Isaia
50 Konei a pati a Ieova ne fai mai:
“Tefea te pepa ‵tala avaga+ a tou mātua telā ne ‵tuli ne au kea‵tea?
Io me ko oi taku tino kaitalafu ne fakatau atu ne au koe ki ei?
Kiloke! Ona ko otou mea ‵se+ ne fakatau atu ei koutou,
Kae ona ko otou amioga solitulafono ne ‵tuli ei kea‵tea te otou mātua.+
2 Kaia ne seki ai ei se tino i konei i te taimi ne vau ei au?
Kaia ne seki ai ei se tino ne tali mai ki a au i taku kalagamaiga?+
E a, ko tō toetoe toku lima ke fakaola koutou,
Io me e seai se malosi i a au o fakasao se tino?+
Kiloke! Mai taku fakatonuga e faka‵masa ei ne au te tai;+
E fai ne au a vaitafe ke pelā me se toafa.+
E ‵pala masei olotou ika ona ko te se lava o te vai
Kae ‵mate latou ona ko te fiainu.
3 E ufi ne au te lagi ki te pouliga,+
Kae fai ne au a gatu lautaga ke pulou ki ei.”
4 A te Aliki Sili ko Ieova, ne tuku mai ne ia ki a au a te gutu o latou kolā ne akoakogina,*+
Ko te mea ke iloa ne au o fai* atu te pati telā e fetaui ‵lei ki te tino fi‵ta.+
E ‵fagu ne ia au i tafataeao katoa;
E ‵fagu ne ia toku taliga ke fakalogo e pelā mo tino ne akoakogina.+
5 A te Aliki Sili ko Ieova ne ‵tala ne ia oku taliga,+
Kae ne seki ‵teke atu au ki ei.
Ne ‵seki ‵fuli atu au ki te suā feitu.+
6 Ne tuku atu ne au toku tua ki a latou kolā e ‵kini ne latou au
Mo oku kalafou ki a latou kolā e unuunu ne latou ke ‵kila.
Ne seki ‵funa ne au oku mata mai i mea fakamasiasi mo te puapuaki.+
7 Kae ko te Aliki Sili ko Ieova ka fesoasoani mai ki a au.+
Tenā te pogai ka se lagona ei ne au te masiasi.
Tenā te pogai ka fai ei ne au oku mata ke pelā me se fatu makeke,+
Kae e iloa ne au me ka se masiasi eiloa au.
8 Ko pili mai eiloa a te Atua telā e taku ne ia au me amiotonu.
Ko oi e mafai o ‵losi mai ne ia ki a au?+
Tatou ka ‵tu fakatasi aka ki luga.
Ko oi e isi sena tagi e uiga ki a au?
Ke na vau a ia ki a au.
9 Kiloke! A te Aliki Sili ko Ieova ka fesoasoani mai ki a au.
Ko oi ka taku ne ia au me e agasala?
Kiloke! Ka ‵pala katoa latou e pelā me se gatu.
Ka kai latou ne tamā manu.
10 Ko oi te tino i a koutou e mataku ki a Ieova
Kae fakalogo ki te leo o tena tavini?+
Ko oi ne sasale i te pouliga lasi e aunoa mo se mainaga?
Fai ke talitonu a ia ki te igoa o Ieova kae fakalagolago ki tena Atua.
11 Kiloke! A koutou katoa kolā e faka‵ka te afi,
E fai ke eva aka a kalokaloafi,
E sa‵sale i te mainaga o te otou afi,
I va o kalokalo afi ne fai ne koutou ke ula aka.
Tenei te mea ka maua ne koutou mai toku lima:
Ka ta‵kato koutou ki lalo mo te tigaina lasi.