Fesili mō Sukesukega ki Taku Tusi o Tala Mai te Tusi Tapu

Te Tala Napa 1

Ko Kamata o Faite ne te Atua a Mea

1. Ne māfua mai fea a mea ‵lei katoa, kae e mafai o tuku mai ne koe se fakaakoakoga e uiga ki ei?

2. Se a te mea muamua a te Atua ne faite?

3. Kaia ne tu ‵kese ei te agelu muamua?

4. Ke fakamatala mai a foliga o te lalolagi i te kamataga. (Ke onoono ki te ata.)

5. Ne kamata pefea o fakatoka ne te Atua a te lalolagi mō manu mo tino?

Fesili fakaopoopo:

1. Faitau te Ielemia 10:12.

   Ne a uiga o te Atua e fakaasi mai e auala i ana mea ne faite? (Isa. 40:26; Loma 11:33)

2. Faitau te Kolose 1:15-17.

   Se a te tulaga o Iesu i te faitega o mea, kae e pokotia pefea i ei te ‵tou kilokiloga e uiga ki a ia? (Kolose 1:15-17)

3. Faitau te Kenese 1:1-10.

   1. (a) Ne māfua mai pefea te lalolagi? (Kene. 1:1)

   2. (e) Ne a mea ne ‵tupu i te aso muamua ne faite ei a mea? (Kene. 1:3-5)

   3. (i) Ke fakamatala mai a mea ne ‵tupu i te lua o aso ne faite ei a mea. (Kene. 1:7, 8)

Te Tala Napa 2

Se Fatoaga Gali

1. Ne fakatoka pefea ne te Atua te lalolagi ke fai mo fai ‵tou koga ‵nofo?

2. Ke fakamatala mai a itukaigā manu kese‵kese kolā ne faite ne te Atua. (Ke onoono ki te ata.)

3. Kaia ne tu ‵kese ei te tulaga o te fatoaga i Etena?

4. Se a te mea ne manako te Atua ki ei e uiga ki te lalolagi kātoa?

Fesili fakaopoopo:

1. Faitau te Kenese 1:11-25.

   1. (a) Se a te mea a te Atua ne faite i te tolu o aso? (Kene. 1:12)

   2. (e) Ne a mea ne ‵tupu i te fa o aso ne faite ei a mea? (Kene. 1:16)

   3. (i) Ne a vaegā manu ne faite ne te Atua i te lima mo te ono o aso? (Kene. 1:20, 21, 25)

2. Faitau te Kenese 2:8, 9.

   Ne a lakau fakapito e lua ne ‵toki ne te Atua i te fatoaga, kae ne a mea e fakauiga ki ei?

Te Tala Napa 3

Te Tagata mo te Fafine Muamua

1. E ‵kese pefea te ata i te Tala Napa 3 mo te ata i te Tala Napa 2?

2. Ko oi ne faite ne ia te tagata muamua, kae ko oi tena igoa?

3. Ne a galuega ne tuku atu ne te Atua ke fai ne Atamu?

4. Kaia ne fai ei ne te Atua ke moe palapala a Atamu?

5. E pefea te leva ne ‵tau ei o ola a Atamu mo Eva, kae ne a galuega ne manako Ieova ke fai ne laua?

Fesili fakaopoopo:

1. Faitau te Salamo 83:18, Tusi Paia, Samoa.

   Ko oi te igoa o te Atua, kae se a tena tulaga tu ‵kese i te lalolagi kātoa? (Iele. 16:21; Tani. 4:17)

2. Faitau te Kenese 1:26-31.

   1. (a) Se a te mea fakaoti kae tāua ne faite ne te Atua i te ono o aso, kae ne ‵kese pefea te mea tenei mai manu? (Kene. 1:26)

   2. (e) Se a te fakatokaga a Ieova ne fai mō tino e pelā foki mo manu? (Kene. 1:30)

3. Faitau te Kenese 2:7-25.

   1. (a) Ne a mea ne aofia i te galuega a Atamu ke fakaigoa ne ia a manu? (Kene. 2:19)

   2. (e) E fesoasoani mai pefea te Kenese 2:24 ke malamalama tatou i te kilokiloga a Ieova ki te fakaipoipoga, te avaga mavae mo te ‵talaga o avaga? (Mata. 19:4-6, 9)

Te Tala Napa 4

Te Pogai ne Galo ei te Koga ‵Nofo o Laua

1. Ne a mea ko ‵tupu ki a Atamu mo Eva i te ata?

2. Kaia ne fakasala ei laua ne Ieova?

3. Ne a pati a te gata ne fai ki a Eva?

4. Ko oi ne fai ne ia te gata ke faipati ki a Eva?

5. Kaia ne galo ei i a Atamu mo Eva a te lā Palataiso?

Fesili fakaopoopo:

1. Faitau te Kenese 2:16, 17 mo te 3:1-13, 24.

   1. (a) Ne fakauiga ‵se pefea ne te fesili a te gata ki a Eva a te tulaga o Ieova? (Kene. 3:1-5; 1 Ioane 5:3)

   2. (e) E fai pefea te tala o Eva e pelā me se faka‵pulaga ke fakaeteete tatou i ei? (Fili. 4:8; Iako. 1:14, 15; 1 Ioane 2:16)

   3. (i) I te auala fea ne fakata‵mala ei a Atamu mo Eva ke talia ne laua te lā tiute ona ko lā mea ne fai? (Kene. 3:12, 13)

   4. (o) Ne fakatumau pefea ne kelupi te feitu ki saegala o te fatoaga o Etena a te pulega sili a Ieova? (Kene. 3:24)

2. Faitau te Fakaasiga 12:9.

   Ne pefea te lasi o te magoi o taumafaiga a Satani i te ‵fuliga o tino keatea mai te pulega a te Atua? (1 Ioane 5:19)

Te Tala Napa 5

Ko Kamata se Olaga Faigata

1. Ne pefea te tulaga o te olaga o Atamu mo Eva i tua o te fatoaga o Etena?

2. Ne a mea ne kamata o ‵tupu ki a Atamu mo Eva, kae kaia?

3. Kaia ne olo aka ei a tamaliki mai te gafa o Atamu mo Eva o ma‵tua kae ‵mate?

4. Moi ne faka‵logo a Atamu mo Eva ki a Ieova, ne ‵tau o pefea lā olaga mo lā tama‵liki?

5. Ne logo‵mae pefea a Eva ona ko tena sē fakalogo?

6. Ko oi a igoa o tama‵liki tā‵gata e tokolua a Atamu mo Eva?

7. Ko oi a nisi tama‵liki i te ata?

Fesili fakaopoopo:

1. Faitau te Kenese 3:16-23 mo te 4:1, 2.

   1. (a) Ne pokotia pefea te olaga o Atamu ona ko te fakamalaiaga o te laukele? (Kene. 3:17-19; Loma 8:20, 22)

   2. (e) Kaia ne fetaui ei a te igoa ko Eva mo tena uiga ko “te Mea Ola”? (Kene. 3:20)

   3. (i) Ne fakaasi atu pefea ne Ieova tena amanaia ki a Atamu mo Eva mai tua o te lā agasala? (Kene. 3:7, 21)

2. Faitau te Fakaasiga 21:3, 4.

   Ne a “mea mua” e olioli eiloa koe ke na fakaseai atu?

Te Tala Napa 6

Se Tama Tagata ‵Lei, mo se Tama Tagata Masei

1. Ne a galuega ne maua ne Kaino mo Apelu?

2. Ne a meaalofa ne avatu ne Kaino mo Apelu ki a Ieova?

3. Kaia ne fiafia ei a Ieova ki te meaalofa a Apelu, kae kaia ne seki fiafia ei ki te meaalofa a Kaino?

4. A Kaino se vaegā tino pefea, kae ne taumafai pefea a Ieova o fakatonutonu aka a ia?

5. Ne a mea ne fai ne Kaino i te taimi ne ‵nofo tokolua ei a laua mo tena taina i te fatoaga?

6. Fakamatala mai te mea ne tupu ki a Kaino mai tua o tena tamatega i tena taina.

Fesili fakaopoopo:

1. Faitau te Kenese 4:2-26.

   1. (a) Ne fakamatala mai pefea ne Ieova te tulaga fakamataku ne tu ei a Kaino? (Kene. 4:7)

   2. (e) Ne fakaasi atu pefea ne Kaino a mea i tena loto? (Kene. 4:9)

   3. (i) Se a te kilokiloga a Ieova ki te tamatega o tino amio ‵lei? (Kene. 4:10; Isa. 26:21)

2. Faitau te 1 Ioane 3:11, 12.

   1. (a) Kaia ne kaitaua malosi ei a Kaino, kae e fai pefea te mea tenei e pelā me se mea ke fakaeteete tatou i ei i aso nei? (Kene. 4:4, 5; Faata. 14:30; 28:22)

   2. (e) E fakaasi mai pefea i te Tusi Tapu me faitalia te ‵teke atu o ‵tou kāiga ki a Ieova, e mafai eiloa o tumau tatou i te fakamaoni? (Sala. 27:10; Mata. 10:21, 22)

3. Faitau te Ioane 11:25.

   Sea te folafolaga manino ne tuku mai ne Ieova ki tino kolā e ‵mate ona ko te amiotonu? (Ioane 5:24)

Te Tala Napa 7

Se Tagata Loto Toa

1. Ne ‵kese pefea a Enoka?

2. Kaia ne fai ei ne tino i aso o Enoka a mea ma‵sei e uke?

3. Ne a mea ma‵sei ne fai ne tino? (Ke onoono ki te ata.)

4. Kaia ne ‵tau ei o loto toa a Enoka?

5. E pefea te leva ne ola ei a tino i aso konā, kae pefea te leva ne ola ei a Enoka?

6. Ne a mea ne ‵tupu mai tua o te matega o Enoka?

Fesili fakaopoopo:

1. Faitau te Kenese 5:21-24, 27.

   1. (a) Se a te vaegā fesokotakiga ne maua ne Enoka mo Ieova? (Kene. 5:24)

   2. (e) E ‵tusa mo te Tusi Tapu, ko oi te toe tino ola leva i te lalolagi, kae ko fia ana tausaga kae mate? (Kene. 5:27)

2. Faitau te Kenese 6:5.

   E pefea te ma‵sei o tulaga i te lalolagi mai tua o te matega o Enoka, kae e ‵pau pefea te tulaga tenā mo tou aso nei? (2 Timo. 3:13)

3. Faitau te Epelu 11:6.

   Se a te uiga o Enoka ne “fakafiafia ne ia te Atua” ki ei, kae ne a mea ne iku mai i ei? (Kene. 5:22)

4. Faitau te Iuta 14, 15.

   E fakaakoako atu pefea a Kelisiano i aso nei ki te loto toa o Enoka i te fakailoaatuga ki tino a te taua lasi telā ka oko mai i Amaketo? (2 Timo. 4:2; Epe. 13:6)

Te Tala Napa 8

Tino ‵Mafi i te Lalolagi

1. Ne a mea ne ‵tupu i te taimi ne faka‵logo ei a nisi agelu a te Atua ki a Satani?

2. Kaia ne taofi ei ne nisi agelu olotou galuega i te lagi kae olo ifo ki te lalolagi?

3. Kaia ne seki ‵tau ei o olo ifo a agelu konei ki te lalolagi kae fuli olotou foitino ki foitino faka-te-tagata?

4. Kaia ne ‵kese ei a tama‵liki a agelu konei?

5. E pelā mo te mea e lavea atu i te ata, ne a mea ne fai ne tama a agelu i te taimi ne fai ei latou pelā me ne tino ‵mafi?

6. Ko oi te suā tino ‵lei telā ne ola i te lalolagi mai tua o Enoka, kae kaia ne fiafia ei a te Atua ki a ia?

Fesili fakaopoopo:

1. Faitau te Kenese 6:1-8.

   E fakaasi mai pefea i te Kenese 6:6 e uiga ki ‵tou faifaiga kolā e pokotia ei a lagonaga o Ieova? (Sala. 78:40, 41; Faata. 27:11)

2. Faitau te Iuta 6.

   E fai pefea a faifaiga a agelu kolā ‘ne seki tausi ki olotou galuega ‵tonu’ i aso o Noa e pelā me se fakamasauaga ki a tatou? (1 Koli. 3:5-9; 2 Pe. 2:4, 9, 10)

Te Tala Napa 9

Ne Faite ne Noa se Vaka

1. E tokofia a tino i te kāiga o Noa, kae ko oi a igoa o ana tamaliki tā‵gata?

2. Se a te galuega faigatā ne tuku atu ne te Atua ke fai ne Noa, kae kaia?

3. Ne ‵saga atu pefea a tino i aso o Noa i tena faiatuga e uiga ki te vaka?

4. Se a te mea ne fai atu ne te Atua ke fai ne Noa e uiga ki manu?

5. I te taimi ne ‵pono ei ne te Atua a te mataloa o te vaka, ne a mea ne fai ne te kāiga o Noa?

Fesili fakaopoopo:

1. Faitau te Kenese 6:9-22.

   1. (a) Kaia ne tu ‵kese ei a Noa i tena tapuakiga ki te Atua tonu? (Kene. 6:9, 22)

   2. (e) E pefea a lagonaga o Ieova ki amioga fakasauā, kae e pokotia pefea tatou i te mea tenei ona ko fakafiafiaga kolā e filifili ne tatou? (Kene. 6:11, 12; Sala. 11:5)

   3. (i) E fakaakoako atu pefea tatou ki a Noa māfai ko maua ne tatou a fakatonuga e auala i te fakapotopotoga a Ieova? (Kene. 6:22; 1 Ioane 5:3)

2. Faitau te Kenese 7:1-9.

   E fakamalosi mai pefea a te kilokiloga a Ieova ki a Noa e pelā me se tagata amiotonu ki a tatou i aso nei? (Kene. 7:1; Faata. 10:16; Isa. 26:7)

Te Tala Napa 10

Te Lolo Lasi

1. Kaia ne seki mafai ei o ulu atu se tino ki loto i te vaka i te taimi ne kamata ei o ‵to te vaiua?

2. E fia aso mo po ne faka‵to ei ne Ieova te vaiua, kae pefea te maluga o te fanakaga o te vai?

3. Se a te mea ne tupu ki te vaka i te taimi ne kamata ei o galo te lalolagi i te vai?

4. E mata, ne ‵sao a tino ‵mafi i te lolo, kae ne a mea ne ‵tupu ki tamana o tino ‵mafi konā?

5. Se a te mea ne tupu ki te vaka i te lima masina mai tua ifo i ei?

6. Kaia ne fakaeva ei ne Noa te oleva mai te vaka?

7. Ne iloa pefea ne Noa me ko fano o ‵masa a te vai i luga i te lalolagi?

8. Ne a pati a te Atua ne fai ki a Noa i te taimi ne nofo atu ei a ia mo tena kāiga i loto i te vaka i te leva e tasi tupu te tausaga?

Fesili fakaopoopo:

1. Faitau te Kenese 7:10-24.

   1. (a) E pefea te lasi o te fakamaseiga o mea ola katoa i te lalolagi? (Kene. 7:23)

   2. (e) E pefea te leva kae ‵masa ifo a vai o te Lolo? (Kene. 7:24)

2. Faitau te Kenese 8:1-17.

   E fakaasi mai pefea i te Kenese 8:17 me ne seki mafuli eiloa te fuafuaga a Ieova mō te lalolagi? (Kene. 1:22)

3. Faitau te 1 Petelu 3:19, 20.

   1. (a) I te ‵fokiatuga o agelu fakalogoga‵ta konā ki te lagi, se a te fakamasinoga ne maua ne latou i ei? (Iuta 6)

   2. (e) E fakamalosi aka pefea ne te tala o Noa mo tena kāiga a ‵tou loto tali‵tonu ki te mafai ne Ieova o faka‵sao ana tino? (2 Pe. 2:9)

Te Tala Napa 11

Te Nuanua Muamua

1. E pelā mo te mea e fakaasi mai i te ata, ne a mea ne fai ne Noa i te taimi muamua ne ulu atu ei a ia ki tua mo te vaka?

2. Se a te fakatonuga ne tuku atu ne te Atua ki a Noa mo tena kāiga mai tua o te Lolo?

3. Se a te folafolaga ne fai mai ne te Atua?

4. Se a te mea e fakamasaua mai ki a tatou māfai e lavea ne tatou se nuanua?

Fesili fakaopoopo:

1. Faitau te Kenese 8:18-22.

   1. (a) E tuku atu pefea ne tatou ki a Ieova se ‘taulaga manogi’ gali i aso nei? (Kene. 8:21; Epe. 13:15, 16)

   2. (e) Se a te mea ne lavea ne Ieova e uiga ki te tulaga o te loto o te tino, kae se a te mea e ‵tau o fakaeteete tatou i ei? (Kene. 8:21; Mata. 15:18, 19)

2. Faitau te Kenese 9:9- 17.

   1. (a) Se a te feagaiga ne fai ne Ieova mō mea ola katoa i te lalolagi? (Kene. 9:10, 11)

   2. (e) E pefea te leva e aogā ei a te feagaiga e uiga ki te nuanua? (Kene. 9:16)

Te Tala Napa 12

Ne Faite ne Tāgata se Olo Lasi

1. Ko oi a Nimalota, kae ne pefea a lagonaga o te Atua e uiga ki a ia?

2. Kaia e faite ei ne tino i te ata a puliki?

3. Kaia ne seki fiafia ei a Ieova ki te olo telā ne fakatu aka?

4. Ne fakagata pefea ne te Atua a te faitega o te olo?

5. Ko oi te igoa o te fa‵kai tenā, kae se a te uiga o te igoa tenā?

6. Ne a mea ne ‵tupu ki tino mai tua o te faka‵numiga ne te Atua a olotou ‵gana?

Fesili fakaopoopo:

1. Faitau te Kenese 10:1, 8-10.

   Ne a uiga ne fakaasi mai ne Nimalota, kae se a te mea e ‵tau o fakaeteete tatou i ei? (Faata. 3:31)

2. Faitau te Kenese 11:1-9.

   Se a te pogai ne faite ei te olo, kae kaia ne seki taunu ei te mea tenā? (Kene. 11:4; Faata. 16:18; Ioane 5:44)

Te Tala Napa 13

Apelaamo—Se Taugasoa o te Atua

1. Ne vaegā tino pefea ne ola i te fa‵kai ko Ulo?

2. Ko oi te tagata i te ata, ko te taimi fea ne fanau ei a ia, kae ne ola1 fea?

3. Se a te mea ne tuku atu ne te Atua ke fai ne Apelaamo?

4. Kaia ne taku ei a Apelaamo ko te taugasoa o te Atua?

5. Ko oi ne olo fakatasi atu mo Apelaamo keatea mo Ulo?

6. Se a te mea ne fai atu ne te Atua ki a Apelaamo i tena okoatuga ki Kanana?

7. Se a te folafolaga a te Atua ne fai ki a Apelaamo i te taimi ko 99 ei ana tausaga?

Fesili fakaopoopo:

1. Faitau te Kenese 11:27-32.

   1. (a) E kāiga pefea a Apelaamo mo Lota? (Kene. 11:27)

   2. (e) E ui eiloa e fakailoa mai me ne ave keatea ne Tala a tena kāiga mai Kanana, e iloa pefea ne tatou me ko Apelaamo eiloa telā ne fakamāfua ne ia te lotou malaga, kae kaia ne fai ei ne ia penā? (Kene. 11:31; Galu. 7:2-4)

2. Faitau te Kenese 12:1-7.

   Ne fakalasi aka pefea ne Ieova a tena feagaiga mo Apelaamo mai tua o tena okoatuga ki Kanana? (Kene. 12:7)

3. Faitau te Kenese 17:1-8, 15-17.

   1. (a) Se a te igoa telā ne ‵fuli ki ei te igoa o Apelamo i te taimi ko 99 ei ana tausaga, kae kaia? (Kene. 17:5)

