Salamo
Ki te takitaki o te kau fai pese; ne fai ki “Te Lili o Fakamasauaga.” Mikitamu.* Ko te salamo a Tavita. Mō akoako atu. Ko te taimi ne taua atu ei a ia ki a Alamo-nahalaima mo Alamo-sopa, kae ne foki mai a Ioapo kae ‵ta ne ia a te toko 12,000 tino Etoma i te Vanu o Masima.+
60 Te Atua, ne ‵teke ne koe matou; ne tuki pala ne koe matou.+
A koe ne kaitaua ki a matou; kae nei la talia mai ke toe ‵foki atu matou!
2 Ne fai ne koe te lalolagi ke galulu; ne fakamavae ne koe ke matala.
Faka‵lei aka ana pūga me ko tatela‵tela.
3 Ne fai ne koe ou tino ke puapuaga i mea faiga‵ta.
Ne fai ne koe matou ke inu uaina kolā e fai ei ke takasēsē matou.+
4 Tuku atu* se fakailoga ki a latou kolā e ma‵taku ki a koe
Ke ‵tele kae fakasekeseke i te kausana. (Selā)
5 Ko te mea ke mafai o faka‵sao ou tino pele,
Fakaola mai matou ki tou lima fakaatamai kae tali mai ki a matou.+
6 A te Atua ne faipati i tena tulaga ‵malu:*
7 I a aku a Kileata, e pelā foki a Manase,+
Kae ko Efalaima ko te pulou o toku ulu;
A Iuta ko te tokotoko o taku takitaki.+
8 A Moapi ko taku pesini koukou.+
I luga o Etoma ka ‵pei atu ei ne au toku taka.+
I luga o Filisitia ka kalaga atu au mo te manumalo.”+
9 Ko oi ka aumai ne ia au ki te fakai telā e ‵pui faka‵lei?
Ko oi ka takitaki ne ia au ke oko atu ki Etoma?+
10 E a, e se ko koe, e te Atua, telā ne ‵teke ne koe matou,
Ko te motou Atua telā ko se olo fakatasi mo te motou kautau?+
11 Fesoasoani mai ki omotou puapuaga,
Me i te fakaolataga mai i tino e se aoga.+