Manatu Fesoasoani Mai ‵Tou Fakatuatusi i te Itaneti
‵Sala ki Mataupu Kolā e Faka‵pa i ei
E tokouke ‵tou taina mo tuagane e fakaaoga ne latou a mataupu i te jw.org i te galuega talai. E faigofie ke lafo atu te ‵kopi i te neti, kae fakamatala mai faeloa i ei a te auala e fakataunu ei ne mea ‵tupu i aso nei a valoaga i te Tusi Tapu. Ne tusi mai se taina e tokotasi, me i mataupu i te itulau kamata o te ‵tou fakatuatusi ko “mataupu eiloa kolā e fetaui ‵lei mo te ‵tou galuega talai i te taimi nei.”
Kae ko mataupu konā e mafuli‵fuli faeloa, tela la, e mafai pefea o maua ne koe a mataupu kolā ko sē ‵sae mai i te itulau kamata o te ‵tou fakatuatusi?
I te itulau kamata o te jw.org, ‵toko i te “See More” i te feitu ki luga o te itulau. Ka matala mai ei a te itulau ko te “Recently Featured on the Home Page,” telā ka maua i ei ne koe a mataupu e uke atu kolā ne faka‵pa fakamuli ki luga.
I te jw.org io me ko te JW Library®, ‵toko i te “Library,” ‵toko i te “Article Series,” ko toe ‵toko ei i te “More Topics.” E maua i te vaega tenei a mataupu e uke kolā ne ‵sae muamua mai i te itulau kamata.