   2. (e) Ne a fakamanuiaga ne folafola atu ne Ieova ki a Sala me ka maua ne ia? (Kene. 17:15, 16)

4. Faitau te Kenese 18:9-19.

   1. (a) I te Kenese 18:19, ne a tiute e tuku mai i ei mō tamana? (Teu. 6:6, 7; Efe. 6:4)

   2. (e) Se a te tala o Sala e fakaasi mai i ei me e se mafai o ‵funa ne tatou se mea mai i a Ieova? (Kene. 18:12, 15; Sala. 44:21)

Te Tala Napa 14

Ne Tofotofo ne te Atua a te Fakatuanaki o Apelaamo

1. Se a te folafolaga a te Atua ne fai ki a Apelaamo, kae ne tausi pefea ne te Atua a tena tautoga tenā?

2. Ne tofotofo pefea ne te Atua te fakatuanaki o Apelaamo e pelā mo te mea e fakaasi mai i te ata?

3. Ne a mea ne fai ne Apelaamo, faitalia me ne seki malamalama a ia i te fakatonuga a te Atua?

4. Se a te mea ne tupu i te taimi ne tapale ei ne Apelaamo te naifi ke tamate ki ei tena tama?

5. E pefea te malosi o te fakatuanaki o Apelaamo ki te Atua?

6. Se a te mea ne tuku atu ne te Atua ki a Apelaamo ke ofo atu e pelā me se taulaga, kae pefea la?

Fesili fakaopoopo:

1. Faitau te Kenese 21:1-7.

   Kaia ne pilitome ei ne Apelaamo a tena tama i te valu o aso? (Kene. 17:10-12; 21:4)

2. Faitau te Kenese 22:1-18.

   Ne fakaasi atu pefea ne Isaako tena fakalogo ki tena tamana ko Apelaamo, kae ne fakaata mai pefea i te mea tenei se mea e sili atu i te tāua telā ka tupu mai mua? (Kene. 22:7-9; 1 Koli. 5:7; Fili. 2:8, 9)

Te Tala Napa 15

Ne Kilo ki Tua te Avaga o Lota

1. Kaia ne māvae ei a Apelaamo mo Lota?

2. Kaia ne filifili aka ei ne Lota ke ola a ia i Sotoma?

3. Ne vaegā tino pefea a tino i Sotoma?

4. Se a te mea ne fakailoa atu ne agelu e tokolua ki a Lota?

5. Kaia ne liu pou masima ei te avaga a Lota?

6. Se a te akoakoga e maua ne tatou mai te mea ne tupu ki te avaga a Lota?

Fesili fakaopoopo:

1. Faitau te Kenese 13:5-13.

   I te faka‵leiga o fakalavelave i te va o tatou mo nisi tino, se a te akoakoga e maua ne tatou mai i a Apelaamo? (Kene. 13:8, 9; Loma 12:10; Fili. 2:3, 4)

2. Faitau te Kenese 18:20-33.

   E fakaasi mai pefea i faifaiga a Ieova ki a Apelaamo ke tali‵tonu tatou me ka fai ne Ieova mo Iesu a fakamasinoga ‵tonu? (Kene. 18:25, 26; Mata. 25:31-33)

3. Faitau te Kenese 19:1-29.

   1. (a) Se a te mea e fakaasi mai i te tala tenei i te Tusi Tapu e uiga ki te kilokiloga a te Atua ki amioga fakasotoma? (Kene. 19:5, 13; Levi. 20:13)

   2. (e) Ne a kese‵kesega e lavea ne tatou i auala ne ‵saga atu ei a Lota mo Apelaamo ki fakatonuga a te Atua, kae se a te mea e mafai o tauloto ne tatou mai i ei? (Kene. 19:15, 16, 19, 20; 22:3)

4. Faitau te Luka 17:28-32.

   Se a te mea ne fakaasi mai i te loto o te avaga a Lota e uiga ki kope faka-te-foitino, kae e fai pefea te mea tenā e pelā me se akoakoga ki a tatou? (Luka 12:15; 17:31, 32; Mata. 6:19-21, 25)

5. Faitau te 2 Petelu 2:6-8.

   I te fakaakoako atu ki a Lota, e ‵tau o pefea te ‵tou kilokiloga ki te lalolagi sē amioatua i ‵tou tafa? (Eseki. 9:4; 1 Ioane 2:15-17)

Te Tala Napa 16

Ko Maua ne Isaako se Avaga ‵Lei

1. Ko oi te tagata mo te fafine i te ata tenei?

2. Se a te mea ne fai ne Apelaamo ke maua se avaga ma tena tama, kae kaia?

3. Ne tali atu pefea te ‵talo a te tavini a Apelaamo?

4. Se a te tali ne fai atu ne Lepeka i te taimi ne fesili atu ei me e fia avaga a ia ki a Isaako?

5. Se a te mea ne fai ei ke toe fiafia a Isaako?

Fesili fakaopoopo:

1. Faitau te Kenese 24:1-67.

   1. (a) Ne a uiga ‵gali ne fakaasi atu ne Lepeka i te lā fetauiga mo te tavini a Apelaamo i te vaikeli? (Kene. 24:17-20; Faata. 31:17, 31)

   2. (e) Se a te fakaakoakoga gali ne tuku mai ne Apelaamo mō Kelisiano i aso nei i te auala ne ‵sala atu ei ki se avaga ma Isaako? (Kene. 24:37, 38; 1 Koli. 7:39; 2 Koli. 6:14)

   3. (i) Kaia e ‵tau ei o maua ne tatou ne taimi ke mafaufau ‵loto ei, e pelā mo te mea ne fai ne Isaako? (Kene. 24:63; Sala. 77:12; Fili. 4:8)

Te Tala Napa 17

Te Masaga Telā ne ‵Kese

1. Ko oi a Esau mo Iakopo, kae ne ‵kese pefea laua?

2. Ko pefea te ma‵tua o Esau mo Iakopo i te taimi ne mate ei te lā tupuna ko Apelaamo?

3. Se a te mea ne fai ne Esau telā ne fanoanoa malosi ei tena tamana mo tena mātua?

4. Kaia ne kaitaua malosi ei a Esau ki tena taina, ko Iakopo?

5. Se a te fakatonuga ne tuku atu ne Isaako ki tena tama ko Iakopo?

Fesili fakaopoopo:

1. Faitau te Kenese 26:5-11, 20-34.

   1. (a) Se a te mea ne ‵valo mai ne Ieova e uiga ki tama tā‵gata e tokolua a Lepeka? (Kene. 25:23)

   2. (e) Ne ‵kese pefea a kilokiloga a Iakopo mo Esau e uiga ki te tofi toekimua? (Kene. 25:31-34)

2. Faitau te Kenese 26:34, 35; 27:1-46; mo te 28:1-5.

   1. (a) Ne lavea atu pefea te sē amanaia o Esau ki mea faka-te-agaga? (Kene. 26:34, 35; 27:46)

   2. (e) Ko te mea ke maua ne Iakopo te fakamanuiaga a te Atua, se a te mea ne fai atu ne Isaako ke fai ne ia? (Kene. 28:1-4)

3. Faitau te Epelu 12:16, 17.

   Se a te mea e fakaasi mai i te fakaakoakoga a Esau e uiga ki te ikuga o tino kolā e se fakatāua ne latou a mea faka-te-agaga?

Te Tala Napa 18

Ko Fano a Iakopo ki Halana

1. Ko oi te tamafine i te ata tenei, kae ne a mea ne fai ne Iakopo ki a ia?

2. Se a te mea ne loto fiafia a Iakopo o fai ke avaga ei laua mo Lasela?

3. Ne a mea ne fai ne Lapana i te taimi ne ‵tau ei o avaga a Iakopo mo Lasela?

4. Se a te mea ne talia ne Iakopo o fai ke avaga eiloa a ia mo Lasela?

Fesili fakaopoopo:

1. Faitau te Kenese 29:1-30.

   1. (a) Faitalia te togafiti a Lapana ne fai, ne fakaasi atu pefea ne Iakopo a tena tulaga fakaaloalogina, kae se a te mea e mafai o tauloto ne tatou mai te mea tenei? (Kene. 25:27; 29:26-28; Mata. 5:37)

   2. (e) Ne fakaasi mai pefea ne te fakaakoakoga a Iakopo a te ‵kese o te alofa tonu mo te alofa fakaloiloi? (Kene. 29:18, 20, 30; Pese. 8:6)

   3. (i) Ko oi a fāfine e tokofa kolā ne aofia i te kau kāiga o Iakopo kae ne fa‵nau fakamuli ne latou ana tama‵liki? (Kene. 29:23, 24, 28, 29)

Te Tala Napa 19

Ko Tokouke a Tino i te Kāiga o Iakopo

1. Ko oi a igoa o tamaliki tā‵gata e toko ono a Iakopo 3 tena avaga muamua ko Lea?

2. Ko oi a tamaliki tā‵gata e tokolua a Iakopo ne fai i te tavini fafine a Lea ko Selepa?

3. Ko oi a igoa o tamaliki tā‵gata e tokolua a Iakopo ne fai i te tavini fafine a Lasela ko Pila?

4. Ko oi a tamaliki tā‵gata e tokolua a Lasela, kae se a te mea ne tupu i te taimi ne fanau ei te tokolua o tamaliki?

5. E tokofia a tama‵liki a Iakopo e ‵tusa mo te mea e fakaasi mai i te ata tenei, kae se a te mea ne māfua mai i a latou?

Fesili fakaopoopo:

1. Faitau te Kenese 29:32-35; 30:1-26; mo te 35:16-19.

   E pelā mo te mea e fakaasi mai i tamaliki tā‵gata e toko 12 a Iakopo, ne fakaigoa sāle pefea a tamaliki tā‵gata Epelu i aso mua?

2. Faitau te Kenese 37:35.

   E iloa pefea ne tatou me e isi aka foki ne nisi tama‵liki fā‵fine a Iakopo, faitalia me ko Tina fua telā e sae mai i te Tusi Tapu? (Kene. 37:34, 35)

Te Tala Napa 20

Ko Aofia Tina i se Fakalavelave

1. Kaia ne seki ma‵nako ei a Apelaamo mo Isaako ke a‵vaga a lā tama‵liki ki tino Kanana?

2. E mata, ne talia ne Iakopo ke fai taugasoa tena tama fafine mo tamaliki fā‵fine Kanana?

3. Ko oi te tagata telā e kilo atu ki a Tina i te ata tenei, kae se a te mea masei ne fai ne ia?

4. Se a te mea ne fai ne tuagane o Tina ko Simeona mo Levi i te taimi ne ‵logo ei i te mea ne tupu?

5. E mata, ne talia ne Iakopo a te mea telā ne fai ne Simeona mo Levi?

6. Ne kamata pefea o ‵tupu a fakalavelave i te kāiga?

Fesili fakaopoopo:

1. Faitau te Kenese 34:1-31.

   1. (a) E mata, a te fai taugasoa o Tina mo tamaliki fā‵fine Kanana se mea ne fai fakatasi fua? Fakamatala mai. (Kene. 34:1)

   2. (e) Kaia ne ‵tau ei o ‵losi atu ki a Tina mō te fakamaseiga o tena tulaga tamafine? (Kala. 6:7)

   3. (i) E fakaasi atu pefea ne talavou i aso nei me ne tauloto ne latou se mea tāua mai te akoakoga e uiga ki a Tina? (Faata. 13:20; 1 Koli. 15:33; 1 Ioane 5:19)

Te Tala Napa 21

Ko Takalia‵lia a Taina o Iosefa ki a Ia

1. Kaia ne takalia‵lia ei a taina o Iosefa ki a ia, kae ne a olotou mea ne fai?

2. Ne a mea ne ma‵nako a taina o Iosefa ke fai ki a ia, kae ne a pati ne fai atu ne Leupena?

3. Se a te mea ne tupu i te taimi ne olo pili atu ei a tino Isamaeli ki a latou?

4. Ne a mea ne fai ne taina o Iosefa ke talitonu ei te lotou tamana i a Iosefa ko mate?

Fesili fakaopoopo:

1. Faitau te Kenese 37:1-35.

   1. (a) E mafai pefea o tau‵tali atu a Kelisiano ki te fakaakoakoga a Iosefa mai te lipoti atu o mea ‵se i te fakapotopotoga? (Kene. 37:2; Levi. 5:1; 1 Koli. 1:11)

   2. (e) Se a te mea ne fai i ei ke fai ne taina o Iosefa se togafiti masei ki a ia? (Kene. 37:11, 18; Faata. 27:4; Iako. 3:14-16)

   3. (i) Se a te faifaiga masani e uiga ki te tagi fanoanoa telā ne fai ne Iakopo? (Kene. 37:35)

Te Tala Napa 22

Ko ‵Pei a Iosefa ki te Falepuipui

1. Ko pefea te matua o Iosefa i te taimi ne puke atu i ei ki Aikupito, kae se a te mea ne tupu i te okoatuga ki konā?

2. Kaia ne ‵pei ei a Iosefa ki te falepuipui?

3. Se a te tauliaga ne maua ne Iosefa i te falepuipui?

4. Ne a mea ne fai ne Iosefa ki te tagata fakatoka uaina mo te tagata faka‵fete falaoa a Falao i te falepuipui?

5. Se a te mea ne tupu i te otiga ne fakasaoloto ei te tagata fakatoka uaina?

Fesili fakaopoopo:

1. Faitau te Kenese 39:1-23.

   E ui eiloa e seki ai se tulafono mai te Atua telā e taku fakamasei i ei te finalalolagi i aso o Iosefa, se a te mea ne fakamalosi atu ki a ia ke tele keatea mai te avaga a Potifala? (Kene. 2:24; 20:3; 39:9)

2. Faitau te Kenese 40:1-23.

   1. (a) Ke fakamatala fakatoetoe mai a te moemiti a te tino fakatoka uaina mo te fakamatalaga telā ne tuku atu ne Ieova ki a Iosefa. (Kene. 40:9-13)

   2. (e) Se a te moemiti a te tino faka‵fete falaoa, kae se a tena uiga? (Kene. 40:16-19)

   3. (i) E fakaakoako atu pefea te tavini fakamaoni kae poto i aso nei ki uiga o Iosefa? (Kene. 40:8; Sala. 36:9; Ioane 17:17; Galu. 17:2, 3)

   4. (o) E fakamaina mai pefea i te Kenese 40:20 a te kilokiloga a Kelisiano e uiga ki te fakamanatuga o aso fanau? (Fai. 7:1; Male. 6:21-28)

Te Tala Napa 23

Moemiti a Falao

1. Se a te mea ne tupu ki a Falao i te po e tasi?

2. Kaia ne masaua fakamuli ei ne te tino fakatoka uaina a Iosefa?

3. E pelā mo mea e fakaasi mai i te ata, ne a moemiti e lua a Falao ne fai?

4. Ne a muna a Iosefa e uiga ki uiga o moemiti?

5. Ne fai pefea Iosefa ke fai mo fai te ‵toe tino maluga eiloa i Aikupito telā e tafa atu ki a Falao?

6. Kaia ne olo atu ei a taina o Iosefa ki Aikupito, kae kaia ne seki mātea ei ne latou a ia?

7. Se a te moemiti ne masaua ne Iosefa, kae se a te mea ne fesoasoani atu ke malamalama a ia i ei?

Fesili fakaopoopo:

1. Faitau te Kenese 41:1-57.

   1. (a) Ne fai pefea ne Iosefa ke ‵saga atu a tino ki a Ieova, kae e mafai pefea o tau‵tali atu a Kelisiano i aso nei ki tena fakaakoakoga? (Kene. 41:16, 25, 28; Mata. 5:16; 1 Pe. 2:12).

   2. (e) E ‵kese pefea a tausaga o te maumea i Aikupito mo tausaga o te oge kolā ne ‵soko atu ki ei mo te tulaga o tino o Ieova mo te tulaga o Lotu Kelisiano ‵se i aso nei? (Kene. 41:29, 30; Amo. 8:11, 12)

2. Faitau te Kenese 42:1-8 mo te 50:20.

   E mata, se mea sē ‵tau ke ifo se tino tapuaki ki a Ieova ki se tino ke fakaasi atu ei te āva mo te amanaia ki tena tulaga māfai e fetaui te mea tenā mo tu mo aganū a tenā fenua? (Kene. 42:6)

Te Tala Napa 24

Ko Tofotofo ne Iosefa Ana Taina

1. Kaia ne ‵losi atu ei a Iosefa ki ana taina e pelā me ne sipai?

2. Kaia ne talia ei ne Iakopo ke fano tena tama tagata foliki eiloa ko Peniamina ki Aikupito?

3. Ne tō atu pefea te ipu siliva a Iosefa ki te taga a Peniamina?

4. Se a te mea ne ofo atu ne Iuta ke fakasaoloto ei a Peniamina?

5. Ne ‵fuli pefea a taina o Iosefa?

Fesili fakaopoopo:

1. Faitau te Kenese 42:9-38.

   E tuku mai pefea i pati a Iosefa i te Kenese 42:18 se fakamasauaga ‵lei mo tino kolā e isi ne olotou tauliaga i te fakapotopotoga a Ieova i aso nei? (Nee. 5:15; 2 Koli. 7:1, 2)

2. Faitau te Kenese 43:1-34.

   1. (a) E ui eiloa a Leupena ko te ulumatua, kaia ne faipati atu faeloa i ei a Iuta mō ana taina? (Kene. 43:3, 8, 9; 44:14, 18; 1 Nofo. 5:2)

   2. (e) Ne tofotofo aka pefea ne Iosefa ana taina, kae kaia? (Kene. 43:33, 34)

3. Faitau te Kenese 44:1-34.

   1. (a) E pelā me se vaega o tena togafiti ke funa aka a ia mai i ana taina, ne fakaasi atu pefea ne Iosefa a ia? (Kene. 44:5, 15; Levi. 19:26)

   2. (e) Ne fakaasi atu pefea ne taina o Iosefa me ko seai se loto masei i a latou pelā mo aso mua? (Kene. 44:13, 33, 34)

Te Tala Napa 25

Ko Olo Atu a te Kāiga ki Aikupito

1. Se a te mea ne tupu i te taimi ne fakaasi atu ei ne Iosefa a ia ki ana taina?

2. Se a te mea ne fakamatala faka‵lei atu ne Iosefa ki ana taina?

3. Ne a pati a Falao ne fai i te taimi ne logo ei e uiga ki taina o Iosefa?

4. E pefea te tokouke o te kāiga o Iakopo i te oloatuga ki Aikupito?

5. Se a te igoa ne fakaigoa ki ei te kāiga o Iakopo, kae kaia?

Fesili fakaopoopo:

1. Faitau te Kenese 45:1-28.

   E fakaasi mai pefea i te tala o Iosefa i te Tusi Tapu me e mafai ne Ieova o ‵fuli se mea telā ne fai ke fakamasei atu ei ana tavini ki se mea ‵lei? (Kene. 45:5-8; Isa. 8:10; Fili. 1:12-14)

2. Faitau te Kenese 46:1-27.

   Se a te mea ne fakatalitonu atu ne Ieova ki a Iakopo i tena auala ki Aikupito? (Kene. 46:1-4)

Te Tala Napa 26

E Fakamaoni a Iopu ki te Atua

1. Ko oi a Iopu?

2. Se a te mea ne taumafai a Satani o fai, kae e mata, ne taunu te mea tenā?

3. Se a te taliaga ne tuku atu ne Ieova ki a Satani, kae kaia?

4. Kaia ne fai atu ei te avaga a Iopu ke “muna masei atu ki te Atua kae ke mate koe”? (Ke onoono ki te ata.)

5. E pelā mo te mea e lavea ne koe i te lua o ata, ne fakamanuia pefea ne Ieova a Iopu, kae kaia?

6. Kafai e fakamaoni tatou ki a Ieova e pelā mo Iopu, ne a fakamanuiaga ka maua ne tatou?

Fesili fakaopoopo:

