Hosea
2 “Fai atu ki ou taina, ‘Toku fenua!’*+
Kae ki ou tuagane, ‘Te fafine ne fakaasi atu ki ei te alofa fakamagalo!’*+
2 ‵Losi atu ki tou mātua; ‵losi atu ki ei,
Me i a ia e se ko taku avaga+ kae ko au e se ko tena avaga.
E ‵tau o fakapalele ne ia ana faifaiga talitāgata
Mo tena mulilua i te va o ana ū,
3 I te mea ma fai ne au a ia ke nofo fuafua kae fai a ia e pelā eiloa mo te aso ne fanau mai ei a ia,
Kae fai a ia e pelā me se koga lavaki,
Kae fai a ia e pelā me se laukele e seai ne vai i ei,
Kae fai ke mate a ia i te fiainu.
4 Kae ka se fakaasi atu ne au te alofa fakamagalo ki ana tama tāgata,
Me i a latou ne tama ne fai i faifaiga talitāgata.*
5 Me i te lotou mātua ne fai ne ia amioga talitāgata.*+
A te fafine telā ne faitama i a latou ne fai ne ia a faifaiga fakamasiasi,+ me ne fai aka tou fafine,
‘Au ka fano i tua o tino e fia‵fai malosi ki a au,+
Ko latou kolā e tuku mai ne latou aku meakai mo aku vai,
Aku vulu mo aku lino, aku sinu mo aku meainu.’
6 Tela la, ka ‵pono ne au tou auala ki lakau talatala;
Kae ka fakatu aka ne au se ‵pui fatu o ‵teke atu ki tou fafine,
Ko te mea ke se maua ne ia tena auala.
7 Ka tele atu a ia i tua o tino kolā e fia‵fai malosi ki a ia, kae ka se ‵poa ne ia latou;+
Ka salasala a ia ki a latou, kae ka se maua ne ia latou.
Tenā ko fai aka ei a ia, ‘Au ka foki ki taku avaga muamua,+
Me ne ‵lei atu au i te taimi tenā i lō te taimi nei.’+
8 E se iloa eiloa ne tou fafine me ko au telā ne tuku atu ki a ia a saito,+ uaina ‵fou mo sinu,
Kae ko au telā ne tuku atu ki a ia a siliva e uke
Mo aulo kolā e fakaaoga ne latou ki a Paala.+
9 ‘Tela la, au ka toe foki o puke kea‵tea aku saito i tena taimi tonu
Mo aku uaina fou i tena taimi tonu,+
Kae ka ‵fao kea‵tea ne au aku vulu mo aku lino kolā ne ufi ki ei tena nofo fuafua.
10 Nei la, ka fakaasi faka‵sau atu ne au a koga tapu o te foitino o tou fafine ke lavea faka‵lei mai ne tino e fia‵fai malosi ki a ia,
Kae ka seai se tagata e fakasao ne ia tou fafine mai i oku lima.+
11 Ka fakagata ne au ana fiafiaga katoa,
Ana ‵kaiga fiafia,+ ana masina sae, ana sapati, mo ana taimi fia‵fia katoa.
12 Kae ka fakamasei ne au ana vine mo ana lakau ko mati, kolā ne fai mai a ia:
“A mea konei ko oku peofuga kolā ne tuku mai ne tino kolā e fia‵fai malosi ki a au”;
Ka ‵fuli ne au a mea konā ki se vao,
Kae ko manu fe‵kai o te vao ka kai ne latou a mea konā.
13 Ka fakaoko atu ne au te taui ki a ia ona ko aso kolā ne ofo atu ei ne ia a taulaga ki fakatusa o Paala,+
I taimi kolā ne teu fakagaligali ei ne ia a ia eiloa ki ana mama mo mea fakagali‵gali kae tele atu i tua o tino kolā ne fia‵fai malosi ki a ia,
Kae ko au ko te tino telā ne puli i a ia,’+ ko te folafolaga a Ieova.
14 ‘Tela la, ka fakakolekole ne au a ia,
Ka ‵taki ne au a ia ki te koga lavaki,
Kae ka faipati au ke oko atu ki tena loto.
15 Ka faka‵foki atu ne au ana togavine ki a ia mai te taimi tenā o fano ki mua,+
Mo te Vanu o Akoa+ e pelā me ko te mataloa ki te fakamoemoega;
Ka tali mai tou fafine mai konā e pelā eiloa mo aso ne talavou ei a ia,
E pelā mo te aso ne vau ei a ia ki tua mo te fenua o Aikupito.+
16 Kae i te aso tenā,’ ko te folafolaga a Ieova,
‘Ka taku ne koe au ko Taku avaga, kae ka se toe taku ne koe au ko Toku matai.’*
17 ‘Ka ave kea‵tea ne au a igoa o fakatusa o Paala mai te gutu o tou fafine,+
Kae ka se toe masaua atu latou i olotou igoa.+
18 I te aso tenā ka fai ne au se feagaiga mo latou fakatasi mo manu fe‵kai o te vao,+
Mo manu eva o te lagi mo manu ‵tolo o te laukele;+
Ka ‵fulu faka‵ma ne au a te fenua mai i te kausana mo te pelu mo te taua,+
Kae ka fai ne au a latou ke ta‵kato ki lalo* mo te tokagamalie.+
19 Ka ‵sai feagaiga au ki a koe ki te se-gata-mai;
Kae ka ‵sai feagaiga au ki a koe i te amiotonu mo te fai mea tonu,
I te alofa fakamaoni mo te alofa fakamagalo.+
20 Ka ‵sai feagaiga au ki a koe i te fakamaoni,
Kae ka iloa ei ne koe a Ieova.’+
21 ‘I te aso tenā ka tali atu au,’ ko te folafolaga a Ieova,
‘Ka tali atu au ki te lagi,
Kae ka tali mai latou ki te lalolagi;+
22 Kae ko te laukele ka tali atu ki saito mo uaina ‵fou mo sinu;