Salamo
Se pese. Ko te salamo a Tavita.
108 A toku loto e ‵mautakitaki, e te Atua.
Ka usu atu au kae fai a pese fakatagi‵tagi mo toku foitino kātoa.*+
2 Ala mai, e mea fakatagi‵tagi e isi ne uka i ei; koe foki e te kitala.+
Ka ‵fagu ne au a te vaveao.
3 Ka ‵viki atu au ki a koe i mua o tino, e Ieova,
Kae ka usu atu ne au a vikiga ki a koe i mua o atufenua.
4 Me i tou alofa fakamaoni e lasi, e maluga e pelā mo te lagi,+
Kae ko tou fakamaoni e oko atu eiloa ki kaumana.
5 Ke fakamaluga aka koe ke maluga atu i te lagi, e te Atua;
Ke oko atu tou ‵malu ki te lalolagi kātoa.+
6 Ko te mea ke mafai o faka‵sao ou tino pele,
Fakaola mai matou ki tou lima fakaatamai kae tali mai ki a au.+
7 A te Atua ne faipati i tena tulaga ‵malu:*
“Au ka fiafia, ka tuku atu ne au a Sekema+ e pelā me se tofi,
Kae ka fua ne au a te Vanu o Sukota.+
8 I a aku a Kileata,+ e pelā foki a Manase,
Kae ko Efalaima ko te pulou* o toku ulu;+
A Iuta ko te tokotoko o taku takitaki.+
9 A Moapi ko taku pesini koukou.+
I luga o Etoma ka ‵pei atu ei ne au toku taka,+
I luga o Filisitia ka kalaga atu au mo te manumalo.”+
10 Ko oi ka aumai ne ia au ki fakai e ‵pui faka‵lei?
Ko oi ka takitaki ne ia au ke oko atu ki Etoma?+
11 E a, e se ko koe, e te Atua, telā ne ‵teke ne koe matou,
Te motou Atua telā ko se olo fakatasi mo te motou kautau?+