1. Faitau te Iopu 1:1-22.

   E fakaakoako atu pefea a Kelisiano i aso nei ki a Iopu? (Iopu 1:1; Fili. 2:15; 2 Pe. 3:14)

2. Faitau te Iopu 2:1-13.

   Ne a auala kese‵kese e lua ne ‵saga atu ei a Iopu mo tena avaga ki tofotofoga a Satani? (Iopu 2:9, 10; Faata. 19:3; Mika 7:7; Mala. 3:14)

3. Faitau te Iopu 42:10-17.

   1. (a) E ‵pau pefea te taui ne maua ne Iopu mo mea kolā ne maua ne Iesu ona ko te ola i se olaga fakamaoni? (Iopu 42:12; Fili. 2:9-11)

   2. (e) E fakamalosi mai pefea ki a tatou a fakamanuiaga ne maua ne Iopu ona ko tena fakamaoni ki te Atua? (Iopu 42:10, 12; Epe. 6:10; Iako. 1:2-4, 12; 5:11)

Te Tala Napa 27

Se Tupu Masei ko Pule i Aikupito

1. Ko oi te tagata i te ata telā e puke ne ia se ‵kini, kae ko oi te tino tenā e ‵kini ne ia?

2. I te matega a Iosefa, ne a mea ne ‵tupu ki te kau Isalaelu?

3. Kaia ne ma‵taku ei a tino Aikupito i te kau Isalaelu?

4. Se a te fakatonuga ne tuku atu ne Falao ki fāfine kolā ne fesoasoani o fakafanaua fāfine Isalaelu?

Fesili fakaopoopo:

1. Faitau te Esoto 1:6-22.

   1. (a) I te auala fea ne kamata ei o fakataunu ne Ieova tena folafolaga ki a Apelaamo? (Eso. 1:7; Kene. 12:2; Galu. 7:17)

   2. (e) Ne fakaasi atu pefea ne fāfine fakafanafanau Epelu a te amanaia ki te ola? (Eso. 1:17; Kene. 9:6)

   3. (i) Ne taui atu pefea ki fāfine fakafanafanau ona ko te lā fakamaoni ki a Ieova? (Eso. 1:20, 21; Faata. 19:17)

   4. (o) Ne taumafai pefea a Satani o taofi aka te fuafuaga a Ieova e uiga ki te Fanau a Apelaamo telā ne folafola mai? (Eso. 1:22; Mata. 2:16)

Te Tala Napa 28

Te Auala ne Sao ei te Pepe ko Mose

1. Ko oi te pepe i te ata tenei, kae i o oi te maikao e ‵piki atu a ia ki ei?

2. Se a te mea ne fai ne te mātua o Mose ke fakasao ei a ia?

3. Ko oi te tamaliki fafine i te ata tenei, kae ne a ana mea ne fai?

4. I te taimi ne maua ei ne te tamaliki fafine a te Falao a te pepe, se a te manatu ne fai atu ne Miliama?

5. Ne a pati a te pelenise fafine ne fai ki te mātua o Mose?

Fesili fakaopoopo:

1. Faitau te Esoto 2:1-10.

   Se a te avanoaga ne maua ne te mātua o Mose ke akoako ne ia a Mose i te taimi koi foliki i ei, kae se a te akoakoga mō mātua i aso nei? (Eso. 2:9, 10; Teu. 6:6-9; Faata. 22:6; Efe. 6:4; 2 Timo. 3:15)

Te Tala Napa 29

Te Pogai ne Tele Kea‵tea ei a Mose

1. Ne tupu aka pefea a Mose, kae ne a ana mea ne iloa e uiga ki ana mātua?

2. Ne a mea ne fai ne Mose i te taimi ko 40 ei ana tausaga?

3. Ne a pati a Mose ne fai ki se tagata Isalaelu telā ne taua mo te suā tino, kae se a te tali ne fai atu ne te tagata tenā?

4. Kaia ne tele kea‵tea ei a Mose mai Aikupito?

5. Tefea te koga ne tele ki ei a Mose, kae ko oi ne fetaui mo ia i konā?

6. Ne a mea ne fai ne Mose i te 40 tausaga ne tiaki ei ne ia a Aikupito?

Fesili fakaopoopo:

1. Faitau te Esoto 2:11-25.

   Faitalia te fia o tausaga ne akoako ei a ia ki poto o te kau Aikupito, ne fakaasi atu pefea ne Mose tena fakamaoni ki a Ieova mo ana tino? (Eso. 2:11, 12; Epe. 11:24)

2. Faitau te Galuega 7:22-29.

   Se a te akoakoga e maua ne tatou i taumafaiga a Mose i a ia eiloa o faka‵sao a te kau Isalaelu mai te nofo fakapagota i Aikupito? (Galu. 7:23-25; 1 Pe. 5:6, 10)

Te Tala Napa 30

Te Lakau ‵Ka

1. Ko oi te igoa o te mauga i te ata tenei?

2. Fakamatala mai te mea fai faka‵tea ne lavea ne Mose i tena oloatuga mo ana mamoe ki te mauga.

3. Ne a pati ne fai mai i se leo mai te lakau ‵ka tenā, kae i o oi te leo tenā?

4. Se a te tali a Mose i te faimaiga a te Atua me ka ‵taki ne ia a tino o te Atua keatea mo Aikupito?

5. Ne a pati ne fai atu ne te Atua ke fai ne Mose māfai e ‵sili atu te kau Isalaelu me ko oi ne uga atu ne ia a ia?

6. Ne mafai pefea ne Mose o fakamaoni atu me ne uga atu a ia ne te Atua?

Fesili fakaopoopo:

1. Faitau te Esoto 3:1-22.

   E tuku mai pefea ne te fakaakoakoga a Mose ke maua ne tatou te loto talitonu me kafai e mafaufau tatou me e se ‵kafi ne tatou o fai se tauliaga faka-te-agaga, ka ‵lago mai eiloa a Ieova ki a tatou? (Eso. 3:11, 13; 2 Koli. 3:5, 6)

2. Faitau te Esoto 4:1-20.

   1. (a) Ne a uiga o Mose ne ‵fuli i te 40 tausaga ne nofo atu ei i Mitiana, kae se a te akoakoga e mafai o maua ne tino kolā e fakamoe‵moe ke maua ne tauliaga i te fakapotopotoga? (Eso. 2:11, 12; 4:10, 13; Mika 6:8; 1 Timo. 3:1, 6, 10)

   2. (e) Kafai foki eiloa e polopoloki tatou ne Ieova e auala i tena fakapotopotoga, se a te loto talitonu e ‵tau o maua ne tatou mai te fakaakoakoga a Mose? (Eso. 4:12-14; Sala. 103:14; Epe. 12:4-11)

Te Tala Napa 31

Ko Olo Atu a Mose mo Alona ki a Falao

1. Ne pokotia pefea a tino Isalaelu i vavega kolā ne fai ne Mose mo Alona?

2. Ne a pati ne fai atu ne Mose mo Alona ki a Falao, kae se a te tali a Falao?

3. E pelā mo te fakaasiga i te ata, se a te mea ne tupu i te ‵peiifoga o te tokotoko o Alona?

4. Ne tuku atu pefea ne Ieova se akoakoga ki a Falao, kae ne saga atu pefea a Falao ki ei?

5. Ne a mea ne ‵tupu mai tua o te sefulu o mala?

Fesili fakaopoopo:

1. Faitau te Esoto 4:27-31 mo te 5:1-23.

   Se a te uiga o pati a Falao konei: “E se iloa ne au te Aliki [ko Ieova]”? (Eso. 5:2; 1 Samu. 2:12; Loma 1:21)

2. Faitau te Esoto 6:1-13, 26-30.

   1. (a) I te auala fea ne seki fakaasi atu ei ne Ieova a ia eiloa ki a Apelaamo, Isaako mo Iakopo? (Eso. 3:13, 14; 6:3; Kene. 12:8)

   2. (e) Ne a lagonaga e oko mai ki a tatou i te iloa atu me ne fakaaogā eiloa ne Ieova a Mose, faitalia me ne fai atu a Mose me e se mafai ne ia o fai te galuega tenā? (Eso. 6:12, 30; Luka 21:13-15)

3. Faitau te Esoto 7:1-13.

   1. (a) I te avatuga ne Mose mo Alona a fakamasinoga a Ieova ki a Falao mo te loto toa, se a te fakaakoakoga ne tuku mai ne laua mo tavini a te Atua i aso nei? (Eso. 7:2, 3, 6; Galu. 4:29-31)

   2. (e) Ne fakaasi atu pefea ne Ieova a tena maluga atu i atua o Aikupito? (Eso. 7:12; 1 Nofo. 29:12)

Te Tala Napa 32

Ko Mala e 10

1. Mai te fakaaogāga o ata kolā e fakaasi mai i konei, fakamatala mai a mala muamua e tolu kolā ne tuku atu ne Ieova ki Aikupito.

2. Se a te mea ne ‵kese ei a mala muamua e tolu mai mala katoa?

3. Ne a mala i te fa, lima mo te ono?

4. Fakamatala mai a mala i te fitu, valu mo te iva.

5. Ne a mea ne fai atu ne Ieova ki te kau Isalaelu ke fai mai mua o te sefulu o mala?

6. Se a te sefulu o mala, kae ne a mea ne ‵tupu mai tua i ei?

Fesili fakaopoopo:

1. Faitau te Esoto 7:19-8:23.

   1. (a) E ui eiloa ne mafai ne tino fai vailakau o Aikupito o fai foki a mala muamua e lua a Ieova, se a te mea ne faimālō atu ke iloa ne latou mai tua o te mala i te tolu? (Eso. 8:18, 19; Mata. 12:24-28)

   2. (e) E fakaasi mai pefea i te fa o mala me e mafai ne Ieova o puipui ana tino, kae ne a lagonaga o tino o te Atua kolā ko iloa ne latou te mea tenei māfai ko fakafesagai atu latou ki te “fakasauaga lasi” telā ko leva ne ‵valo mai? (Eso. 8:22, 23; Faka. 7:13, 14; 2 Nofo. 16:9)

2. Faitau te Esoto 8:24; 9:3, 6, 10, 11, 14, 16, 23-25; mo te 10:13-15, 21-23.

   1. (a) Ne a potukau e lua kolā ne fakaasi faka‵sau mai i Mala e Sefulu, kae pokotia pefea i ei ‵tou kilokiloga ki potukau konā? (Eso. 8:10, 18, 19; 9:14)

   2. (e) E fesoasoani mai pefea a te Esoto 9:16 ke malamalama tatou i te pogai ne talia ei ne Ieova ke ola Satani ke oko mai ki te taimi nei? (Loma 9:21, 22)

3. Faitau te Esoto 12:21-32.

   Ne fai pefea ne te Paseka ke mafai o ‵sao a tino e tokouke, kae se a te mea ne fakasino atu ki ei te Paseka? (Eso. 12:21-23; Ioane 1:29; Loma 5:18, 19, 21; 1 Koli. 5:7)

Te Tala Napa 33

Te Oloatuga i Loto i te Tai ‵Kula

1. E tokofia a tāgata Isalaelu, fakatasi mo fāfine mo tama‵liki ne tiakina ne latou a Aikupito, kae ko oi ne olo fakatasi atu mo latou?

2. Ne a lagonaga o Falao i te otiga ne fakasaoloto ne ia a tino Isalaelu ke olo, kae ne a ana mea ne fai?

3. Ne a mea ne fai ne Ieova ke taofi ei te kau Aikupito mai te taua atu ki ana tino?

4. Se a te mea ne tupu i te taimi ne sisi aka ne Mose tena tokotoko o fakasaga atu ki te Tai ‵Kula, kae ne a mea ne fai ne te kau Isalaelu?

5. Ne a mea ne ‵tupu i te ‵teleatuga o te kau Aikupito ki loto i te tai o afuli a te kau Isalaelu?

6. Ne fakaasi atu pefea ne te kau Isalaelu a te lotou fia‵fia mo te loto fakafetai ki a Ieova me ko ‵sao latou?

Fesili fakaopoopo:

1. Faitau te Esoto 12:33-36.

   Ne fai pefea ne Ieova ke taui atu ki te kau Isalaelu a mea ne pokotia ei latou i te fia tausaga ne nofo pologa ei mai lalo i te kau Aikupito? (Eso. 3:21, 22; 12:35, 36)

2. Faitau te Esoto 14:1-31.

   E pokotia pefea a tavini a Ieova i aso nei i pati a Mose kolā ne tusi i te Esoto 14:13, 14 i te lotou fakafesagai atu ki te taua lasi a te Atua i Amaketo? (2 Nofo. 20:17; Sala. 91:8)

3. Faitau te Esoto 15:1-8, 20, 21.

   1. (a) Kaia e ‵tau ei o usu atu ne tavini a Ieova a vikiga ki a ia? (Eso. 15:1, 2; Sala. 105:2, 3; Faka. 15:3, 4)

   2. (e) Se a te fakaakoakoga e uiga ki te avatuga o vikiga ki a Ieova ne fakaasi mai ne Miliama mo fāfine i te Tai ‵Kula mō fāfine Kelisiano i aso nei? (Eso. 15:20, 21; Sala. 68:11)

Te Tala Napa 34

Se Vaegā Meakai Fou

1. I te ata tenei, ne a mea e puke aka ne tino mai te laukele, kae se a te igoa o te mea tenā?

2. Ne a fakatonuga ne tuku atu ne Mose ki tino e uiga ki te ‵taega o manai?

3. Ne a mea ne fai atu ne Ieova ke fai ne tino i te ono o aso, kae kaia?

4. Se a te vavega ne fai ne Ieova i te tausiga o te manai ke oko ki te fitu o aso?

5. E pefea te leva ne fagai ei ne Ieova a tino ki manai?

Fesili fakaopoopo:

1. Faitau te Esoto 16:1-36 mo te Numela 11:7-9.

   1. (a) Se a te mea e fakaasi mai i te Esoto 16:8 e uiga ki te manakoga ke amanaia tatou ki tauliaga i loto i te fakapotopotoga Kelisiano? (Epe. 13:17)

   2. (e) Ne fakamasaua atu pefea ki te kau Isalaelu i aso takitasi i te koga lavaki e uiga ki te lotou fakalagolago faeloa ki a Ieova? (Eso. 16:14-16, 35; Teu. 8:2, 3)

   3. (i) Se a te mea ne fakatusa ki ei ne Iesu a te manai, kae ne a mea aogā e maua ne tatou mai te “falaoa tenā mai te lagi”? (Ioane 6:31-35, 40)

2. Faitau te Iosua 5:10-12.

   E fia tausaga ne ‵kai i ei te kau Isalaelu ki te manai, kae ne tofotofo pefea ne te mea tenei latou, kae ne a mea e tauloto ne tatou mai te tala tenei? (Eso. 16:35; Nu. 11:4-6; 1 Koli. 10:10, 11)

Te Tala Napa 35

Ko Tuku Atu ne Ieova Ana Tulafono

1. I se lua masina mai tua o te tiakinaga o Aikupito, ne ‵nofo i fea a te kau Isalaelu?

2. Ne a pati a Ieova e uiga ki mea e manako a ia ke fai ne ana tino, kae se a te lotou tali?

3. Kaia ne tuku atu i ei ne Ieova ki a Mose a papa fatu e lua?

4. Ne a nisi tulafono ne tuku atu ne Ieova ki te kau Isalaelu i tafa o Tulafono e Sefulu?

5. Ne a tulafono e lua ne fai mai a Iesu Keliso me ko toe tulafono sili?

Fesili fakaopoopo:

1. Faitau te Esoto 19:1-25; 20:1-21; 24:12-18; mo te 31:18.

   E fesoasoani mai pefea a pati i te Esoto 19:8 ke malamalama tatou i mea kolā e aofia i te tukuatuga o se Kelisiano? (Mata. 16:24; 1 Pe. 4:1-3)

2. Faitau te Teutelonome 6:4-6; Levitiko 19:18; mo te Mataio 22:36-40.

   E fakaasi atu pefea ne Kelisiano a te lotou a‵lofa ki te Atua mo tuakoi? (Male. 6:34; Galu. 4:20; Loma 15:2)

Te Tala Napa 36

Te Tamā Pulumakau Aulo

1. I te ata tenei, ne a mea e fai ne tino i ei, kae kaia?

2. Kaia ne kaitaua ei a Ieova, kae ne a mea ne fai ne Mose i te taimi ne lavea ei ne ia a mea e fai ne tino konā?

3. Ne a mea ne fai atu ne Mose ke fai ne nisi tāgata?

4. Se a te akoakoga e tuku mai i te tala tenei ki a tatou?

Fesili fakaopoopo:

1. Faitau te Esoto 32:1-35.

   1. (a) E fakaasi mai pefea i te tala tenei a te kilokiloga a Ieova ki te palutakiga o lotu ‵se mo te lotu tonu? (Eso. 32:4-6, 10; 1 Koli. 10:7, 11)

   2. (e) Se a te mea e ‵tau o fakaeteete i ei a Kelisiano i te filifiliga o fakafiafiaga, e pelā mo te usuusu mo te saka? (Eso. 32:18, 19; Efe. 5:15, 16; 1 Ioane 2:15-17)

   3. (i) Ne tuku mai pefea ne te matakāiga o Levi se fakaakoakoga ‵lei i te tu ‵mautakitaki mō te amiotonu? (Eso. 32:25-28; Sala. 18:25)

Te Tala Napa 37

Se Faleie mō Tapuakiga

1. Se a te igoa o te fale i te ata tenei, kae se a tena aogā?

2. Kaia ne fai atu ei a Ieova ki a Mose ke faite te faleie ko te mea ke faigofie o tapale ana vaega katoa?

3. Se a te pusa i loto i te tamā potu i te suā feitu o te faleie, kae ne a mea i loto i te pusa tenā?

4. Ko oi ne filifili ne Ieova ke fai mo faitaulaga sili kae ne a mea e fai ne te faitaulaga sili?

5. Ke taku mai a mea e tolu i loto i te potu lasi o te faleie.

6. Ne a mea e lua e maua atu i te titi o te faleie, kae se a te lā aogā?

Fesili fakaopoopo:

1. Faitau te Esoto 25:8-40; 26:1-37; 27:1-8; mo te 28:1.

   Se a te mea e fakauiga ki ei a kelupi i luga i “te Pusa o te Feagaiga”? (Eso. 25:20, 22; Nu. 7:89; 2 Tupu 19:15)

2. Faitau te Esoto 30:1-10, 17-21; 34:1, 2; mo te Epelu 9:1-5.

   1. (a) Kaia ne faka‵mafa atu ei ne Ieova te tāua o te ‵ma faka-te-foitino ki faitaulaga kolā e tavini atu i tena faleie tapu, kae e pokotia pefea tatou i te mea tenei i aso nei? (Eso. 30:18-21; 40:30, 31; Epe. 10:22)

   2. (e) Ne fakaasi mai pefea ne te apositolo ko Paulo me ko sē aogā a te faleie tapu mo te feagaiga o te Tulafono i te taimi ne tusi ei tena tusi ki Kelisiano i Epelu? (Epe. 9:1, 9; 10:1)

Te Tala Napa 38

Te Toko 12 Sipai

1. Se a te mea e lavea ne koe i te fuifui vine i te ata tenei, kae ne aumai mai fea a fuagā vine konā?

2. Kaia ne uga atu ei ne Mose a sipai e toko 12 ki loto i te fenua ko Kanana?

3. Ne a pati ne fai atu ne sipai e toko sefulu ki a Mose i te lotou ‵fokimaiga?

4. Ne fakaasi atu pefea ne sipai e tokolua a te lā tali‵tonu ki a Ieova, kae ko oi a lā igoa?

5. Kaia ne kaitaua ei a Ieova kae ne a ana pati ne fai atu ki a Mose?

Fesili fakaopoopo:

