Salamo
Ki te takitaki o te kau fai pese; i te Kitisi.* Ko te salamo a Asafo.+
81 Paka‵laga atu mo te fia‵fia ki te Atua te ‵tou malosi.+
Ka‵laga mo te manumalo ki te Atua o Iakopo.
2 Kamata te pese kae puke te samupelini,
Te kitala ‵tagi gali fakatasi mo te mea fakatagitagi e isi ne uka i ei.
4 Me i te mea tenā se tulafono mō Isalaelu,
Se tulafono a te Atua o Iakopo.+
5 Ne fai ne ia te mea tenā e pelā me se fakamasauaga mō Iosefa+
I te taimi ne fano ei a Ia o taua ki te fenua o Aikupito.+
Ne lagona ne au se leo* telā e se iloa ne au:
6 “Ne sau kea‵tea ne au te amoga mai tena tuauma;+
Ne saoloto ana lima mai te ato.
7 I tou puapuaga ne kalaga mai ei koe, kae ne fakasao ne au koe;+
Ne tali atu au ki a koe mai loto i te kaumana o te fa‵tili.*+
Ne tofotofo ne au koe i vai o Melipa.*+ (Selā)
8 Faka‵logo mai e oku tino, kae ka molimau au e uiga ki a koutou.
Isalaelu, moi faka‵logo mai fua koutou ki a au.+
9 Ka seai eiloa se atua fakaa‵tea i a koutou,
Kae ka se ifo koutou ki se atua fakaa‵tea.+
10 Au ko Ieova te otou Atua,
Te tino telā ne aumai ne ia koutou ki tua mo te fenua o Aikupito.+
Fakamaga malosi tou gutu kae ka faka‵fonu ne au.+
11 Kae ko oku tino e seki faka‵logo ki toku leo;
A Isalaelu ka se fakalogo mai ki a au.+
12 Tenā ne talia ei ne au ke tau‵tali latou i olotou loto ma‵keke;
14 A olotou fili ka fakatakavale fakavave ne au;
Ka ‵fuli atu a toku lima o taua ki olotou fili.+
15 A latou kolā e takalia‵lia ki a Ieova ka pole‵pole i te ma‵taku i ana mua,
Kae ko te lotou fakasalaga ka tumau eiloa ki te se-gata-mai.