Hosea
14 “Isalaelu, foki mai ki a Ieova tou Atua,+
Me i a koe ne pakū ona ko tau mea ‵se ne fai.
2 Foki mai ki a Ieova mo pati konei,
Fai atu ki a ia, ‘Ke fakamagalo mai ne koe taku mea ‵se+ kae talia te mea ‵lei,
Kae ka ofo atu ne matou a tavaega o omotou laugutu+ e pelā eiloa mo mea e fai ne matou ki tamā pulumakau.
3 Asulia ka se faka‵sao ne ia tatou.+
Ka se ‵tele atu matou i solofanua,+
Kae ka se toe fai atu matou, “Te motou Atua!” ki galuega ne fai ne omotou lima,
Me e auala i a koe ne fakaasi atu ei te alofa fakamagalo ki te tamaliki e seai sena tamana.’+
4 Ka faka‵lei ne au te lotou sē fakamaoni.+
Ka alofa au ki a latou me lotomalie eiloa au ke fai penā,+
Me i toku kaitaua ko ‵fuli kea‵tea mai i a ia.+
5 Ka fai au pelā me se ‵sau ki Isalaelu;
Ka ‵pula mai a ia e pelā me se lili
Kae fai ke ‵solo ifo ana aka e pelā eiloa mo lakau o Lepanona.
6 Ana kaula ka salalau,
A tena gali ka fai pelā mo te lakau ko te olive,
Kae ko tena manogi gali e pelā mo Lepanona.
7 Ka toe ‵nofo latou i ana malūga.
Ka ‵toki ne latou a fuaga kae ‵pula mai e pelā mo te vine.+
A tena takutakua ka pelā mo te uaina o Lepanona.
8 A Efalaima ka fai aka, ‘Se a taku suā mea ka fai ki tupua konei?’+
Ka tali atu au kae kilokilo atu ki a ia.+
Ka fai au e pelā mo te lakau ola ‵lei ko te iunipa.
Ka maua ne koe mai i a au a tau fuataga.”
9 Ko oi te tino poto? Ke malamalama a ia i mea konei.
Ko oi e atamai? Ke iloa ne ia a mea konei.
Me i auala o Ieova e fai mea tonu,+
Kae ko tino amio‵tonu ka sa‵sale i ei;
Kae ko tino solitulafono ka pa‵kū i ei.