1. Faitau te Numela 13:1-33.

   1. (a) Ko oi ne filifili aka ke olo o iloilo te fenua, kae se a te avanoaga gali ne maua ne latou? (Nu. 13:2, 3, 18-20)

   2. (e) Kaia ne ‵kese ei te kilokiloga a Iosua mo Kalepo mai i nisi sipai, kae se a te mea e akoako mai i ei ki a tatou? (Nu. 13:28-30; Mata. 17:20; 2 Koli. 5:7)

2. Faitau te Numela 14:1-38.

   1. (a) Ne a pati polopoloki e uiga ki te muimui ki sui o Ieova i te lalolagi nei e ‵tau o ‵saga tonu atu tatou ki ei? (Nu. 14:2, 8, 27; Mata. 25:40, 45; 1 Koli. 10:10)

   2. (e) E fakaasi mai pefea i te Numela 14:24 me e amanaia eiloa a Ieova ki ana tavini taki tokotasi? (1 Tupu 19:18; Faata. 15:3)

Te Tala Napa 39

E ‵Fua Mai a Pulalakau i te Tokotoko o Alona

1. Ko oi ne ‵teke atu ki te malosi pule o Mose mo Iona, kae ne a lā pati ne fai e uiga ki a Mose?

2. Ne a mea ne fai atu ne Mose ke fai ne Kola mo tena potukau e toko 250?

3. Ne a pati ne fai atu ne Mose ki tino, kae se a te mea ne tupu i te otiga eiloa o tena faipatiga?

4. Se a te mea ne tupu ki a Kola mo tena potukau e toko 250?

5. Ne a mea ne fai ne Eliesa, te tamaliki tagata a Alona, ki mea faka‵ka afi a tāgata kolā ne ‵mate, kae kaia?

6. Kaia ne fai ei ne Ieova ke fua mai i te tokotoko o Alona a pulalakau? (Ke onoono ki te ata.)

Fesili fakaopoopo:

1. Faitau te Numela 16:1-49.

   1. (a) Ne a mea ne fai ne Kola mo tena potukau, kae kaia ne fai ei pelā me se ‵tekeatuga tenā ki a Ieova? (Nu. 16:9, 10, 18; Levi. 10:1, 2; Faata. 11:2)

   2. (e) Se a te kilokiloga ‵se ne maua ne Kola mo “takitaki lauiloa o te kau Isalaelu” e toko 250? (Nu. 16:1-8; Faata. 15:33; Isa. 49:7)

2. Faitau te Numela 17:1-11 mo te 26:10.

   1. (a) Se a te mea e fakasino atu ki ei te fua mai o te tokotoko o Alona, kae kaia ne fakatonu atu ei a Ieova ke tausi te mea tenā i loto i te pusa o te feagaiga? (Nu. 17:5, 8, 10)

   2. (e) Se a te akoakoga tāua e maua ne tatou mai te fakailoga i te tokotoko o Alona? (Nu. 17:10; Galu. 20:28; Fili. 2:14; Epe. 13:17)

Te Tala Napa 40

Ne ‵Kini ne Mose a te Kaupapa

1. Ne tausi pefea ne Ieova te kau Isalaelu i te taimi ne nofo ei latou i te vao?

2. Se a te fameo ne fai ne tino Isalaelu i te lotou ‵nofoga i Katesa?

3. Ne tuku atu pefea ne Ieova a vai mō tino mo olotou manu?

4. I te ata tenei, ko oi la te tino telā e tusi tena lima ki a ia eiloa, kae kaia ne fai ei ne ia te mea tenā?

5. Kaia ne Kaitaua ei a Ieova ki a Mose mo Alona, kae ne fakasala pefea a laua?

6. Se a te mea ne tupu i te Mauga o Holo, kae ko oi ne fai mo faitaulaga sili o Isalaelu?

Fesili fakaopoopo:

1. Faitau te Numela 20:1-13, 22-29 mo te Teutelonome 29:5.

   1. (a) Ne a mea e tauloto ne tatou mai te tausiga a Ieova ki te kau Isalaelu i te vao? (Teu. 29:5; Mata. 6:31; Epe. 13:5; Iako. 1:17)

   2. (e) Se a te kilokiloga a Ieova ki te fakata‵mala o Mose mo Alona o fakamaluga ne laua a ia i mua o tino Isalaelu? (Nu. 20:12; 1 Koli. 10:12; Faka. 4:11)

   3. (i) Ne a mea e tauloto ne tatou mai te auala ne saga atu ei a Mose ki tena fakasalaga ne Ieova? (Nu. 12:3; 20:12, 27, 28; Teu. 32:4; Epe. 12:7-11)

Te Tala Napa 41

Te Gata Kopa

1. I te ata tenei, se a te mea telā e fakatamilomilo i te pou, kae kaia ne fai atu ei a Ieova ki a Mose ke tuku atu te mea tenā i konā?

2. Ne fakaasi atu pefea ne tino a te lotou loto sē fakafetai ki mea katoa ne fai ne te Atua mō latou?

3. Ne a mea ne fakamolemole atu a tino ki a Mose ke fai i te ugaatuga ne Ieova a gata poisini ke fakasala ei latou?

4. Kaia ne fai atu ei a Ieova ki a Mose ke faite se gata kopa?

5. Se a te akoakoga e maua ne tatou mai te tala tenei?

Fesili fakaopoopo:

1. Faitau te Numela 21:4-9.

   1. (a) Se a te akoakoga mā tatou ke fakaeteete i ei e uiga ki fāmeo a te kau Isalaelu ki fakatokaga a Ieova mā latou? (Nu. 21:5, 6; Loma 2:4)

   2. (e) I senitenali fakamuli ifo, ne fakaaogā pefea ne te kau Isalaelu a te gata kopa, kae se a te mea ne fai ne te tupu ko Hesekia ki ei? (Nu. 21:9; 2 Tupu 18:1-4)

2. Faitau te Ioane 3:14, 15.

   E fakaata mai pefea i te gata kopa i luga i te pou a te fakasatauloga o Iesu Keliso? (Kala. 3:13; 1 Pe. 2:24)

Te Tala Napa 42

Ne Faipati se Asini

1. Ko oi a Palako, kae kaia ne manako ei a ia ki a Palaamo?

2. Kaia ne moe ei ki lalo te asini a Palaamo i te auala?

3. Ne a pati ne lagona ne Palaamo mai te asini?

4. Ne a pati a te agelu ki a Palaamo?

5. Se a te mea ne tupu i te taimi ne taumafai ei a Palaamo o fetū te kau Isalaelu?

Fesili fakaopoopo:

1. Faitau te Numela 21:21-35.

   Kaia ne fakatakavale ei ne te kau Isalaelu a te Tupu ko Sekono mai Amoli mo te Tupu ko Oko mai Pasana? (Nu. 21:21, 23, 33, 34)

2. Faitau te Numela 22:1-40.

   Se a te mea ne manako a Palaamo ki ei i ana taumafaiga o fetū te kau Isalaelu, kae ne a akoakoga e maua ne tatou mai i ei? (Nu. 22:16, 17; Faata. 6:16, 18; 2 Pe. 2:15; Iuta 11)

3. Faitau te Numela 23:1-30.

   E ui eiloa ne faipati a Palaamo e pelā me se tino e tapuaki ki a Ieova, ne a mea e fakaasi mai i ana faifaiga me seki fai eiloa a ia penā? (Nu. 23:3, 11-14; 1 Samu. 15:22)

4. Faitau te Numela 24:1-25.

   E fakamalosi mai pefea ne te tala tenei i te Tusi Tapu a te tou fakatuanaki ki te fakataunuga o fuafuaga a Ieova? (Nu. 24:10; Isa. 54:17)

Te Tala Napa 43

Ko Fai a Iosua mo Takitaki

1. I te ata tenei, ko oi a tāgata e tokolua kolā e ‵tu mo Mose?

2. Ne a pati a Ieova ki a Iosua?

3. Kaia ne kake ei a Mose ki te taulu o te Mauga o Nepo, kae ne a pati a Ieova ne fai ki a ia?

4. Ko fia a tausaga o Mose kae mate?

5. Kaia ne fanoa‵noa ei a tino, kae se a te pogai ne fia‵fia ei latou?

Fesili fakaopoopo:

1. Faitau te Numela 27:12-23.

   Se a te tauliaga ‵mafa ne maua ne Iosua mai i a Ieova, kae e fakaasi mai pefea ne Ieova a tena tausiga ki ana tino i aso nei? (Nu. 27:15-19; Galu. 20:28; Epe. 1:7)

2. Faitau te Teutelonome 3:23-29.

   Kaia ne seki talia ei ne Ieova a Mose mo Alona ke ulu atu ki te fenua o te folafolaga, kae se a te akoakoga e tauloto ne tatou mai te mea tenei? (Teu. 3:25-27; Nu. 20:12, 18)

3. Faitau te Teutelonome 31:1-8, 14-23.

   E fakaasi mai pefea ne pati fakamavae a Mose ki te kau Isalaelu me ne talia ne ia mo te loto maulalo a tena fakasalaga mai i a Ieova? (Teu. 31:6-8, 23)

4. Faitau te Teutelonome 32:45-52.

   E pokotia pefea a ‵tou olaga i te Muna a te Atua? (Teu. 32:47; Levi. 18:5; Epe. 4:12)

5. Faitau te Teutelonome 34:1-12.

   E ui eiloa e seki lavea ne Mose ki ona mata a Ieova, se a te mea e fakaasi mai i te Teutelonome 34:10 e uiga ki tena fesokotakiga mo Ieova? (Eso. 33:11, 20; Nu. 12:8)

Te Tala Napa 44

Ko Faka‵muni ne Lahapa a Sipai

1. Ne nofo i fea a Lahapa?

2. Ko oi a tāgata e tokolua i te ata tenei, kae kaia e ‵nofo atu ei laua i Ieliko?

3. Se a te mea ne fakatonu atu ne te tupu o Ieliko ke fai ne Lahapa, kae se a tena tali ki ei?

4. Ne fesoasoani atu pefea a Lahapa ki tāgata e tokolua konā, kae se a tena fakamolemole ne fai atu ki a laua?

5. Se a te tautoga ne fai atu ne sipai e tokolua ki a Lahapa?

Fesili fakaopoopo:

1. Faitau te Iosua 2:1-24.

   Ne fakataunu pefea te folafolaga a Ieova i te Esoto 23:28 i te taimi ne taua atu ei a Isalaelu ki Ieliko? (Iosua 2:9-11)

2. Faitau te Epelu 11:31.

   Ne fakaasi mai pefea ne te fakaakoakoga a Lahapa a te tāua o te fakatuanaki? (Loma 1:17; Epe. 10:39; Iako. 2:25)

Te Tala Napa 45

Te Oloatuga ki te Suā Feitu o te Vaitafe ko te Iolitana

1. Se a te vavega ne fai ne Ieova ke mafai ei o olo atu a tino Isalaelu ki te suā feitu o te vaitafe ko te Iolitana?

2. Ne a faifaiga o te fakatuanaki ne ‵tau o fai ne te kau Isalaelu ke mafai ei o olo atu ki te suā feitu o te vaitafe ko te Iolitana?

3. Kaia ne fai atu ei a Ieova ki a Iosua ke puke ne fatu ‵lasi e 12 mai te kogaloto o te vaitafe?

4. Se a te mea ne tupu mai tua o te oloatuga o faitaulaga ki tua mo te Iolitana?

Fesili fakaopoopo:

1. Faitau te Iosua 3:1-17.

   1. (a) E pelā mo te mea e fakaasi mai i te tala tenei, se a te mea e au o fai ne tatou ko te mea ke maua a te fesoasoani mo fakamanuiaga a Ieova? (Iosua 3:13, 15; Faata. 3:5; Iako. 2:22, 26)

   2. (e) Se a te tulaga o te vaitafe ko te Iolitana i te okoatuga o te kau Isalaelu ki te Fenua o te Folafolaga, kae ne fakamalu atu i ei pefea a te mea tenei ki te igoa o Ieova? (Iosua 3:15; 4:18; Sala. 66:5-7)

2. Faitau te Iosua 4:1-18.

   Se a te pogai ne avatu i ei a fatu e 12 mai te Iolitana o tuku i Kilikala? (Iosua 4:4-7)

Te Tala Napa 46

‵Pui o Ieliko

1. Ne a mea ne fai atu ne Ieova ki tāgata tau mo faitaulaga ke fai ne latou i aso e ono?

2. Ne a mea ne ‵tau o fai ne tāgata i te fitu o aso?

3. E pelā mo te mea e lavea ne koe i te ata tenei, se a te mea ko tupu ki ‵pui o Ieliko?

4. Kaia e tautau mai i ei se laugatu ‵kula i te famalama?

5. Ne a mea ne fai atu ne Iosua ki ana tāgata tau ke fai ki tino mo te fa‵kai, kae ne fai pefea a siliva, aulo, kopa mo fiti?

6. Ne a mea ne fai atu ki sipai e tokolua ke fai ne laua?

Fesili fakaopoopo:

1. Faitau te Iosua 6:1-25.

   1. (a) E ‵pau pefea a te mātiatuga fakatamilomilo ne te kau Isalaelu a Ieliko i te fitu o aso mo te galuega talai a Molimau a Ieova i aso fakaoti konei? (Iosua 6:15, 16; Isa. 60:22; Mata. 24:14; 1 Koli. 9:16)

   2. (e) Ne fakataunu pefea a te valoaga i te Iosua 6:26 i se 500 tausaga mai tua ifo i ei, kae se a te mea e akoako mai i ei ki a tatou e uiga ki pati a Ieova? (1 Tupu 16:34; Isa. 55:11)

Te Tala Napa 47

Se Tino Kaisoa i Isalaelu

1. I te ata tenei, ko oi te tagata telā e tanu ne ia a koloa ne maua mai i Ieliko, kae ko oi a tino kolā e fesoasoani atu ki a ia?

2. Kaia ne masei ‵ki ei a faifaiga ne fai ne Akana mo tena kāiga?

3. Ne a pati a Ieova ne fai i te taimi ne fesili atu ei a Iosua me kaia ne takavale ei te kau Isalaelu i te fa‵kai ko Ai?

4. I te aumaiga a Akana mo tena kāiga Ki a Iosua, se a te mea ne tupu ki a latou?

5. Se a te akoakoga tāua e maua ne tatou mai te fakamasinoga o Akana?

Fesili fakaopoopo:

1. Faitau te Iosua 7:1-26.

   1. (a) Se a te mea e fakaasi mai i ‵talo a Iosua e uiga ki tena va mo tena Mafuaga? (Iosua 7:7-9; Sala. 119:145; 1 Ioane 5:14)

   2. (e) Se a te mea e fakaasi mai ne te fakaakoakoga masei a Akana, kae e fai pefea a te mea tenei e pelā me se mea ke fakaeteete tatou i ei? (Iosua 7:11, 14, 15; Faata. 15:3; 1 Timo. 5:24; Epe. 4:13)

2. Faitau te Iosua 8:1-29.

   Ne a tiute totino e maua ne tatou i te fakapotopotoga Kelisiano i aso nei? (Iosua 7:13; Levi. 5:1; Faata. 28:13)

Te Tala Napa 48

Te Kau Kipeona ‵Poto

1. E ‵kese pefea a te kau Kipeona mo tino Kanana i fa‵kai pili mai?

2. E pelā mo te mea e lavea atu i te ata tenei, ne a mea e fai ne te kau Kipeona, kae kaia?

3. Se a te tautoga ne fai ne Iosua mo takitaki Isalaelu ki te kau Kipeona, kae se a te mea ne iloa ne latou i aso e tolu fakamuli ifo?

4. Se a te mea ne tupu1 te logoga o tupu i nisi fa‵kai me ko maua se va filemu o te kau Kipeona mo te kau Isalaelu?

Fesili fakaopoopo:

1. Faitau te Iosua 9:1-27.

   1. (a) Me ko oti ne fakatonu atu a Ieova ki te fenua ko Isalaelu “ke tamate a tino katoa” o te fenua, ne a uiga ‵lei ne faka‵mafa mai i te faka‵saoga o tino Kipeona? (Iosua 9:22, 24; Mata. 9:13; Galu. 10:34, 35; 2 Pe. 3:9)

   2. (e) Mai te tausi fakamaoni ki te feagaiga ne fai mo te kau Kipeona, ne tuku mai pefea ne Iosua se fakaakoakoga ‵lei ki Kelisiano i aso nei? (Iosua 9:18, 19; Mata. 5:37; Efe. 4:25)

2. Faitau te Iosua 10:1-5.

   E fakaakoako atu pefea a te vaitino tokouke i aso nei ki te kau Kipeona, kae se a te pogai ko lamalamagina ei latou? (Iosua 10:4; Saka. 8:23; Mata. 25:35-40; Faka. 12:17)

Te Tala Napa 49

Ko se Gasuesue te La

1. I te ata tenei, ne a pati e fai atu ne Iosua, kae kaia?

2. Ne fesoasoani atu pefea a Ieova ki a Iosua mo tena kautau?

3. E tokofia a tupu kolā ko fili o Iosua ne fakatakavale ne ia, kae e pefea te leva o te faiga tenā?

4. Kaia ne vaevae ei ne Iosua a te fenua ko Kanana?

5. Ko fia a tausaga o Iosua kae mate, kae ne a mea ne tupu ki tino mai tua ifo i ei?

Fesili fakaopoopo:

1. Faitau te Iosua 10:6-15.

   Ona ko te iloa ne tatou me ne taofi ne Ieova a te la mo te masina mo te kau Isalaelu, se a te mea e ‵tau o tali‵tonu tatou ki ei i aso nei? (Iosua 10:8, 10, 12, 13; Sala. 18:3; Faata. 18:10)

2. Faitau te Iosua 12:7-24.

   Ko oi ne panaki tonu mo te fakatakavalega o tupu e toko 31 i Kanana, kae kaia e tāua ei ki a tatou i aso nei? (Iosua 12:7; 24:11-13; Teu. 31:8; Luka 21:9, 25-28)

3. Faitau te Iosua 14:1-5.

   Ne vaevae aka pefea te fenua ki matakāiga o Isalaelu, kae se a te mea e fakaasi mai i ei e uiga ki te vaevaega o laukele i te Palataiso? (Iosua 14:2; Isa. 65:21;Eseki. 47:21-23; 1 Koli. 14:33)

4. Faitau te Famasino 2:8-13.

   E pelā mo Iosua i Isalaelu, ko oi la i aso nei e fai pelā me se puipuiga mai tapuakiga aposetate? (Fama. 2:8, 10, 11; Mata. 24:45-47; 2 Tesa. 2:3-6; Tito 1:7-9; Faka. 1:1; 2:1, 2)

Te Tala Napa 50

Fāfine Loto ‵Toa e Tokolua

1. Ko oi a famasino, kae ko oi a igoa o nisi o latou?

2. Ne a tauliaga fakapito ne maua ne Tepola, kae ne a mea e aofia i ei?

3. I te taimi ne fakamatakutaku atu ei a te tupu ko Iapino mo tena takitaki kautau ko Sesela ki te kau Isalaelu, se a te fekau mai i a Ieova ne tuku atu ne Tepola ki te Famasino ko Palako, kae ko oi te tino ne fai mai ne ia me ka tuku atu ki ei te manumalo?

