Sakalia
10 “Fakamolemole atu ki a Ieova ki ne vaiua i te taimi e masani o ‵to ei vaiua i te tau e ‵somo ei a lau o lakau.
Ko Ieova e faite ne ia a kaumana o matagi ma‵losi,
E ‵ligi ne ia a vaiua mō latou,+
Kae tuku atu a lakau kaina i te fatoaga ki tino katoa.
2 Me i telafimi faite* ne fai‵pati ki mea sē ‵tonu;
Kae ko tino fakataulaitu ne lavea ne latou a fakaasiga ‵loi.
E fai‵pati latou ki moemiti sē aoga,
Kae ko olotou fakamafanafanaga e se aoga.
Tenā te pogai ka takasē‵se ei latou e pelā me ne mamoe.
Ka puapuaga latou me e seai se tausi mamoe.
3 A toku kaitaua ko ‵ka pelā me se afi ki tausi mamoe,
Kae ka fakaoko atu ne au te taui ki takitaki fakasaua;
Me i a Ieova o kautau ko saga atu ki tena lafu mamoe,+ ki te kāiga o Iuta.
Kae ko oti ne fai ne ia latou e pelā mo tena solofanua gali i te taimi o te taua.
4 Ka vau mai i a ia te pule,
Ka vau mai i a ia te pule lagolago,
Ka vau mai i a ia a te kausana o te taua;
Ka olo atu mai i a ia a ovasia katoa, ko latou katoa.
5 Kae ka fai latou e pelā me ne toa ‵mafi,
E lakalaka ne latou a pela i auala i te taimi o te taua.
Ka taua atu latou, me i a Ieova e fakatasi mo latou;+
Kae ko tino faka‵tele solofanua ka fakamasiasigina.+
6 Ka fai ne au te kāiga o Iuta ke maluga,
Kae ko te kāiga o Iosefa ka faka‵sao ne au.+
Ka toe faka‵fou ne au latou,
Me ka fakaasi atu ne au te alofa fakamagalo ki a latou;+
Kae ka fai latou e pelā me ne tino ne seki ‵pei kea‵tea eiloa ne au;+
Me i a au ko Ieova te lotou Atua, kae ka tali atu au ki a latou.
7 A tino Efalaima e ‵tau o fai pelā me ne toa ‵mafi,
Kae ka fia‵fia olotou loto e pelā me ne inu ki uaina.+
Ka lavea ne olotou tama tāgata a te mea tenei kae fia‵fia;
Ka ‵lifu olotou loto ona ko Ieova.+
8 ‘Ka ‵fio atu au ki a latou kae fakamaopoopo fakatasi mai latou;
Me ka faka‵sao ne au latou,+ kae ka tokouke latou,
Kae tumau eiloa i te tokouke.
9 E tiga eiloa ne fakasalalau atu ne au latou e pelā me ne fuaga ki nisi fenua,
Ka masaua ne latou au mai koga ‵mao;
Ka toe ma‵losi latou kae toe ‵foki fakatasi mai mo olotou tama tāgata.
10 Ka faka‵foki mai ne au latou mai te fenua o Aikupito
Kae fakamaopoopo latou mai i Asulia;+
Ka aumai ne au latou ki te fenua o Kileata+ mo Lepanona,
Kae ka se toe ai se koga mō latou.+
11 E ‵tau o fanatu a ia i te tai mo te puapuaga;
Kae ka ‵kini ne ia a galu i te tai;+
Kae ko koga ‵poko o te Naila ka ‵masa pakupaku.
A te mea e fakamatamata ki ei a Asulia ka fakamalalo ifo,
Kae ko te tokotoko o Aikupito ka fano kea‵tea.+