Salamo

Ki te takitaki o te kau fai pese; fakatasi mo kitala. Ko te salamo a Tavita.

61 Te Atua, fakalogo mai ki taku tagi mō se fesoasoani.

Saga tonu mai ki taku ‵talo.+

2 Mai i koga ‵mao o te lalolagi e tagi atu au ki a koe

I te taimi e fanoanoa* ei toku loto.+

Takitaki atu au ki se kaupapa telā e maluga atu i a au.+

3 Me i a koe ko toku lafiga,

Ko te taoa malosi telā e puipui ne ia au mai te fili.+

4 Ka fai au e pelā me se mālō i tou faleie ki te se-gata-mai;+

Ka faka‵lafi au i te malūga o ou kapakau.+ (Selā)

5 Me i a koe, e te Atua, ne lagona ne koe taku tautoga.

Ko oti ne tuku mai ne koe ki a au a te tofi o latou kolā e ma‵taku ki tou igoa.+

6 Ka fakaopoopo atu ne koe a aso ki te olaga* o te tupu,+

Kae ko ana tausaga ka oko atu ki kautama katoa.

7 Ka sagasaga a ia i te nofogaaliki ki te se-gata-mai i mua o te Atua;+

Tuku atu ki a ia te alofa fakamaoni mo te fakamaoni, ko te mea ke mafai o puipui ne mea konei a ia.+

8 Tenā ko usu ei ne au a pese o vikiga ki tou igoa ki te se-gata-mai+

I te taimi e ‵togi atu ei aku tautoga i aso takitasi.+