4. Ne fakaasi mai pefea ne Iaeli i a ia se fafine loto toa?

5. Se a te mea ne tupu i te matega a te Tupu ko Iapino?

Fesili fakaopoopo:

1. Faitau te Famasino 2:14-22.

   Ne fai pefea ne te kau Isalaelu ke kaitaua a Ieova ki a latou, kae se a te akoakoga e maua ne tatou mai te mea tenei? (Fama. 2:20; Faata. 3:1, 2; Eseki. 18:21-23)

2. Faitau te Famasino 4:1-24.

   Ne a akoakoga e uiga ki te fakatuanaki mo te loto malosi e mafai o maua ne fāfine Kelisiano i aso nei mai fakaakoakoga a Tepola mo Iaeli? (Fama. 4:4, 8, 9, 14, 21, 22; Faata. 31:30; 1 Koli. 16:13)

3. Faitau te Famasino 5:1-31.

   E mafai pefea o fakaaogā a te pese o te manumalo a Palako mo Tepola e pelā me se ‵talo e uiga ki te taua telā ka oko mai i Amaketo? (Fama. 5:3, 31; 1 Nofo. 16:8-10; Faka. 7:9, 10; 16:16; 19:19-21)

Te Tala Napa 51

Luta mo Naomi

1. Ne nofo atu pefea a Naomi i te fenua ko Moapi?

2. Ko oi a Luta mo Olepa?

3. Ne ‵saga atu pefea a Luta mo Olepa ki pati a Naomi ke toe foki atu ki lā kāiga?

4. Ko oi a Poasa, kae ne fesoasoani atu pefea a ia ki a Luta mo Naomi?

5. Ko oi te igoa o te tamaliki a Poasa mo Luta, kae kaia e ‵tau ei o masaua ne tatou a ia?

Fesili fakaopoopo:

1. Faitau te Luta 1:1-17.

   1. (a) Se a te fakaasiga sili o te alofa fakamaoni ne fakaasi mai ne Luta? (Luta 1:16, 17)

   2. (e) E fakaasi mai pefea i uiga ‵gali o Luta a uiga fakaasi o ‘nisi mamoe’ ki te kau fakaekegina i te lalolagi i aso nei? (Ioane 10:16; Saka. 8:23)

2. Faitau te Luta 2:1-23.

   Se a te fakaakoakoga gali ne tuku mai ne Luta ki talavou fāfine i aso nei? (Luta 2:17, 18; Faata. 23:22; 31:15)

3. Faitau te Luta 3:5-13.

   1. (a) Se a te kilokiloga a Poasa ki te loto fiafia o Luta ke avaga laua i lō se tagata tai foliki ifo?

   2. (e) Se a te mea e akoako mai i faifaiga a Luta e uiga ki te alofa fakamaoni? (Luta 3:10; 1 Koli. 13:4, 5)

4. Faitau te Luta 4:7-17.

   E mafai pefea o fakaakoako atu a tāgata Kelisiano i aso nei ki a Poasa? (Luta 4:9, 10; 1 Timo. 3:1, 12, 13; 5:8)

Te Tala Napa 52

Kitiona mo Ana Tāgata e Toko 300

1. Kaia kae ne pefea foki o fe‵paki a te kau Isalaelu mo fakalavelave e uke?

2. Kaia ne fai atu ei a Ieova ki a Kitiona me ko tō tokouke a tāgata i tena kautau?

3. E tokofia a tāgata ne ‵toe mai i te ugaatuga ne Kitiona a tāgata kolā ne ma‵taku ke foki?

4. Mai te ata tenei, ke fakamatala mai te auala ne fakamu‵tana ei ne Ieova te aofaki o te kautau a Kitiona ki te toko 300 tāgata.

5. Ne fakatoka pefea ne Kitiona ana tāgata e toko 300, kae ne manumalo pefea a Isalaelu i te taua?

Fesili fakaopoopo:

1. Faitau te Famasino 6:36-40.

   1. (a) Ne ‵sala atu pefea a Kitiona ke iloa ‵lei ne ia te loto o Ieova?

   2. (e) E iloa pefea ne tatou i aso nei a te loto o Ieova? (Faata. 2:3-6; Mata. 7:7-11; 2 Timo. 3:16, 17)

2. Faitau te Famasino 7:1-25.

   1. (a) Se a te akoakoga e maua ne tatou mai te ‵kese o tāgata matapula‵pula e toko 300 mai i a latou kolā ne mata ‵seva? (Fama. 7:3, 6; Loma 13:11, 12; Efe. 5:15-17)

   2. (e) E pelā mo tāgata e toko 300 kolā ne tauloto mai te kilokilo atu ki a Kitiona, ne a mea aogā e maua ne tatou mai te kilo‵kilo atu ki te Kitiona Sili, ko Iesu Keliso? (Fama. 7:17; Mata. 11:29, 30; 28:19, 20; 1Pe. 2:21)

   3. (i) E fesoasoani mai pefea te Famasino 7:21 ke lotoma‵lie tatou ki so se koga ko oti ne ‵tofi aka ke ga‵lue tatou i ei i te fakapotopotoga a Ieova? (1 Koli. 4:2; 12:14-18; Iako. 4:10)

3. Faitau te Famasino 8:1-3.

   Kafai e ‵tau o faka‵lei aka se mea i tou va mo sou taina io me se tuagane, ne a mea e mafai o tauloto ne tatou mai te auala ne faka‵lei aka ei ne Kitiona se kinauga mo te kau Efalaima? (Faata. 15:1; Mata. 5:23, 24; Luka 9:48)

Te Tala Napa 53

Te Tautoga a Iefata

1. Ko oi a Iefata, kae ne ola a ia i te vaitaimi fea?

2. Se a te tautoga ne fai atu ne Iefata ki a Ieova?

3. Kaia ne fanoanoa ei a Iefata i tena fokimaiga i te taua telā ne manumalo ei a ia i te kau Amoni?

4. Ne a pati ne fai atu ne te tamaliki fafine a Iefata i te taimi ne iloa ei ne ia te tautoga a tena tamana ne fai?

5. Kaia ne a‵lofa ei a tino ki te tamaliki fafine a Iefata?

Fesili fakaopoopo:

1. Faitau te Famasino 10:6-18.

   Se a te mea e ‵tau o fakaeteete tatou i ei mai i tala o te sē fakamaoni o tino Isalaelu ki a Ieova? (Fama. 10:6, 15, 16; Loma 15:4; Faka. 2:10)

2. Faitau te Famasino 11:1-11, 29-40.

   1. (a) E iloa pefea ne tatou me i te tukuatuga ne Iefata tena tama fafine e pelā me se ‘taulaga ‵sunu’ e se fakauiga i ei me ne ‵sunu a ia i te fatafaitaulaga e pelā me se taulaga tino? (Fama. 11:31; Levi. 16:24; Teu. 18:10, 12)

   2. (e) I te auala fea ne ofo atu ei ne Iefata tena tamaliki fafine pelā me se taulaga?

   3. (i) Ne a mea e tauloto ne tatou mai te kilokiloga a Iefata e uiga ki tena tautoga ne fai ki a Ieova? (Fama. 11:35, 39; Fai. 5:4, 5; Mata. 16:24)

   4. (o) E fai pefea a te tama fafine a Iefata e pelā me se fakaakoakoga ‵lei ki talavou Kelisiano i te kausaki atu ke ga‵lue tumau i te taviniga? (Fama. 11:36; Mata. 6:33; Fili. 3:8)

Te Tala Napa 54

Te ‵Toe Tagata Mafi

1. Ko oi te igoa o te ‵toe tagata mafi ne ola, kae ne maua ne ia i fea tena malosi?

2. Ne a mea ne fai ne Samasoni ki se leona i te taimi e tasi, e pelā mo te mea e lavea atu i te ata tenei?

3. Se a te mea ‵funa ko fai atu ne Samasoni ki a Talila i te ata tenei, kae ne iku atu pefea te mea tenā ki tena puke fakapagota ne te kau Filisitia?

4. Ne tamate pefea ne Samasoni ana fili ko tino Filisitia e toko 3,000 i te aso telā ne mate ei a ia?

Fesili fakaopoopo:

1. Faitau te Famasino 13:1-14.

   Ne tuku mai pefea ne Manoa mo tena avaga se fakaakoakoga ‵lei mō mātua i te putiakaga o olotou tama‵liki? (Fama. 13:8; Sala. 127:3; Efe. 6:4)

2. Faitau te Famasino 14:5-9 mo te 15:9-16.

   1. (a) Se a te mea e fakaasi mai i te tala o Samasoni e uiga ki te tamatega o te leona, te ‵motuga o lopu ‵fou kolā ne saisai ki ei a ia, te fakaaogāga o te kauvae o se asini ke tamate ei a tāgata e toko 1,000 e uiga ki te malosi o te agaga tapu o Ieova?

   2. (e) E fesoasoani mai pefea te agaga tapu ki a tatou i aso nei? (Fama. 14:6; 15:14; Saka. 4:11; Galu. 4:31)

3. Faitau te Famasino 16:18-31.

   Ne pokotia pefea a Samasoni ona ko ana taugasoa ma‵sei kae se a te mea e tauloto ne tatou mai te mea tenei? (Fama. 16:18, 19; 1 Koli. 15:33)

Te Tala Napa 55

Se Tamaliki Tagata Foliki e Tavini Atu ki te Atua

1. Ko oi te igoa o te tamaliki tagata i te ata tenei, kae ko oi a nisi tino i ei?

2. Se a te ‵talo ne fai ne Hana i se aso e tasi telā ne āsi atu ei a ia ki te faleie tapu o Ieova, kae ne tali atu pefea a Ieova ki a ia?

3. Ko fia tausaga o Samuelu i te taimi ne avatu i ei ke tavini atu 1 te faleie tapu o Ieova, kae se a te mea e fai ne tena mātua mā ia i tausaga katoa?

4. Ko oi a igoa o tama tā‵gata a Eli, kae ko laua ne vaegā tāgata pefea?

5. Ne kalaga atu pefea a Ieova ki a Samuelu, kae se a te fekau ne tuku atu ne ia ki ei?

6. Ne fai pefea a Samuelu i tena tupuakaga, kae se a te mea ne tupu i te taimi ko matua ei?

Fesili fakaopoopo:

1. Faitau te 1 Samuelu 1:1-28.

   1. (a) Se a te fakaakoakoga gali mō ulu o kāiga ne tuku mai ne Elekana i tena takitakiga e uiga ki te tapuakiga tonu? (1 Samu. 1:3, 21; Mata. 6:33; Fili. 1:10)

   2. (e) Se a te akoakoga e maua ne tatou mai i a Hana i te fakafesagai atu ki se fakalavelave faigata? (1 Samu. 1:10, 11; Sala. 55:22; Loma 12:12)

2. Faitau te 1 Samuelu 2:11-36.

   Ne fakamaluga pefea ne Eli ana tama‵liki i lō Ieova, kae e fai pefea te mea tenei e pelā me se mea ke fakaeteete i ei? (1 Samu. 2:22-24, 27, 29; Teu. 21:18-21; Mata. 10:36, 37)

3. Faitau te 1 Samuelu 4:16-18.

   Ne a fekau fakafanoanoa e fa ne maua mai i te taua, kae ne pokotia pefea a Eli i ei?

4. Faitau te 1 Samuelu 8:4-9.

   Ne fakalogo‵mae pefea ne Isalaelu a Ieova, kae e mafai pefea o lago atu tatou mo te fakamaoni ki tena Malo i aso nei? (1 Samu. 8:5, 7; Ioane 17:16; Iako. 4:4)

Te Tala Napa 56

Saulo—Te Tupu Muamua o Isalaelu

1. I te ata tenei, ne a mea e fai ne Samuelu, kae kaia?

2. Kaia e fiafia ei a Ieova ki a Saulo, kae ko ia se vaegā tagata pefea?

3. Ko oi te igoa o te tamaliki tagata a Saulo, kae ne a ana mea e fai?

4. Kaia ne ofo atu ei ne Saulo se taulaga i lō te faka‵tali ke fai ne Samuelu?

5. Se a te akoakoga e maua ne tatou mai te tala e uiga ki a Saulo?

Fesili fakaopoopo:

1. Faitau te 1 Samuelu 9:15-21 mo te 10:17-27.

   Ne fesoasoani atu pefea a te uiga agamalu o Saulo ke sē gasuesue fakavave a ia i te taimi ne fai‵pati ei mo te sē āva a nisi tāgata e uiga ki a ia? (1 Samu. 9:21; 10:21, 22, 27; Faata. 17:27)

2. Faitau te 1 Samuelu 13:5-14.

   Se a te agasala ne fai ne Saulo i Kilikala? (1 Samu. 10:8; 13:8, 9, 13)

3. Faitau te 1 Samuelu 15:1-35.

   1. (a) Se a te agasala matagā ne fai ne Saulo e uiga ki a Akako, te tupu o Amaleka? (1 Samu. 15:2, 3, 8, 9, 22)

   2. (e) Ne taumafai pefea a Saulo o fakasakosako atu ke sao a ia kae ke ‵losi atu te ‵se ki nisi tino? (1 Samu. 15:24)

   3. (i) Se a te mea e ‵tau o fakaeteete tatou i ei 1aso nei māfai ko polopolokigina tatou? (1 Samu. 15:19-21; Sala. 141:5; Faata. 9:8, 9:11:2)

Te Tala Napa 57

Ko Filifili ne te Atua a Tavita

1. Ko oi te igoa o te tamaliki tagata i te ata tenei, kae e iloa pefea ne tatou me i a ia e loto toa?

2. E nofo i fea a Tavita, kae ko oi a igoa o tena tamana mo tena tupuna tagata?

3. Kaia ne fai atu ei a Ieova ki a Samuelu ke fanatu ki te fale o Iese i Peteleema?

4. Se a te mea ne tupu i te taimi ne aumai ei ne Iese ana tama tāgata e tokofitu ki a Samuelu?

5. I te taimi ne avatu i ei a Tavita, ne a pati a Ieova ne fai ki a Samuelu?

Fesili fakaopoopo:

1. Faitau te 1 Samuelu 17:34, 35.

   E faka‵mafa mai pefea ne mea konei a te loto toa o Tavita mo tena fakalagolago ki a Ieova? (1 Samu. 17:37)

2. Faitau te 1 Samuelu 16:1-14.

   1. (a) E fesoasoani mai pefea a pati a Ieova i te 1 Samuelu 16:7 ke sē fakailoga tino tatou kae ke ‵kalo keatea mai te fakamasinoga o tino i olotou foliga i tua? (Galu. 10:34, 35; 1 Timo. 2:4)

   2. (e) E fakaasi mai pefea ne te fakaakoakoga a Saulo me kafai ko ave keatea ne Ieova tena agaga tapu mai se tino, e mafai o sui a ia ne se agaga masei, io me se manakoga i loto i a ia ke fai a mea ma‵sei? (1 Samu. 16:14; Mata. 12:43-45; Kala. 5:16)

Te Tala Napa 58

Tavita mo Koliata

1. Ne a pati fakatauemu ne fai atu ne Koliata ki te kautau Isalaelu?

2. E pefea te lasi o Koliata, kae se a te taui ne tauto a Saulo me ka tuku atu ne ia ki te tino telā e tamate ne ia a Koliata?

3. Ne a pati ne fai atu ne Tavita i te taimi ne fai atu ei a Saulo me e se mafai ne ia o taua atu i a ia se tamaliki fua?

4. I tena tali ki a Koliata, ne fakaasi atu pefea ne Tavita tena loto talitonu ki a Ieova?

5. E pelā mo te mea e lavea atu i te ata tenei, se a te mea ne fakaaogā ne Tavita ke tamate ki ei a Koliata, kae ne a mea ne tupu ki te kau Filisitia mai tua i ei?

Fesili fakaopoopo:

1. Faitau te 1 Samuelu 17:1-54.

   1. (a) Se a te mea ‵funa e uiga ki te sē mataku o Tavita, kae e mafai pefea o fakaakoako tatou ki tena loto toa? (1 Samu. 17:37, 45; Efe. 6:10, 11)

   2. (e) Kaia e ‵tau ei mo Kelisiano o ‵kalo keatea mai te uiga fakataufai e pelā mo Koliata māfai e aofia latou i se tafaoga io me ko nisi mea fakafia‵fia? (1 Samu. 17:8; Kala. 5:26; 1 Timo. 4:8)

   3. (i) E fakaasi mai pefea i pati a Tavita a tena loto talitonu ki te ‵lago atu o te Atua? (1 Samu. 17:45-47; 2 Nofo. 20:15)

   4. (o) I lō te fakamatala mai fua o se taua i te va o kautau e lua, e fakaasi mai pefea i te tala tenei me i te taua tenei se taua eiloa i te va o atua ‵se mo te Atua tonu ko Ieova? (1 Samu. 17:43, 46, 47)

   5. (u) E fakaakoako atu pefea a te toega o te kau fakaekegina ki te loto talitonu o Tavita ki a Ieova? (1 Samu. 17:37; Iele. 1:17-19; Faka. 12:17)

Te Tala Napa 59

Te Pogai e ‵Tau ei mo Tavita o Tele Keatea

1. Kaia ne kaisano ei a Saulo i a Tavita, kae ne ‵kese pefea te tamaliki tagata a Saulo ko Ionatana?

2. Se a te mea ne tupu i te aso e tasi ne tātā kitala i ei a Tavita mo Saulo?

3. Ne a pati a Saulo ne fai e uiga ki mea e ‵tau o fai ne Tavita a koi tuai o puke ne ia tena tamaliki fafine ko Mekala mo fai tena avaga, kae kaia ne fai atu ei ne Saulo a pati konei?

4. I te taimi ne toe tātā ei ne Tavita te kitala mā Saulo, se a te mea ne tupu i te tolu o taimi, e pelā mo te mea e lavea atu i te ata tenei?

5. Ne fesoasoani atu pefea a Mekala o fakasao a Tavita, kae ne a mea ne ‵tau o fai ne Tavita i tausaga e fitu?

Fesili fakaopoopo:

1. Faitau te 1 Samuelu 18:1-30.

   1. (a) E fakaata mai pefea ne te alofa tumau o Ionatana ki a Tavita a te fakatau a‵lofa i te va o ‘nisi mamoe’ mo te “lafu foliki”? (1 Samu. 18:1; Ioane 10:16; Luka 12:32; Saka. 8:23)

   2. (e) E pelā mo te masani me ne ‵tau o sui ne Ionatana a Saulo mo fai te tupu, e fakaasi mai pefea i te 1 Samuelu 18:4 a te tu ‵kese o te fakalogo o Ionatana ki te tino telā ko oti ne filifiligina mo fai te tupu?

