MANATU I TE 1

Fakatomuaga Magoi

Galuega 17:22

MEA E ‵TAU O FAI: A tau fakatomuaga e ‵tau o fai ei ke fia ‵saga tonu mai a tino, fakaasi atu te mataupu a koe, kae fai ke iloa ne tino fakalogo‵logo te pogai e ‵tau o ‵saga tonu mai ei latou.

TE AUALA KE FAI EI:

Fai ke fia ‵saga mai a tino. Filifili se fesili, se fuaiupu, se tala tonu, io me se tala fou telā ka fai ei ke fia ‵saga mai a tino fakalogo‵logo

Ke mafaufau muamua ki mea kolā e fia‵fia io me manava‵se ki ei a tino fakalogo‵logo ko fakafetaui ei tau fakatomuaga ki ei.
Fakaasi atu tau mataupu. Fakamautinoa aka me e manino ‵lei i tau fakatomuaga a te mataupu mo te pogai tonu o tau lāuga ki tino fakalogo‵logo.
Fakaasi atu te pogai e tāua i ei te mataupu. Fakafetaui au pati ki manakoga o au tino fakalogo‵logo. E ‵tau o malamalama faka‵lei latou i te aoga o te mataupu ki a latou taki tokotasi.

I te taimi e fakatoka ei se lāuga, fesili ifo, ‘Ne a tulaga faiga‵ta e fepaki mo taina mo tuagane i taku fakapotopotoga?’ Ko fakafetaui ei tau fakatomuaga ki olotou manakoga.