Salamo
Ki te takitaki o te kau fai pese; ne fai ki “Te Lili.” Se fakamasauaga. Ko te salamo a Asafo.+ Se pese.
80 E te Tausi Mamoe o Isalaelu, fakalogo mai,
Ko koe telā e takitaki ne koe a Iosefa e pelā me se lafu mamoe.+
4 Ieova te Atua o kautau, e pefea te leva ka se talia ei ne koe a ‵talo a ou tino?+
5 E fagai ne koe latou ki loimata e pelā me ne meakai,
Kae fai ne koe latou ke inu ki loimata e uke.
6 E fai ne koe omotou tuakoi ke kinau ona ko matou;
E fakatauemu faeloa matou ne omotou fili.+
7 Te Atua o kautau, faka‵foki mai matou;
Fai ke maina mai ou mata ki a matou, ko te mea ke ‵sao matou.+
8 Ne fai ne koe se vine+ ke tiaki ne ia Aikupito.
Ne afuli kea‵tea ne koe a atufenua kae ‵toki ne koe.+
9 Ne fakaavanoa ne koe se koga mō ia,
Kae ne ola aka kae ne ‵fonu i ei te laukele.+
10 Ne ufi a mauga ne tena malūga,
Mo alasi o te Atua ne ana kaula.
12 Kaia ne ofa ei ne koe ki lalo a ‵pui fatu o te togavine,+
Ko te mea ke tau ana fuaga ne latou katoa kolā e olo i tafa i ei?+
13 A puaka o te vao e fakamasei atu ki ei,
Kae ko manu o te vao e ‵kai mai i ei.+
14 Te Atua o kautau, foki mai aka fakamolemole.
Kilo ifo mai te lagi kae onoono mai!
Tausi a te vine tenei,+
15 Ko te kaula* telā ne ‵toki ne tou lima fakaatamai,+
Kae kilo atu ki te tama tagata telā* ne fakamalosi aka ne koe mō koe eiloa.+
16 Ne ‵ka te mea tenā i te afi,+ ne ‵kati ki lalo.
Ne ‵mate atu latou ona ko au polopolokiga ‵mafa.
17 Ke ‵lago atu eiloa tou lima ki te tagata i tou lima fakaatamai,
Ki te tama a te tagata telā ne fakamalosi aka ne koe mō koe eiloa.+
18 Tenā ko se ‵fuli ei matou kea‵tea mai i a koe.
Tausi mai matou ke ola, ko te mea ke mafai o ka‵laga atu matou ki tou igoa.
19 Ieova te Atua o kautau, faka‵foki mai matou;
Fai ke maina mai ou mata ki a matou, ko te mea ke ‵sao matou.+