   3. (i) E fakaasi mai pefea i te fakaakoakoga a Saulo me e mafai o iku atu te loto masei ki te faiga o se agasala matagā, kae se a te mea e tau o fakaeteete tatou i ei? (1 Samu. 18:7-9, 25; Iako. 3:14-16)

2. Faitau te 1 Samuelu 19:1-17.

   Ne fai pefea ne Ionatana ke tu tena ola i se tulaga fakamataku i te taimi ne fai atu ei ne ia a pati i te 1 Samuelu 19:4, 5? (1 Samu. 19:1, 6)

Te Tala Napa 60

Apikaila mo Tavita

1. Ko oi te igoa o te fafine tenā e fanatu o fakafetaui atu ki a Tavita i te ata tenei, kae se vaegā tino pefea a ia?

2. Ko oi a Napalu?

3. Kaia ne uga atu ei ne Tavita ana nisi tagata ki a Napalu?

4. Ne a pati a Napalu ne fai ki tāgata a Tavita, kae ne saga atu pefea a Tavita ki ei?

5. Ne fakaasi mai pefea ne Apikaila tena poto?

Fesili fakaopoopo:

1. Faitau te 1 Samuelu 22:1-4.

   Ne tuku mai pefea ne te kaukāiga o Tavita se fakaakoakoga ‵lei o te fakatau fesoasoani i loto i te kautaina Kelisiano? (Faata. 17:17; 1 Tesa. 5:14)

2. Faitau te 1 Samuelu 25:1-43.

   1. (a) Kaia e fakamatala mai i ei i a Napalu se tagata masei? (1 Samu. 25:2-5, 10, 14, 21, 25)

   2. (e) Ne a mea e tauloto ne fāfine a‵vaga Kelisiano i aso nei mai i a Apikaila? (1 Samu. 25:32, 33; Faata. 31:26; Efe. 5:24)

   3. (i) Ne a mea ma‵sei e lua ne seki fai ne Tavita ona ko faiga a Apikaila? (1 Samu. 25:31, 33; Loma 12:19; Efe. 4:26)

   4. (o) E fesoasoani mai pefea a faifaiga a Tavita ki pati ne fai atu ne Apikaila ke maua ne tāgata i aso nei te kilokiloga a Ieova e uiga ki fāfine? (Galu. 21:8, 9; Loma 2:11; 1 Pe. 3:7)

Te Tala Napa 61

Ko Fai Tavita mo Fai te Tupu

1. Ne a mea ne fai ne Tavita mo Apisai i te taimi ne moe ei a Saulo?

2. Ne a fesili ne ‵sili atu ne Tavita ki a Saulo?

3. I te tiakinaga ne ia a Saulo, ne fanatu a Tavita ki fea?

4. Kaia ne fanoanoa malosi ei a Tavita, ‵fatu ei ne ia se pese gali ‵ki?

5. Ko fia tausaga o Tavita i te taimi ne fai ei mo Tupu i Hepelona, kae ko oi a igoa o ana nisi tama tā‵gata?

6. Ne pule atu fakamuli a Tavita e pelā me se tupu i fea?

Fesili fakaopoopo:

1. Faitau te 1 Samuelu 26:1-25.

   1. (a) Se a te mea e fakaasi mai i pati a Tavita i te 1 Samuelu 26:11 e uiga ki te ‵tou kilokiloga ki fakatokaga a te Atua? (Sala. 37:7; Loma 13:2)

   2. (e) Kafai e taumafai malosi tatou o fakaasi atu te alofa atafai kae e se fiafia mai se tino, e fesoasoani mai pefea a pati a Tavita i te 1 Samuelu 26:23 ke maua ne tatou se kilokiloga ‵lei? (1 Tupu 8:32; Sala. 18:20)

2. Faitau te 2 Samuelu 1:26.

   E mafai pefea ne Kelisiano i aso nei o ati aka te uiga ko te “fakatau a‵lofa” e pelā mo Tavita mo Ionatana? (1 Pe. 4:8; Kolose 3:14; 1 Ioane 4:12)

3. Faitau te 2 Samuelu 5:1-10.

   1. (a) E fia tausaga ne pule ei a Tavita e pelā me se tupu, kae ne vaevae aka pefea te vaitaimi tenā? (2 Samu. 5:4, 5)

   2. (e) Ne maua mai i fea te tulaga takutakua o Tavita, kae se a te mea e fakamasaua mai i ei ki a tatou i aso nei? (2 Samu. 5:10; 1 Samu. 16:13; 1 Koli. 1:31; Fili. 4:13)

Te Tala Napa 62

Fakalavelave i te Fale o Tavita

1. Ona ko te fesoasoani o Ieova, se a te mea ne tupu fakamuli ki te fenua ko Kanana?

2. Se a te mea ne tupu i te afiafi e tasi ne tu atu ei a Tavita i te tuafale o tena fale?

3. Kaia ne kaitaua malosi ei a Ieova ki a Tavita?

4. I te ata tenei, ko oi ne uga atu ne Ieova ke fakaasi atu ki a Tavita ana agasala, kae ne a pati a te tagata tenā ne fai atu e uiga ki mea kolā ka ‵tupu ki a Tavita?

5. Ne a fakalavelave ne oko ki a Tavita?

6. Ko oi ne fai mo tupu mai tua o Tavita?

Fesili fakaopoopo:

1. Faitau te 2 Samuelu 11:1-27.

   1. (a) E puipui pefea tatou mai te fakalavelave faeloa 1 te faiga o te galuega a Ieova?

   2. (e) Ne tō atu pefea a Tavita ki te agasala, kae se a te mea e fakaasi mai ke fakaeteete i ei a tavini a Ieova i aso nei? (2 Samu. 11:2; Mata. 5:27-29; 1 Koli. 10:12; Iako. 1:14, 15)

2. Faitau te 2 Samuelu 12:1-18.

   1. (a) Ne a akoakoga e mafai o maua ne toeaina mo mā-tua mai i te auala ne polopoloki ei ne Natano a Tavita? (2 Samu. 12:1-4; Faata. 12:18; Mata. 13:34)

   2. (e) Kaia ne fakamagalo ei ne Ieova a Tavita? (2 Samu. 12:13; Sala. 32:5; 2 Koli. 7:9, 10)

Te Tala Napa 63

Te Tupu Poto ko Solomona

1. Se a te fesili a Ieova ki a Solomona, kae se a tena tali?

2. Ona ko tena fiafia ki te fakamolemole a Solomona, se a te mea ne tauto a Ieova me ka tuku atu ki a ia?

3. Se a te fakalavelave lasi ne fakaasi atu ne fāfine e tokolua ki a Solomona?

4. E pelā mo te ata tenei, ne faka’lei aka pefea ne Solomona te fakalavelave tenā?

5. Ne fai pefea te pulega a Solomona, kae kaia?

Fesili fakaopoopo:

1. Faitau te 1 Tupu 3:3-28.

   1. (a) Ne a mea e tauloto ne tāgata kolā e isi ne olotou tauliaga i te fakapotopotoga a te Atua i aso nei mai te fakaasiga ‵loto a Solomona i te 1 Tupu 3:7? (Sala. 119:105; Faata. 3:5, 6)

   2. (e) E fai pefea te fakamolemole a Solomona e pelā me se fakaakoakoga ‵lei e uiga ki mea kolā e ‵tau o ‵talo atu ki ei? (1 Tupu 3:9, 11; Faata. 30:8, 9; 1 Ioane 5:14)

   3. (i) Se a te loto talitonu e maua ne tatou mai te auala ne faka‵lei aka ei ne Solomona te fakalavelave o fafine e tokolua, e uiga ki te pulega a te Solomona Sili, ko Iesu Keliso? (1 Tupu 3:28; Isa. 9:6, 7; 11:2-4)

2. Faitau te 1 Tupu 4:29-34.

   1. (a) Ne tali atu pefea a Ieova ki te fakamolemole a Solomona mō se loto malamalama? (1 Tupu 4:29)

   2. (e) Mai taumafaiga a tino ke iloa ne latou te poto o Solomona, e ‵tau o pefea te ‵tou kilokiloga e uiga ki sukesukega ki te Muna a te Atua? (1 Tupu 4:29, 34; Ioane 17:3; 2 Timo. 3:16)

Te Tala Napa 64

Ne Faite ne Solomona a te Faletapu

1. E pefea te leva ne faite ei ne Solomona te faletapu o Ieova, kae kaia ne ‵togi ‵mafa ‵ki ei?

2. E fia a potu ‵lasi i loto i te faletapu, kae ne a mea ne tuku i loto i ei?

3. Ne a pati ne fai ne Solomona i tena ‵talo i te otiga o te faletapu?

4. Ne fakaasi atu pefea ne Ieova a tena fiafia ki te ‵talo a Solomona?

5. Ne a mea ne fai ne avaga a Solomona ke fai ne ia, kae se a te mea ne tupu ki a Solomona?

6. Kaia ne kaitaua ei a Ieova ki a Solomona, kae ne a pati a Ieova ne fai ki a ia?

Fesili fakaopoopo:

1. Faitau te 1 Nofoaiga Tupu 28:9, 10.

   E ‵tusa mo pati a Tavita i te 1 Nofoaiga Tupu 28:9, 10, ne a mea e ‵tau o taumafai malosi tatou o fai i ‵tou olaga i aso takitasi? (Sala. 19:14; Fili. 4:8, 9)

2. Faitau te 2 Nofoaiga Tupu 6:12-21, 32-42.

   1. (a) Ne fakaasi mai pefea ne Solomona me e seai se fale e faite ne tāgata e mafai o ofi i ei a te Atua Sili? (2 Nofo. 6:18; Galu. 17:24, 25)

   2. (e) Se a te mea e fakaasi mai i pati a Solomona i te 2 Nofoaiga Tupu 6:32, 33 e uiga ki a Ieova? (Galu. 10:34, 35; Kala. 2:6)

3. Faitau te 2 Nofoaiga Tupu 7:1-5.

   E pelā eiloa mo tama a Isalaelu kolā ne fakamalosigina ke ‵viki atu ki a Ieova i te laveaga ne latou tena tulaga ‵malu, e pokotia pefea tatou i aso nei i te mafau‵fau e uiga ki fakamanuiaga a Ieova ki ana tino? (2 Nofo. 7:3; Sala. 22:22; 34:1; 96:2)

4. Faitau te 1 Tupu 11:9-13.

   E fakaasi mai pefea i te olaga o Solomona a te tāua ke tumau i te fakamaoni ke oko eiloa ki te gataga? (1 Tupu 11:4, 9; Mata. 10:22; Faka. 2:10)

Te Tala Napa 65

Ko ‵Vaegina te Malo

1. Ko oi a igoa o tagata e tokolua i te ata tenei, kae ko oi a laua?

2. Ne a mea a Aita e fai ki te gatu e pei a ia i ei, kae se a te uiga o te faifaiga tenā?

3. Ne a mea a Solomona e taumafai o fai ki a Ielopoamo?

4. Kaia ne fakasopo ei ne tino a Ielopoamo ke fai mo tupu i luga i matakāiga e sefulu?

5. Kaia ne faite ei ne Ielopoamo a pulumakau aulo e lua, kae ne a mea ne ‵tupu ki te fenua mai tua malie ifo i ei?

6. Ne a mea ne ‵tupu ki matakāiga e lua mo te faletapu o Ieova i Ielusalema?

Fesili fakaopoopo:

1. Faitau te 1 Tupu 11:26-43.

   A Ielopoamo se vaegā tino pefea, kae se a te tautoga a Ieova ne fai ki a ia māfai e tausi ne ia a tulafono a te Atua? (1 Tupu 11:28, 38)

2. Faitau te 1 Tupu 12:1-33.

   1. (a) Mai te fakaakoakoga sē ‵lei a Leopoamo, ne a mea e mafai ne mātua mo toeaina o tauloto mai i ei e uiga ki te fakaaogā ‵se o te pulega? (1 Tupu 12:13; Fai. 7:7;1 Pe. 5:2, 3)

   2. (e) Ko oi e ‵tau o ‵saga atu ki ei a talavou i aso nei mā se fakatakitakiga magoi māfai ko ‵tau o fai ne fakaikuga ‵lasi i olotou olaga? (1 Tupu 12:6, 7; Faata. 1:8, 9; 2 Timo. 3:16, 17; Epe. 13:7)

   3. (i) Se a te mea ne fakamalosi atu ki a Ielopoamo ke faka‵tu ne ia ne koga tapuaki e lua ki pulumakau aulo, kae ne fakaasi mai pefea i ei te lasi o te sē lava o te fakatuanaki ki a Ieova? (1 Tupu 11:37; 12:26-28)

   4. (o) Ko oi ne takitaki ne ia a tino i matakāiga e sefulu ke ‵teke atu ki te tapuakiga tonu? (1 Tupu 12:32, 33)

Te Tala Napa 66

Iesepela—Se Tupu Fafine Masei

1. Ko oi a Iesepela?

2. Kaia ne fanoanoa ei te tupu ko Aapo i te aso e tasi?

3. Ne a mea ne fai ne Iesepela ke maua ei ne tena avaga ko Aapo a te togāvine a Napota?

4. Ko oi ne uga atu ne Ieova ke fakasala ne ia a Iesepela?

5. E pelā mo te mea e lavea atu i te ata tenei, se a te mea ne tupu i te okoatuga a Ieu ki te palesi o Iesepela?

Fesili fakaopoopo:

1. Faitau te 1 Tupu 16:29-33 mo te 18:3, 4.

   E pefea te ma‵sei o fakanofonofoga i Isalaelu i te vaitaimi o te tupu ko Aapo? (1 Tupu 14:9)

2. Faitau te 1 Tupu 21:1-16.

   1. (a) Ne fakaasi atu pefea ne Napota tena loto toa mo te fakamaoni ki a Ieova? (1 Tupu 21:1-3; Levi. 25:23-28)

   2. (e) Mai te fakaakoakoga a Aapo, se a te mea e tauloto ne tatou e uiga ki te fakafesagai atu ki te loto fanoanoa? (1 Tupu 21:4; Loma 5:3-5)

3. Faitau te 2 Tupu 9:30-37.

   Se a te mea e tauloto ne tatou mai te loto finafinau o Ieu o fai te loto o Ieova? (2 Tupu 9:4-10; 2 Koli. 9:1, 2; 2 Timo. 4:2)

Te Tala Napa 67

Ne Talitonu a Iosefatu ki a Ieova

1. Ko oi a Iosefatu, kae ko te taimi fea ne ola ei a ia?

2. Kaia e ma‵taku ei te kau Isalaelu, kae ne a mea ne fai ne tino e tokouke i a latou?

3. Se a te tali ne tuku atu ne Ieova ki te ‵talo a Iosefatu?

4. Ne a mea ne fai ne Ieova ke ‵tupu mai mua o te taua?

5. Ne a mea aogā e mafai o maua ne tatou mai i a Iosefatu?

Fesili fakaopoopo:

1. Faitau te 2 Nofoaiga Tupu 20:1-30.

   1. (a) Ne fakaasi mai pefea ne Iosefatu a mea e ‵tau o fai ne tavini fakamaoni a te Atua māfai ko fepaki latou mo tofotofoga fakama‵taku? (2 Nofo. 20:12; Sala. 25:15; 62:1)

   2. (e) Me e tasi fua te auala e fakaaogā sāle ne Ieova ke fesokotaki atu ei ki ana tino, se a la te auala e fakaaogā ne ia i aso nei? (2 Nofo. 20:14, 15; Mata. 24:45-47; Ioane 15:15)

   3. (i) I te taimi e kamata ei “te taua i te aso lasi o te Atua e o ia te Malosi Katoatoa,” ka ‵pau pefea tatou mo te tulaga o Iosefatu? (2 Nofo. 20:15, 17; 32:8; Faka. 16:14, 16)

   4. (o) I te fakaakoako atu ki te kau Levi, ne a tusaga e fai ne paenia mo misionale ki te galuega talai i te lalolagi kātoa? (2 Nofo. 20:19; Loma 10:13-15; 2 Timo. 4:2)

Te Tala Napa 68

Te Tokolua Tamaliki Tāgata Kolā ne Toe Ola Mai

1. Ko oi a tino e tokotolu i te ata tenei, kae se a te mea ne tupu ki te tamaliki tagata foliki?

2. Se a te ‵talo a Elia e uiga ki te tamaliki tagata, kae se a te mea ne tupu mai tua ifo i ei?

3. Ko oi te igoa o te fesoasoani o Elia?

4. Kaia ne fanatu ei a Elisaia ki te fale o te fafine Sunema?

5. Ne a mea ne fai ne Elisaia, kae se a te mea ne tupu ki te tamaliki telā ko mate?

6. Se a te malosi o Ieova telā ne lavea atu e auala i a Elia mo Elisaia?

Fesili fakaopoopo:

1. Faitau te 1 Tupu 17:8-24.

   1. (a) Ne tofotofogina pefea te fakalogo mo te fakatuanaki o Elia? (1 Tupu 17:9; 19:1-4, 10)

   2. (e) Kaia ne tu ‵kese ei te fakatuanaki o te fafine Salefata? (1 Tupu 17:12-16; Luka 4:25, 26)

   3. (i) E fakaasi mai pefea ne te tala o te fafine Salefata ko mate tena avaga e uiga ki te ‵tonu o pati a Iesu i te Mataio 10:41, 42? (1 Tupu 17:10-12, 17, 23, 24)

2. Faitau te 2 Tupu 4:8-37.

   1. (a) Se a te mea e akoako mai ne te fafine Sunema e uiga ki te talimalo? (2 Tupu 4:8; Luka 6:38; Loma 12:13; 1 Ioane 3:17)

   2. (e) I auala fea e mafai ei o fakaasi atu ne tatou a faifaiga atafai ki tavini a te Atua i aso nei? (Galu. 20:35; 28:1, 2; Kala. 6:9, 10; Epe. 6:10)

Te Tala Napa 69

Ko Fesoasoani Atu se Tamaliki Fafine ki se Tagata Maluga

1. I te ata tenei, ne a pati a te tamaliki fafine e fai atu ki se isi fafine?

2. Ko oi te fafine i te ata tenei, kae ne a mea a te tamaliki fafine e fai i te fale o te fafine tenā?

3. Se a te fakatonuga a Elisaia ne fai atu ki tena tavini ke fai ki a Naamanu, kae kaia ne kaitaua ei a Naamanu?

4. Se a te mea ne tupu i te taimi ne fakalogo ei a Naamanu ki ana tavini?

5. Kaia ne seki talia ei ne Elisaia a te meaalofa a Naamanu, kae ne a mea ne fai ne Keasi?

6. Se a te mea ne tupu ki a Keasi, kae se a te mea e tauloto ne tatou mai ei?

Fesili fakaopoopo:

1. Faitau te 2 Tupu 5:1-27.

   1. (a) E fakamalosi mai pefea te fakaakoakoga a te tamaliki fafine Isalaelu ki talavou i aso nei? (2 Tupu 5:3; Sala. 8:2; 148:12, 13)

   2. (e) Kaia e ‵lei ei ke masaua faeloa ne tatou te fakaakoakoga a Naamanu māfai ko maua ne tatou a pati polopoloki mai te Tusi Tapu? (2 Tupu 5:15; Epe. 12:5, 6; Iako. 4:6)

   3. (i) Ne a akoakoga tāua e maua ne tatou mai i fakaakoakoga kese‵kese a Elisaia mo Keasi? (2 Tupu 5:9, 10, 14-16, 20; Mata. 10:8; Galu. 5:1-5; 2 Koli. 2:17)

Te Tala Napa 70

Iona mo te Ika Lasi

1. Ko oi a Iona, kae se a te mea ne fai atu a Ieova ke fai ne ia?

2. Ona ko tena sē manako o fano ki te koga ne fakatonu atu ne Ieova ke fano ki ei, ne a mea ne fai ne Iona?

3. Se a te mea ne fai atu ne Iona ke fai ne kauvaka ke fakagata ei te matagi malosi?

4. E pelā mo te ata tenei, se a te mea ne tupu ki a Iona i te taimi ne ‵goto ei ki lalo i te tai?

5. E pefea te leva ne nofo ei a Iona i loto i te ika lasi, kae ne a ana mea ne fai i ei?

6. Ne fanatu a Iona ki fea i te taimi ne luaki mai ei ne te ika lasi, kae se a te akoakoga e maua ne tatou mai ei?

Fesili fakaopoopo:

1. Faitau te Iona 1:1-17.

   Ne a lagonaga o Iona e uiga ki tena galuega ke talai atu ki tino Nineva? (Iona 1:2, 3; Faata. 3:7; Fai. 8:12)

2. Faitau te Iona 2:1, 2, 10.

   E fakaasi mai pefea i te tala o Iona a te ‵tou loto tali‵tonu me ka tali mai eiloa a Ieova ki ‵tou ‵talo? (Sala. 22:24; 34:6; 1 Ioane 5:14)

3. Faitau te Iona 3:1-10.

   1. (a) Se a te fakamalosiga e maua ne tatou mai te tumau o fakaaogā ne Ieova a Iona faitalia tena sē fakamaoni o fakataunu tena galuega i te taimi muamua? (Sala. 103:14; 1 Pe. 5:10)

