Salamo
137 I tafa o vaitafe o Papelonia,+ ne saga‵saga ei matou.
Ne ‵tagi matou i te taimi ne masaua ei ne matou a Siona.+
3 Me ne fakamolemole mai a tino ne puke fakapagota ne latou a matou ke usu atu se pese,+
A latou kolā ne fakaitaita mai ki a matou ne ma‵nako ke fakafiafia latou:
“Usu mai aka se pese mō matou mai i pese o Siona.”
4 E mafai pefea o usu ne matou se pese a Ieova
I luga i laukele fakaa‵tea?
5 Kafai e puli i a au a koe, e Ielusalema,
Ke fakapuli atu faeloa a toku lima fakaatamai.+
6 A toku alelo ke ‵piki eiloa ki toku gutu
Māfai e se masaua ne au a koe,
Māfai e se tuku ne au a Ielusalema ke maluga atu
I te pogai sili o toku fiafia.+
7 Ke masaua e Ieova,
A pati ne fai ne tino Etoma i te aso ne pakū ei a Ielusalema:
“Ofa atu ki lalo! Ofa atu ki lalo i ana fakavae!”+
8 Te tama fafine a Papelonia, telā ko pili o fakamaseigina,+
Ka fiafia eiloa a ia telā e taui atu ne ia koe
Ki faifaiga kolā ne fai ne koe ki a matou.+
9 Ka fiafia eiloa a ia telā e puke ne ia au tama‵liki
Kae pago ki luga i kaupapa.+