoako ne latou a koe
Kae fai atu ki a koe a mea e iloa ne latou?*
11 E a, ka ola aka a te lakau ko te kome ke maluga i se koga telā e se sua‵sua?
E a, ka ola aka se mouku ke maluga i se koga e seai ne vai i ei?
12 I te taimi e seki ‵pula aka ei, kae e seki tau,
Ka mage‵mage muamua a mea konā i lō nisi lakau.
13 Tenei eiloa te ikuga* o tino katoa kolā e puli i a latou a te Atua,
Me i te fakamoemoega o tino ma‵sei* ka galo atu,
14 E seai se aoga o te lotou loto talitonu
Kae ko te tali‵tonu o latou e vāi‵vai eiloa e pelā mo leveleve* o te naleau.
15 Ka fakapale a ia ki tena fale, kae ka se mafai o tu;
Ka taumafai a ia o taofi ‵mau ki ei, kae ka se tumau.
16 A ia se lakau e siusiu i te la,
Kae salalau atu ana kaula i loto i te fatoaga.+
17 I loto i se fakaputuga fatu, ana aka e piki‵piki i ei;
E ‵sala a ia ki se fale i luga i fatu.*
18 Kae kafai ko unu kea‵tea* mai tena koga,
Ka fakafiti a ia ne te koga tenā kae fai atu, ‘E seki lavea eiloa ne au a koe.’+
20 E mautinoa eiloa me ka se ‵teke ne te Atua a latou kolā e tumau i te fakamaoni;*
Io me ‵lago atu* a ia ki tāgata matagā,
21 Me ka faka‵fonu ne ia tou gutu ki te kata fiafia
Kae ko ou laugutu ki te kalaga o te fiafia.
22 A latou kolā e takalia‵lia ki a koe ka fakapei ki te masiasi,
Kae ko faleie o tino ma‵sei ka se toe ai.”