Hosea
12 “A Efalaima e kai ki te matagi.
E afuli ne ia te matagi mai saegala i te aso kātoa.
E fakaopoopo ne ia ana loi mo fakasauaga.
E fai ne latou se feagaiga mo Asulia+ kae ave a sinu ki Aikupito.+
2 E isi se tagi a Ieova ki Iuta;+
Ka fakasala ne ia a Iakopo e ‵tusa eiloa mo ana amioga,
Kae ka toe ‵togi atu ne ia ki a ia e ‵tusa eiloa mo ana faifaiga.+
3 I loto i te moegatama ne puke ei ne ia te mulivae o tena taina,+
Kae mai tena malosi ne fakataufai atu a ia ki te Atua.+
4 Ne fakataufai atu faeloa a ia ki se agelu kae ne manumalo.
Ne tagi mautuutu a ia kae akai atu ke maua tena taliaga.”+
Ne maua ne ia tou tagata i Peteli, kae ne faipati mai a Ia ki a matou i konā,+
5 A Ieova ko te Atua o kautau,+
E ‵tau o masaua ne tino i tena igoa ko Ieova.+
6 “Tela la, toe foki atu ki tou Atua,+
Fakatumau te alofa fakamaoni mo te fai mea tonu,+
Kae fakamoemoe faeloa ki tou Atua.
7 E maua i lima o tino fai pisinisi a fua sē ‵tonu;
E fiafia a ia ki faifaiga faitogafiti.+
Kae mai i aku galuega katoa, ka se maua ne latou se mea ‵se io me se agasala.’
9 Kae ko au ko Ieova tou Atua mai* te fenua o Aikupito.+
Ka toe fai ne au koe ke nofo i faleie
E pelā mo aso i taimi* ko oti ne filifilia.
10 Au ne faipati ki te kau pelofeta,+
Ne fakaopoopo atu ne au olotou fakaasiga,
Kae ne faipati au ki tala fakatusa e auala i pelofeta.
11 Ne fai i Kileata a faifaiga ‵loi+ kae e se ‵tonu.
Ne ofo atu ne latou a pulumakau i Kilikala,+
Kae ko olotou fatafaitaulaga ko pelā me ne fakaputuga o fatu e fakalaina i loto i te malae.+
12 Ne tele kea‵tea eiloa a Iakopo ki te kogā fenua o Alamo;*+
Ne tavini atu a Isalaelu+ i konā ke maua sena avaga,+
Kae ne leoleo ne ia a mamoe ke maua sena avaga.+