Iopu
9 Ne tali atu a Iopu:
2 “E tonu ko iloa ne au me e ‵tonu a mea konei.
Kae e mafai pefea o tonu se tagata i mua o te Atua?+
3 Kafai e manako se tino ke kinau mo Ia,*+
E se mafai ne te tino tenā o tali se fesili e tasi mai te fia afe o Ana fesili.
4 E poto a ia i tena loto kae malosi tena ‵mana.+
Ko oi e mafai o ‵teke atu ki a ia kae vau e aunoa mo se pakiaga?+
5 E fakagasue* ne ia a mauga kae seai se tino e iloa ne ia;
E ‵fuli ne ia a mea konā i tena kaitaua.
6 E lūlū ne ia te lalolagi mai te koga e tu i ei,
Ko te mea ke pole‵pole ana pou.+
7 E fakatonu atu a ia ki te la ke mo a ma ‵kasa
Kae ‵pono ne ia te mainaga o fetū;+
8 Ko ia eiloa e ‵fola ne ia te lagi,+
Kae sasale i luga i galu ‵lasi o te tai.+
9 Ne faite ne ia a fakaputuga fetū+ ko te Asi,* te Kesila* mo te Kima,*
Mo fakaputuga fetū o te lagi i te feitu ki saute;*
10 E fai ne ia a mea ‵sili kae e se mafai o malamalama i ei,+
Ko mea fakaofoofogia kolā e se mafai o lau aka.+
11 E fakasili a ia i oku tafa, kae e se lavea ne au a ia;
E gasue a ia i oku tafa, kae e se iloa ne au me ko ia.
12 Kafai e ‵fao ne ia se mea, ko oi e mafai o ‵teke atu ki a ia?
Ko oi e mafai o fai atu ki a ia, ‘Ne a au mea e fai?’+
13 Ka se taofi ne te Atua a tena kaitaua;+
Ke oko eiloa ki tino fesoasoani a Lahapa*+ ka ifo ki lalo i a ia.
14 Kae sili atu la māfai ko tali atu au ki a ia
E ‵tau mo au o filifili faka‵lei aku pati ke kinau atu ki a ia!
15 Kafai foki au e tonu, ka se tali eiloa au ki a ia.+
E mafai fua o fakamolemole atu au ki te alofa fakamagalo mai toku famasino.*
16 Kafai e kalaga au ki a ia, e a, ka tali mai a ia ki a au?
Au e se talitonu me ka fakalogo a ia ki toku leo,
17 Me ne tuki palapala ne ia au ki se kaumatagi
Kae fai ke uke oku pa‵kiaga e aunoa mo se pogai.+
18 E se tuku ne ia au ke mānava faka‵lei;
E faka‵fonu faeloa ne ia au ki mea fakalogo‵mae.
19 Kafai se mea e uiga ki te ‵mana, ko ia te tino malosi.+
Kafai se mea e uiga ki te fakamasinoga tonu, ana muna: ‘Ko oi e mafai o fai mai ki a au ke fai taku fakamatalaga?’*
20 Kafai au e tonu, ka fakamasei eiloa au ne toku gutu;
Kafai foki e tumau au i toku fakamaoni,* ka taku eiloa ne ia au se tino fai mea ‵se.*
21 Kafai foki e tumau au i toku fakamaoni,* e seai soku loto talitonu ki a au eiloa;
E ‵teke* atu au ki toku olaga tenei.
22 E ‵pau katoa a mea konā. Tenā te pogai e fai atu au,
‘E fakaseai ne ia te tino e seai sena ‵se* e pelā foki mo te tino masei.’
23 Kafai e ‵mate fakavave a tino ona ko te lasi o te lofiaga,
Ka fakatauemu a ia ki te puapuaga o te tino e seai sena ‵se.
24 Ko oti ne tuku atu a te lalolagi ki te tino masei;+
E ufi ne ia a mata o ana famasino.
Kafai e se ko ia, kae ko oi la?
25 A oku aso ko ma‵kini atu i lō te tino tele;+
E ‵tele kea‵tea a aso konā e aunoa mo te ‵kilo atu ki mea ‵lei.
26 E ‵tele mai a aso konā e pelā me ne pōti e faite ki mouku ‵loa,
E pelā me ne aeto e eva ifo o ‵po ne mea mo olotou ‵kai.
27 Kafai e fai aka au, ‘Ka fakapuli ne au a taku fameo,
Ka ‵fuli ne au taku fakamunaga kae fakaasi te fiafia,’
28 Au ka mataku faeloa ona ko oku logo‵maega katoa,+
Kae e iloa ne au me ka se fai ne koutou au e pelā me se tino e seai sena ‵se.
29 Ko fakaiku aka i a au e fai mea ‵se.*
Kaia fua la ka taumafai malosi ei au ki se mea e seai se aoga?+
30 Kafai e koukou au ki vai mai kiona kolā ko liuvai,
Kae ‵fulu oku lima ki sopu,+
31 Tenā ko ‵pei ei ne koe au ki se lua,
Ko te mea ke takalia‵lia foki oku gatu ki a au.
32 Me i a ia e sē se tagata e penei mo au ke mafai o tali atu au ki a ia,
Ko te mea ke olo fakatasi māua ki te fono.+
33 E seai se tino ke fai ne ia te fakaikuga* i te va o māua,
Ke fai mo fai te famasino o māua.
34 Kafai ko fakagata ne ia oku ‵kini
Kae fai ke mo a ma mataku au ki ana mea fakamataku‵taku,+
35 Tenā ko faipati ei au ki a ia e aunoa mo te mataku,
Me i a au e se mataku ma faipati atu.