Isaia
56 Konei a pati a Ieova ne fai mai:
“Fakamaluga aka te fakamasinoga tonu,+ kae fai te amiotonu,
Me i toku fakaolataga ko pili o oko mai
Kae ka fakaasi atu toku amiotonu.+
2 E fiafia a te tagata e fai ne ia te mea tenei
Mo te tama a te tagata telā e puke ‵mau ki ei,
Telā e tausi ne ia te Sapati kae e se soli ne ia+
Kae taofi tena lima mai te faiga o so se mea matagā.
3 A te tino fakaa‵tea telā e kau atu ki a Ieova+ e se ‵tau o fai aka,
‘E mautinoa eiloa me ka ‵vae kea‵tea au ne Ieova mai i ana tino.’
Kae e se tau mo te eunuka o fai aka, ‘Kiloke! Au se lakau ko pakupaku.’”
4 Me konei a pati e fai atu ne Ieova ki eunuka kolā e tausi aku sapati kae e filifili ne latou a te mea e fiafia au ki ei kae e puke ‵mau ki taku feagaiga:
5 “Ka tuku atu ne au ki a latou i loto i toku fale kae i loto i oku ‵pui se mā fakamanatu mo se igoa,
Se mea e ‵lei atu i lō tama tāgata mo tama fāfine.
Ka tuku atu ne au ki a latou se igoa ki te se-gata-mai,
Se igoa telā ka se galo atu.
6 E pelā mo tino fakaa‵tea kolā ko ‵kau ki a Ieova o tavini ki a ia,
Ke a‵lofa ki te igoa o Ieova+
Kae ke fai mo ana tavini,
Ko latou katoa kolā e tausi te Sapati kae e se soli ne latou
Kae e taofi ‵mau ki taku feagaiga,
7 Ka aumai foki ne au latou ki toku mauga tapu+
Kae fai latou ke fia‵fia i loto i toku fale ‵talo.
A olotou taulaga ‵sunu mo olotou taulaga ka talia i luga i taku fatafaitaulaga.
Me i toku fale ka taku ko te fale ‵talo mō tino katoa.”+
8 A te Aliki Sili ko Ieova telā e fakamaopoopo ne ia a tino o Isalaelu kolā ne salalau atu,+ e folafola mai:
“Ka fakamaopoopo ne au ki a ia a nisi tino i tafa o latou kolā ko oti ne fakamaopoopo mai.”+
9 A koutou manu fe‵kai katoa o te vao, o‵mai o ‵kai,
Koutou manu fe‵kai katoa o te togavao.+
10 Ana tāgata leoleo e ‵kivi,+ e seai se tino i a latou e iloa ne ia se mea.+
A latou katoa ne kuli gūgū, e se mafai o oso atu.+
E gae‵gae latou kae ta‵kato i lalo; e fia‵fia eiloa latou o ‵moe.
11 A latou ne kuli fia‵kai;
E se mafai latou o ma‵kona.
A latou ne tausi mamoe kolā e seai se malamalama.+
Ne olo katoa latou i olotou auala;
A latou taki tokotasi e ‵sala ki mea e ma‵nako ki ei i se auala sē tonu kae fai atu:
12 “O‵mai, ke puke aka ne aku uaina,
Kae ke inu tatou ke ma‵kona i meainu ma‵losi.+
Kae ko te aso ma taeao ka ‵pau mo te aso nei, kae ka sili atu la tena gali!”