MANATU I TE 10

Fakamafulifuliga o te Leo

Faataoto 8:4, 7

MEA E ‵TAU O FAI: Fakaoko atu a manatu i se auala manino kae fakamalosi aka a lagonaga mai te fulifuliga o te maluga, te ‵tagi, mo te makini o tou leo.

TE AUALA KE FAI EI:

Fulifuli te maluga o te leo. Avaka te maluga o tou leo ke faka‵mafa ei a manatu tāua kae ke fakamalosi aka au tino fakalogo‵logo. Ke fai penā māfai ko faitau ki fakamasinoga i loto i te Tusi Tapu. Tuku ifo te maluga o te leo ke ati aka te fiafia io me ke fakaasi atu te mataku io me ko te manavase.

Ke mo a ma avaka te maluga o tou leo i taimi katoa me mafai o mafau‵fau au tino fakalogo‵logo me i a latou e kote ne koe. Kalo kea‵tea mai te faiga ke ‵saga atu a tino ki a koe mai te sōna fulifuli faeloa o tou leo.
Fulifuli te ‵tagi o tou leo. Kafai e ‵lei i tau ‵gana, e mafai o avaka te ‵tagi o tou leo ke fakaasi atu ei te fiafia, io me ke fakaasi atu te lasi io me ko te ‵mao o se mea. Tuku ifo te ‵tagi o tou leo ke fakaasi atu te fanoanoa io me ko te manavase.
Fulifuli te makini o tau faipati. Tai pote tau faipati ke fakaasi atu te fiafia. Tai faipati malie māfai ko faka‵mafa atu ne koe ne manatu tāua.

Ke mo a ma ‵fuli fakavave tou leo i au tino fakalogo‵logo ma ‵poi. Ke mo a ma tō faipati fakapotepote i te mea ma sē mafai o taku faka‵lei ne koe a pati.