   2. (e) Se a te akoakoga e maua ne tatou mai te tala o Iona mo te kau Nineva e uiga ki te fakamasino ne tatou a tino i ‵tou koga talai? (Iona 3:6-9; Fai. 11:6; Galu. 13:48)

Te Tala Napa 71

E Folafola Mai ne te Atua se Palataiso

1. Ko oi a Isaia, ne ola a ia i te taimi fea, kae se a te mea ne fakaasi atu ne Ieova ki a ia?

2. Se a te uiga o te pati “palataiso,” kae se a te mea e fakamasaua atu ei ki a koe?

3. Se a te mea ne fai atu ne Ieova ki a Isaia ke tusi e uiga ki te Palataiso fou?

4. Kaia ne galo ei i a Atamu mo Eva a te lā fatoaga gali?

5. Se a te folafolaga a Ieova mō tino kolā e a‵lofa ki a ia?

Fesili fakaopoopo:

1. Faitau te Isaia 11:6-9.

   1. (a) E fakaasi mai pefea i te Muna a te Atua a te filemu telā ka maua i te va o manu mo tino i te lalolagi fou? (Sala. 148:10, 13; Isa. 65:25; Eseki. 34:25)

   2. (e) Se a te fakataunuga faka-te-agaga o pati a Isaia e fai nei ne tino o Ieova i aso nei? (Loma 12:2; Efe. 4:23, 24)

   3. (i) Ko oi e ‵tau o avatu ki ei a tavaega ona ko ‵fuliga o uiga o tino i aso nei e pelā foki i loto i te lalolagi fou? (Isa. 48:17, 18; Kala. 5:22, 23; Fili. 4:7)

2. Faitau te Fakaasiga 21:3, 4.

   1. (a) E fakaasi mai pefea i te Tusi Tapu me e nofo fakatasi a te Atua mo tino i te lalolagi i se auala fakatusa, kae sē ko te nofo tonu mai? (Levi. 26:11, 12; 2 Nofo. 6:18; Isa. 66:1; Faka. 21:2, 3, 22-24)

   2. (e) Ne a vaegā loimata mo logomaega kolā ka fakaseai atu? (Luka 8:49-52; Loma 8:21, 22; Faka. 21:4)

Te Tala Napa 72

Ne Fesoasoani Atu te Atua ki te Tupu ko Hesekia

1. Ko oi te tagata i te ata tenei, kae kaia ko pokotia ei a ia i fakalavelave e uke?

2. Ne a tusi ne fola atu ne Hesekia ki mua o te Atua, kae se a te talo ne fai atu ne Hesekia?

3. A Hesekia se vaegā tupu pefea, kae se a te fekau ne avatu ne Ieova ki a ia e auala i te pelofeta ko Isaia?

4. Ne a mea ne fai ne te agelu a Ieova ki tino Asulia, e pelā mo te mea e lavea atu i te ata tenei?

5. E ui eiloa ne filemu a te malo o itukāiga e lua i se taimi toetoe, ne a mea ne ‵tupu i te otiga ne mate a Hesekia?

Fesili fakaopoopo:

1. Faitau te 2 Tupu 18:1-36.

   1. (a) Ne taumafai pefea a te ofisa fakaoko muna o Asulia o fakavāivāi te fakatuanaki o te kau Isalaelu? (2 Tupu 18:19, 21; Eso. 5:2; Sala. 64:3)

   2. (e) I te fakafesagai atu ki tino ‵teke, e fakaakoako atu pefea a Molimau a Ieova ki te fakaakoakoga a Hesekia? (2 Tupu 18:36; Sala. 39:1; Faata. 26:4; 2 Timo. 2:24)

2. Faitau te 2 Tupu 19:1-37.

   1. (a) E fakaakoako atu pefea a tino o Ieova i aso nei ki i a Hesekia i taimi o fakalavelave? (2 Tupu 19:1, 2; Faata. 3:5, 6; Epe. 10:24, 25; Iako. 5:14, 15)

   2. (e) Ne a auala e tolu ne takavale ei te tupu ko Sanelivi, kae ko oi te tino ne fakaata mai ne ia? (2 Tupu 19:32, 35, 37; Faka. 20:2, 3)

3. Faitau te 2 Tupu 21:1-6, 16.

   Kaia e fai mai ei me i a Manase ko te toe tupu matagā eiloa e tokotasi telā ne pule i Ielusalema? (2 Nofo. 33:4-6, 9)

Te Tala Napa 73

Te ‵Toe Tupu ‵Lei o Isalaelu

1. Ko fia tausaga o Iosia kae fai mo fai te tupu, kae ne a ana mea ne kamata o fai i te otiga o te fitu tausaga o tena pulega?

2. Ne a mea e lavea ne koe i te ata muamua e fai ne Iosia?

3. Se a te mea ne maua ne te faitaulaga sili i te taimi ne fakafou ei ne tāgata a te faletapu?

4. Kaia ne saesae ei ne Iosia ana gatu?

5. Se a te fekau mai i a Ieova ne fai atu ne te pelofeta fafine ko Hulita ki a Iosia?

Fesili fakaopoopo:

1. Faitau te 2 Nofoaiga Tupu 34:1-28.

   1. (a) Se a te akoakoga ne tuku mai ne Iosia ki tino kolā kāti ne ‵tau o maua ne latou te loto kufaki i mea faigata ne fepaki mo latou i te lotou folikiga? (2 Nofo. 33:21-25; 34:1, 2; Sala. 27:10)

   2. (e) Ne a faifaiga tāua ne fai ne Iosia ke ‵lago atu ei ki te tapuakiga tonu i te 8, 12, mo te 18 o tausaga o tena pulega? (2 Nofo. 34:3, 8)

   3. (i) Ne a akoakoga e mafai o tauloto ne tatou mai te Tupu ko Iosia mo te Faitaulaga Sili ko Hilikia e uiga ki te tausiga o ‵tou fale tapuaki? (2 Nofo. 34:9-13; Fata. 11:14; 1 Koli. 10:31)

Te Tala Napa 74

Te Tagata Telā e se Mataku

1. Ko oi te tagata i te ata tenei?

2. Ne a mafaufauga o Ielemia e uiga ki tena fai mo fai se pelofeta, kae ne a pati a Ieova ki a ia?

3. Se a te fekau ne folafola atu faeloa ne Ielemia ki tino?

4. Ne taumafai pefea a faitaulaga o taofi aka a Ielemia, kae ne fakaasi atu pefea ne ia i a ia e se mataku?

5. Se a te mea ne tupu i te taimi ne seki ‵fuli ei ne te kau Isalaelu olotou faifaiga ma‵sei?

Fesili fakaopoopo:

1. Faitau te Ielemia 1:1-8.

   1. (a) E pelā mo te mea e fakaasi mai i te fakaakoakoga a Ielemia, ne a mea e manakogina ke talia ei se tino ke tavini atu ki a Ieova? (2 Koli. 3:5, 6)

   2. (e) Se te fakamalosiga e tuku mai ne te fakaakoakoga a Ielemia mō talavou Kelisiano i aso nei? (Fai. 12:1; 1 Timo. 4:12)

2. Faitau te Ielemia 10:1-5.

   Se a te tala fakatusa magoi ne fakaaogā ne Ielemia ke fakaasi atu ei te sē aogā o te tali‵tonu ki tupua? (Iele. 10:5; Isa. 46:7; Sapa. 2:19)

3. Faitau te Ielemia 26:1-16.

   1. (a) I te fakasalalauatuga o te fekau i aso nei, ne faka‵logo pefea mo te loto kātoa a te ‵toega o te kau fakaekegina ki te fakatonuga a Ieova ki a Ielemia ke ʻsē tiakina eiloa se muna e tasi’? (Iele. 26:2; Teu. 4:2; Galu. 20:27)

   2. (e) Se a te fakaakoakoga gali ne tuku mai ne Ielemia mo Molimau a Ieova i aso nei i te folafolaatuga o te fekau a Ieova ki malo o atufenua? (Iele. 26:8, 12, 14, 15; 2 Timo. 4:1-5)

4. Faitau te 2 Tupu 24:1-17.

   Ne a mea fakafanoa‵noa ne iku mai i te sē fakamaoni o Iuta ki a Ieova? (2 Tupu 24:2-4, 14)

Te Tala Napa 75

Tama‵liki Tāgata e Tokofa i Papelonia

1. Ko oi a tama‵liki tā‵gata e tokofa i te ata tenei, kae kaia e ‵nofo atu ei latou i Papelonia?

2. Ne a fuafuaga a Nepukanesa mo tama‵liki tā‵gata e tokofa konei, kae ne a fakatonuga ne tuku atu ne ia ki ana tavini?

3. Se a te fakamolemole a Tanielu e uiga ki ana meakai mo meainu e pelā foki mo ana taugasoa e tokotolu?

4. Mai tua o te lotou ‵kaiga ki fuagalakau i aso e sefulu, ne ‵kese pefea a Tanielu mo ana taugasoa e tokotolu mai nisi tamataene?

5. Kaia ne ‵nofo atu ei a Tanielu mo ana taugasoa e tokotolu i te palesi o te tupu, kae ‵lei atu pefea latou i lō faitaulaga mo tāgata ‵poto?

Fesili fakaopoopo:

1. Faitau te Tanielu 1:1-21.

   1. (a) Ne a vaegā taumafaiga e manakogina māfai e ma‵nako tatou o ‵teke atu ki tofotofoga kae manumalo i ‵tou vāivāiga? (Tani. 1:8; Kene. 39:7, 10; Kala. 6:9)

   2. (e) I auala fea e mafai ei o tofotofogina a talavou i aso nei ne mea kolā e fai pelā me ne “meakai mo uaina o te palesi”? (Tani. 1:8; Faata. 20:1; 2 Koli. 6:17-7:1)

   3. (i) E fesoasoani mai pefea te tala i te Tusi Tapu e uiga ki talavou Epelu e tokofa ke mafaufau faka‵lei tatou e uiga ki poto faka-te-lalolagi? (Tani. 1:20; Isa. 54:13; 1 Koli. 3:18-20)

Te Tala Napa 76

Ko Fakamaseigina a Ielusalema

1. Se a te mea ko tupu ki Ielusalema mo te kau Isalaelu i te ata tenei?

2. Ko oi a Esekielu, kae ne a mea fakapoi loto ne fakaasi atu ne Ieova ki a ia?

3. Ona ko te sē ava o te kau Isalaelu ki a Ieova, se a te folafolaga ne fai atu ne ia?

4. Ne a mea ne fai ne te tupu ko Nepukanesa mai tua o te ‵tekeatuga o te kau Isalaelu ki a ia?

5. Kaia ne talia ei ne Ieova ke tupu se fakamaseiga penei ki te kau Isalaelu?

6. Ne tiaki pefea te fenua ko Isalaelu e aunoa mo ne tino i ei, kae e pefea te leva ne fai ei penā?

Fesili fakaopoopo:

1. Faitau te 2 Tupu 25:1-26.

   1. (a) Ko oi a Setekaia, se a te mea ne tupu ki a ia, kae ne fakataunu pefea i ei a valoaga i te Tusi Tapu? (2 Tupu 25:5-7; Eseki. 12:13-15)

   2. (e) Ko oi ne ‵losi atu ne Ieova ki ei e uiga mo te tulaga sē fakamaoni o te kau Isalaelu? (2 Tupu 25:9, 11, 12, 18, 19; 2 Nofo. 36:14, 17)

2. Faitau te Esekielu 8:1-18.

   Ne fakaakoako atu pefea a Lotu Kelisiano ‵Se ki tino Isalaelu kolā e tapuaki atu ki te la? (Eseki. 8:16; Isa. 5:20, 21; Ioane 3:19-21; 2 Timo. 4:3)

Te Tala Napa 77

Ne Seki Ifo Eiloa Latou

1. Se a te fakatonuga ne fai atu ne Nepukanesa, te tupu o Papelonia, ki tino?

2. Kaia ne seki ifo ei a taugasoa e tokotolu o Tanielu ki te tupua aulo?

3. I te taimi ne toe tuku atu ei ne Nepukanesa te suā avanoaga ki te tokotolu tino Epelu ke ifo ki lalo, ne fakaasi atu pefea ne latou te lotou tali‵tonu ki a Ieova?

4. Se a te mea ne fai atu ne Nepukanesa ki ana tagata ke fai ki a Satalaka, Mesako mo Apeteniko?

5. Se a te mea ne lavea ne Nepukanesa i te kiloatuga ki loto i te afi?

6. Kaia ne ‵viki atu ei te tupu ki te Atua o Satalaka, Mesako, mo Apeteniko, kae se a te fakaakoakoga e tuku mai ne latou ki a tatou?

Fesili fakaopoopo:

1. Faitau te Tanielu 3:1-30.

   1. (a) Se a te uiga ne fakaasi mai ne talavou Epelu e tokotolu konei e ‵tau o fakaakoako ki ei a tavini a te Atua māfai ko tofotofogina te lotou fakatuanaki? (Tani. 3:17, 18; Mata. 10:28; Loma 14:7, 8)

   2. (e) Se a te akoakoga tāua ne tuku atu ne Ieova te Atua ki a Nepukanesa? (Tani. 3:28, 29; 4:34, 35)

Te Tala Napa 78

Tusitusiga i Luga i te ‵Pui

1. Ne a mea ne ‵tupu i te taimi ne fai ei te ‵kaiga lasi a te tupu o Papelonia kae fakaaogā i ei a ipu mo pōla o te faletapu o Ieova i Ielusalema?

2. Ne a pati a Pelesala ne fai ki ana tāgata ‵poto, kae se a te mea ne seki mafai ne latou o fai?

3. Ne a pati ne fai atu ne te mātua o te tupu ke fai ne ia?

4. E ‵tusa mo pati ne fai atu ne Tanielu ki te tupu, kaia ne uga mai ei ne te Atua se lima ke tusi ne ia a pati i luga i te ‵pui?

5. Ne fakamatala atu pefea ne Tanielu a uiga o pati konā i te ‵pui?

6. Se a te mea ne tupu i te taimi koi faipati atu ei a Tanielu?

Fesili fakaopoopo:

1. Faitau te Tanielu 5:1-31.

   1. (a) Ke taku mai te ‵kese o te mataku ki te atua mo te mataku ne maua ne Pelesala i te laveaga ne ia a pati i luga i te ‵pui. (Tani. 5:6, 7; Sala. 19:9; Loma 8:35-39)

   2. (e) Ne fakaasi atu pefea ne Tanielu te lasi o tena loto toa i tena faipatiatuga ki a Pelesala mo ana ofisa ma‵luga? (Tani. 5:17, 18, 22, 26-28; Galu. 4:29)

   3. (i) E faka‵mafa mai pefea i te Tanielu mataupu e 5 a te pulega a Ieova i te lagi mo te lalolagi? (Tani. 4:17, 25; 5:21)

Te Tala Napa 79

Ko Tanielu i Loto i te Lua o Leona

1. Ko oi a Taliu, kae se a tena kilokiloga ki a Tanielu?

2. Ne a mea ne fai ne nisi tāgata loto ma‵sei ke fai ne Taliu?

3. Ne a mea ne fai ne Tanielu i te iloaga ne ia te tulafono fou?

4. Kaia ne fanoanoa malosi ei a Taliu kae ne seki tō faka‵lei tena moe, kae ne a ana mea ne fai i te taeaoakega?

5. Ne tali atu pefea a Tanielu ki a Taliu?

6. Ne a mea ne ‵tupu ki tāgata ma‵sei kolā ne taumafai o tamate a Tanielu, kae se a te tusi a Taliu ne tusi atu ki tino katoa mai lalo i tena malo?

Fesili fakaopoopo:

1. Faitau te Tanielu 6:1-28.

   1. (a) Se a te mea e fakamasaua mai i te fakalavelave ne tupu ki a Tanielu e uiga ki taumafaiga a tino ‵teke o taofi aka te galuega a Molimau a Ieova i aso nei? (Tani. 6:7; Sala. 94:20; Isa. 10:1; Loma 8:31)

   2. (e) E mafai pefea o fakaakoako atu a tavini a te Atua i aso nei ki a Tanielu i te tumau i te faka‵logo ki “pule o te malo”? (Tani. 6:5, 10; Loma 13:1; Galu. 5:29)

   3. (i) E mafai pefea o tau‵tali tatou ki te fakaakoakoga a Tanielu telā ne “tavini fakamaoni” atu ki a Ieova? (Tani. 6:16, 20; Fili. 3:16; Faka. 7:15)

Te Tala Napa 80

Ko Tiakina ne Tino o te Atua a Papelonia

1. E pelā mo te mea e lavea atu i te ata tenei, ne a mea e fai ne tino Isalaelu?

2. Ne fakataunu pefea ne Kulesa a te valoaga a Ieova e auala i a Isaia?

3. Ne a pati ne fai ne Kulesa ki te kau Isalaelu kolā ko sē mafai o foki ki Ielusalema?

4. Ne a mea ne tuku ne Kulesa ke ‵foki atu mo tino ki Ielusalema?

5. E pefea te leva ne ‵tau o faimalaga ei te kau Isalaelu i te ‵toe ‵fokiatuga ki Ielusalema?

6. E fia tausaga ne tiaki ei te fenua e aunoa mo ne tino i luga i ei?

Fesili fakaopoopo:

1. Faitau te Isaia 44:28 mo te 45:1-4.

   1. (a) Ne fakamaoni mai pefea ne Ieova te ‵tonu o te valoaga e uiga ki a Kulesa? (Isa. 55:10, 11; Loma 4:17)

   2. (e) Se a te mea e fakaasi mai1 te valoaga a Isaia e uiga ki a Kulesa me e mafai ne Ieova te Atua o ‵valo mai a mea kolā ka ‵tupu i aso mai mua? (Isa. 42:9; 45:21; 46:10, 11; 2 Pe. 1:20)

2. Faitau te Esela 1:1-11.

   Mai te tau‵tali atu ki te fakaakoakoga o tino kolā ne seki mafai o toe foki atu ki Ielusalema, e mafai pefea o “fesoasoani” atu tatou i aso nei ki tino kolā e ga‵lue tumau i te taviniga? (Esela 1:4, 6; Loma 12:13; Kolose 4:12)

Te Tala Napa 81

Te Loto Talitonu ki te Fesoasoani o te Atua

1. E tokofia a tino ne faima‵laga atu i se malaga loa mai Papelonia ki Ielusalema, kae ne a mea ne lavea ne latou i te okoatuga ki ei?

2. Se a te mea ne kamata o fakatu aka ne te kau Isalaelu i te lotou okoatuga, kae ne a mea a olotou fili ne fai?

3. Ko oi a Hakai mo Sakalia, kae ne a pati ne fai atu ne laua ki tino?

4. Kaia ne avatu ei ne Tatenai se tusi ki Papelonia, kae se a te tali ne maua ne ia?

5. Ne a mea ne fai ne Esela i te iloaga ne ia me ko tau o faite te faletapu o te Atua?

6. Se a te mea ne ‵talo atu a Esela ki ei i te ata tenei, ne tali mai pefea ki tena ‵talo, kae se a te mea e akoako mai ne te mea tenei ki a tatou?

Fesili fakaopoopo:

1. Faitau te Esela 3:1-13.

   Kafai ko ‵nofo atu tatou i se koga telā e seai se fakapotopotoga o tino o te Atua i ei, se a te mea e ‵tau o tumau tatou i te faiga? (Esela 3:3, 6; Galu. 17:16, 17; Epe. 13:15)

2. Faitau te Esela 4:1-7.

   Se a te fakaakoakoga ‵lei ne tuku mai ne Selupapelu mō tino o Ieova e uiga ki te palutakiga o lotu? (Eso. 34:12; 1 Koli. 15:33; 2 Koli. 6:14-17)

3. Faitau te Esela 5:1-5, 17 mo te 6:1-22.

   1. (a) Kaia ne seki mafai ei ne tino ‵teke o taofi te fakatūga o te faletapu? (Esela 5:5; Isa. 54:17)

   2. (e) E fakamalosi atu pefea a faifaiga a toeaina Iutaia ki toeaina Kelisiano ke ‵sala atu ki te takitakiga a Ieova māfai ko fe‵paki a tino o te Atua mo ‵tekemaiga? (Esela 6:14; Sala. 32:8; Loma 8:31; Iako. 1:5)

4. Faitau te Esela 8:21-23, 28-36.

   Koi tuai o gasue‵sue tatou o fai se mea, se a te fakaakoakoga a Esela e gali ke fakaakoako ki ei? (Esela 8:23; Sala. 127:1; Faata. 10:22; Iako. 4:13-15)

Te Tala Napa 82

Moletekai mo Eseta

1. Ko oi a Moletekai mo Eseta?

2. Kaia ne manako ei te tupu ko Asuelu ki se avaga fou, kae ko oi ne filifili aka ne ia?

3. Ko oi a Hamanu kae kaia ne kaitaua malosi ei a ia?

4. Se a te tulafono fou telā ne faite, kae ne a mea ne fai ne Eseta i te mauaga ne ia o te fekau mai i a Moletekai?

5. Se a te mea ne tupu ki a Hamanu, kae se a foki te mea ne tupu ki a Moletekai?

6. Ne ‵sao pefea te kau Isalaelu mai olotou fili?

Fesili fakaopoopo:

1. Faitau te Eseta 2:12-18.

   Ne fakaasi mai pefea ne Eseta a te tāua ke ati aka te uiga ko te “loto malalo mo te agaga filemu”? (Eseta 2:15; 1 Pe. 3:1-5)

2. Faitau te Eseta 4:1-17.

   E pelā eiloa mo Eseta telā ne maua ne ia te avanoaga ke ‵lago atu ki te tapuakiga tonu, se a te avanoaga e maua ne tatou i aso nei ke fakaasi atu te ‵tou tapuaki mo te fakamaoni ki a Ieova? (Eseta 4:13, 14; Mata. 5:14-16; 24:14)

3. Faitau te Eseta 7:1-6.

   E fakaasi atu pefea ne tino e tokouke o te Atua i aso nei a te ‵toka o latou ke fakasauāgina e pelā mo Eseta? (Eseta 7:4; Mata. 10:16-22; 1 Pe. 2:12)

Te Tala Napa 83

‵Pui o Ielusalema

1. Ne a lagonaga o te kau Isalaelu ki te seai ne ‵pui o Ielusalema?

2. Ko oi a Neemia?

3. Se a te galuega a Neemia, kae kaia e tāua ei?

4. Se a te tala ne fakafanoanoa atu ki a Neemia, kae ne a ana mea ne fai?

5. Ne fakaasi atu pefea ne te tupu ko Aletaseta a te alofa kaimalie ki a Neemia?

6. Ne fakatoka pefea ne Neemia te faiga o te galuega fakatūtu ko te mea ke sē mafai o taofi aka ne fili o te kau Isalaelu?

Fesili fakaopoopo:

1. Faitau te Neemia 1:4-6 mo te 2:1-20.

   Ne ‵sala atu pefea a Neemia ki te fakatakitakiga a Ieova? (Nee. 2:4, 5; Loma 12:12; 1 Pe. 4:7)

2. Faitau te Neemia 3:3-5.

   Ne a mea aogā e tauloto ne toeaina mo tavini fakafaifeau mai mea kese‵kese kolā ne fai ne tino Tekoa mo “takitaki o te fa‵kai”? (Nee. 3:5, 27; 2 Tesa. 3:7-10; 1 Pe. 5:5)

3. Faitau te Neemia 4:1-23.

   1. (a) Se a te mea ne fakamalosi atu ki tino Isalaelu ke fakatumau te galuega fakatū‵tū faitalia a ‵tekemaiga? (Nee. 4:6, 8, 9; Sala. 50:15; Isa. 65:13, 14)

   2. (e) E fakamalosi mai pefea a te fakaakoakoga a te kau Isalaelu ki a tatou i aso nei?

4. Faitau te Neemia 6:15.

   Se a te mea e fakaasi mai i te faitega o te ‵pui o Ielusalema i masina e lua e uiga ki te malosi o te fakatuanaki? (Sala. 56:3, 4; Mata. 17:20; 19:26)

Te Tala Napa 84

Ko Āsi Atu se Agelu ki a Malia

1. Ko oi te fafine i te ata tenei?

2. Ne a pati a Kapilielu ne fai atu ki a Malia?

3. Ne fakamatala atu pefea ne Kapilielu ki a Malia me ka fanau ne ia se pepe faitalia me ne seki nofo a ia mo se tagata?

4. Se a te mea ne tupu i te āsiatuga a Malia ki tena kāiga ko Elisapeta?

5. Ne a mafaufauga o Iosefa i te logoga i a Malia ko faitama, kae kaia ne fuli ei tona mafaufau?

Fesili fakaopoopo:

1. Faitau te Luka 1:26-56.

   1. (a) Se a te mea e fakaasi mai i te Luka 1:35 e uiga ki so se tulaga sē ‵lei katoatoa i te moegatama o Malia mai i a Atamu,i te taimi ne tuku atu ki ei te ola o te Tama a te Atua mai te lagi? (Hakai 2:11-13; Ioane 6:69; Epe. 7:26; 10:5)

   2. (e) Ne maua pefea ne Iesu a vikiga mai mua o tena fanau mai? (Luka 1:41-43)

   3. (i) Se a te fakaakoakoga gali ne tuku mai ne Malia mo Kelisiano i aso nei kolā e maua ne latou a tauliaga fakapito i te taviniga? (Luka 1:38, 46-49; 17:10; Faata. 11:2)

2. Faitau te Mataio 1:18-25.

   E ui eiloa ne seki fakaigoa tonu a Iesu ki a Emanuelu, ne fakataunu pefea ne ana galuega e pelā me se tagata te uiga o te igoa tenā? (Mata. 1:22, 23; Ioane 14:8-10; Epe. 1:1-3)

Te Tala Napa 85

Ko Fanau a Iesu i se Fale Fagai Manu

1. Ko oi te pepe i te ata tenei, kae e fakamoe ne Malia a ia i fea?

2. Kaia ne fanau ei a Iesu i te fale fagai manu i tafa o manu?

3. I te ata tenei, ko oi a tāgata kolā ka ulu atu ki te fale fagai manu, kae ne a pati ne fai atu ne se agelu ki a latou?

4. Kaia ne tu ‵kese ei a Iesu?

5. Kaia e fakaigoa ei a Iesu ko te Tama a te Atua?

Fesili fakaopoopo:

1. Faitau te Luka 2:1-20.

   1. (a) Se a te vaega o Kaisala Aokuso i te fakataunuga o te valoaga e uiga ki te fanau mai o Iesu? (Luka 2:1-4; Mika 5:2)

   2. (e) E mafai pefea o aofia se tino i tino kolā e fakaasi mai me “e fiafia ki ei te Atua”? (Luka 2:14; Mata. 16:24; Ioane 17:3; Galu. 3:19; Epe. 11:6)

   3. (i) Kafai e isi se pogai ne ‵tau ei o fiafia a tausi mamoe Iutaia e uiga ki te fanaumaiga o te Fakaola, e pefea te lasi atu o te fiafia telā e ‵tau o maua ne tavini a te Atua i aso nei? (Luka 2:10, 11; Efe. 3:8, 9; Faka. 11:15; 14:6)

Te Tala Napa 86

Tāgata Kolā ne Takitaki ne se Fetu

1. Ko oi a tāgata i te ata tenei, kae kaia e tusi atu ei se tino i a latou ki se fetu ‵pula malosi?

2. Kaia ne ita ei te tupu ko Helota, kae ne a ana mea ne fai?

3. Ne takitaki atu ne te fetu a tāgata konei ki fea, kae kaia ne foki atu ei latou ki te lotou fenua i se isi auala?

4. Se a te fakatonuga ne fai ne Helota, kae kaia?

5. Se a te mea ne fai atu ne Ieova ke fai ne Iosefa?

6. Ko oi ne fai ne ia ke maina malosi mai te fetu fou, kae kaia?

Fesili fakaopoopo:

1. Faitau te Mataio 2:1-23.

   Ko pefea te matua o Iesu kae ne nofo atu a ia i fea i te taimi ne āsi atu ei a makoi ki a ia? (Mata. 2:1, 11, 16)

Te Tala Napa 87

Te Talavou ko Iesu i te Faletapu

1. Ko fia tausaga o Iesu i te ata tenei, kae e nofo atu a ia i fea?

2. Ne a mea e fai sāle ne Iosefa ki tena kāiga i tausaga katoa?

3. Mai tua o te aso e tasi, i te lotou auala ki te lotou fa‵kai, kaia ne toe foki atu ei a Iosefa mo Malia ki Ielusalema?

4. Ne maua atu ne Iosefa mo Malia a Iesu i fea, kae kaia ne ofo malosi ei a tino i konā?

5. Ne a pati a Iesu ne fai atu ki tena mātua ko Malia?

6. E mafai pefea o fai tatou pelā mo Iesu i tou sukesukega e uiga ki te Atua?

Fesili fakaopoopo:

1. Faitau te Luka 2:41-52.

   1. (a) E ui eiloa e fai mai te Tulafono me ko tāgata fua e ‵tau o olo atu ki te faiga o fakamanatuga i tausaga katoa, se a te fakaakoakoga gali ne tuku mai ne Iosefa mo Malia mō mātua i aso nei? (Luka 2:41; Teu. 16:16; 31:12; Faata. 22:6)

   2. (e) Ne tuku mai pefea ne Iesu se fakaakoakoga gali mo talavou i aso nei ke faka‵logo ki olotou mātua? (Luka 2:51; Teu. 5:16; Faata. 23:22; Kolose 3:20)

2. Faitau te Mataio 13:53-56.

   Ko oi a taina faka-te-foitino o Iesu e taku mai olotou igoa i te Tusi Tapu, kae ne fakaaogā pefea se tokolua i a laua i loto i te fakapotopotoga Kelisiano? (Mata. 13:55; Galu. 12:17; 15:6, 13; 21:18; Kala. 1:19; Iako. 1:1; Iuta 1)

Te Tala Napa 88

Ko Papatiso Iesu ne Ioane

1. Ko oi a tāgata e tokolua i te ata tenei?

2. E papatiso pefea se tino?

3. Ko oi a tino e masani o papatiso ne Ioane?

4. Se a te pogai fakapito ne fakamolemole atu ei a Iesu ki a Ioane ke papatiso a ia?

5. Ne fakaasi mai pefea ne te Atua a Tena fiafia me ko papatiso a Iesu?

6. Se a te mea ne tupu i te fanoga a Iesu o nofo tokotasi i se koga i aso e 40?

7. Ko oi a nisi taugasoa io me ko soko muamua eiloa o Iesu, kae se a tena vavega muamua ne fai?

Fesili fakaopoopo:

1. Faitau te Mataio 3:13-17.

   Se a te faifaiga masani ne fakaasi mai ne Iesu e uiga ki te papatisoga o ana soko? (Sala. 40:7, 8; Mata. 28:19, 20; Luka 3:21, 22)

2. Faitau te Mataio 4:1-11.

   E fakamalosi mai pefea te apo o Iesu i te fakaaogāga o te Tusi Tapu ke suke‵suke faeloa tatou ki te Muna a te Atua? (Mata. 4:5-7; 2 Pe. 3:17, 18; 1 Ioane 4:1)

3. Faitau te Ioane 1:29-51.

   Ko oi te tino ne takitaki atu ne Ioane te Papatiso ana soko ki ei, kae e fakaakoako atu pefea tatou ki a ia i aso nei? (Ioane 1:29, 35, 36; 3:30; Mata. 23:10)

4. Faitau te Ioane 2:1-12.

   E fakaasi mai pefea i te vavega muamua a Iesu me e se taofi ne Ieova so se mea ‵lei mai i ana tavini? (Ioane 2:9, 10; Sala. 84:11; Iako. 1:17)

Te Tala Napa 89

Ko Faka‵ma ne Iesu te Faletapu

1. Kaia ne ‵togi atu ei a manu i loto i te faletapu?

2. Kaia ne kaitaua ei a Iesu?

3. E pelā mo te mea e lavea atu i te ata tenei, ne a mea e fai ne Iesu, kae se a te fakatonuga ne fai atu ne ia ki tino kolā ne ‵togi atu ne latou a lupe?

4. I te laveaga ne soko o Iesu a mea ne fai ne ia, se a te mea ne masaua ne latou?

5. Ko te kogā koga fea ne faimalaga atu ei a Iesu i tena auala o foki ki Kalilaia?

Fesili fakaopoopo:

1. Faitau te Ioane 2:13-25.

   I te mafaufau ki te kaitaua o Iesu ki tino ne fakatau olotou mea i loto i te faletapu, se a te kilokiloga ‵lei e tau o maua ki te faiga o mea fakapisinisi i loto i te Kingdom Hall? (Ioane 2:15, 16; 1 Koli. 10:24, 31-33)

Te Tala Napa 90

Iesu mo te Fafine i te Vaikeli

1. Kaia ne manava malie ei a Iesu1 tafa o se vaikeli i Samalia, kae ne a ana pati ne fai atu ki te fafine i konā?

2. Kaia ne poi ei te fafine, ne a pati a Iesu ne fai atu ki a ia, kae kaia?

3. Ko te vai fea ne fakauiga ne te fafine me ne faipati a Iesu ki ei, kae ko te vai fea ne fakauiga a Iesu ki ei?

4. Kaia ne ofo malosi1 ei te fafine i mea ne iloa ne Iesu e uiga ki a ia, kae ne maua pefea ne Iesu a fakamatalaga konā?

5. Ne a akoakoga tāua e maua ne tatou mai te tala o te fafine i te vaikeli?

Fesili fakaopoopo:

1. Faitau te Ioane 4:5-43.

   1. (a) Mai te tautali atu ki te fakaakoakoga a Iesu, se a te kilokiloga e ‵tau o fakaasi atu ne tatou ki tino mai itukāiga kese‵kese io me ko olotou tulaga i te olaga? (Ioane 4:9; 1 Koli. 9:22; 1 Timo. 2:3, 4; Tito 2:11)

   2. (e) Ne a mea aogā faka-te-agaga e maua ne se tino telā e fai mo fai se soko o Iesu? (Ioane 4:14; Isa. 58:11; 2 Koli. 4:16)

   3. (i) E mafai pefea o fakaasi atu ne tatou te loto fakafetai e pelā mo te fafine Samalia telā ne loto finafinau o fakaasi atu a mea ne tauloto ne ia? (Ioane 4:7, 28; Mata. 6:33; Luka 10:40-42)

Te Tala Napa 91

Ne Akoako Atu a Iesu i Luga i se Mauga

1. I te ata tenei, e akoako atu a Iesu i fea, kae ko oi a tino kolā e saga‵saga ‵pili atu ki a ia?

2. Ko oi a igoa o apositolo e toko 12?

3. Se a te Malo telā ne akoako atu ne Iesu?

4. Se a te mea ne akoako atu ne Iesu ke ‵talo ki ei a tino?

5. Ne a pati a Iesu e uiga ki faifaiga e ‵tau o fai ne te suā tino ki te suā tino?

Fesili fakaopoopo:

1. Faitau te Mataio 5:1-12.

   E fakaasi atu pefea ne tatou me e iloa ne tatou a ‵tou manakoga faka-te-agaga? (Mata. 5:3; Loma 10:13-15; 1 Timo. 4:13, 15, 16)

2. Faitau te Mataio 5:21-26.

   E faka‵mafa mai pefea i te Mataio 5:23, 24 me e pokotia a te va fakataugasoa o tatou mo Ieova ona ko ‵tou va fakataugasoa mo ‵tou taina? (Mata. 6:14, 15; Sala. 133:1; Kolose 3:13; 1 Ioane 4:20)

3. Faitau te Mataio 6:1-8.

   Ne a nisi vaega o te fia amiotonu e ‵tau o ‵kalo keatea mai i ei a Kelisiano? (Luka 18:11, 12; 1 Koli. 4:6, 7; 2 Koli. 9:7)

4. Faitau te Mataio 6:25-34.

   Se a te mea ne akoako mai ne Iesu e uiga ki te manakoga ke tali‵tonu katoatoa ki a Ieova mō mea faka-te-foitino kolā e tau o maua? (Eso. 16:4; Sala. 37:25; Fili. 4:6)

5. Faitau te Mataio 7:1-11.

   Se a te mea e akoako mai i te tala fakatusa manino i te Mataio 7:5 ki a tatou? (Faata. 26:12; Loma 2:1; 14:10; Iako. 4:11, 12)

Te Tala Napa 92

Ko Faka‵tu ne Iesu a Tino ‵Mate

1. Ko oi te tamana o te tamaliki fafine i te ata tenei, kae kaia ne manavase ei a laua mo tena avaga?

2. Ne a mea ne fai ne Iailo i te mauaga ne ia a Iesu?

3. Se a te mea ne tupu i te auala o Iesu ki te fale o Iailo, kae se a te fekau ne maua ne Iailo i te auala?

4. Kaia ne ‵kata ei a tino i te fale o Iailo ki a Iesu?

5. I te lotou okoatuga mo apositolo e toko tolu mo te tamana mo te mātua o te tamaliki fafine ki te potu, ne a mea ne fai ne Iesu?

6. Ko oi foki a nisi tino ne faka‵tu aka ne Iesu mai te mate, kae se a te mea e fakaasi mai i ei?

Fesili fakaopoopo:

1. Faitau te Luka 8:40-56.

   Ne fakaasi atu pefea ne Iesu a te alofa mo te loto malamalama ki te fafine telā ne fano tena sua, kae ne a mea e tauloto ne toeaina Kelisiano mai ei? (Luka 8:43, 44, 47, 48; Levi. 15:25-27; Mata. 9:12, 13; Kolose 3:12-14)

2. Faitau te Luka 7:11-17.

   Kaia ne fakamafanafana atu ei a te tali a Iesu ki te fafine Naina ko mate tena avaga ki tino kolā ko ‵mate olotou tino pele? (Luka 7:13; 2 Koli. 1:3, 4; Epe. 4:15)

3. Faitau te Ioane 11:17-44.

   Ne fakaasi mai pefea ne Iesu me se mea masani ke ‵tagi fanoanoa ona ko te galo atu o se tino pele? (Ioane 11:33-36, 38; 2 Samu. 18:33; 19:1-4)

Te Tala Napa 93

Ko Fagai ne Iesu a Tino e Tokouke

1. Se a te mea matagā ne tupu ki a Ioane te Papatiso, kae ne a lagonaga o Iesu e uiga ki ei?

2. Ne fagai pefea ne Iesu a tino e tokouke kolā ne tautali atu i a ia, kae e pefea te uke o meakai ne ‵toe?

3. Kaia ne ma‵taku ei a soko i te po, kae se a te mea ne tupu ki a Petelu?

4. Ne toe fagai pefea ne Iesu te fia afe o tino i te lua o taimi?

5. Kaia e gali ei māfai ko pule mai a Iesu e pelā me ko te Tupua te Atua ki te lalolagi?

Fesili fakaopoopo:

1. Faitau te Mataio 14:1-32.

   1. (a) Ne a mea e fakaasi mai i te tala i te Mataio 14:23-32 e uiga ki uiga o Petelu?

   2. (e) E fakaasi mai pefea ne te tala i te Tusi Tapu me ne gasolo o matua ‵lei a Petelu kae ne manumalo ei i tena pati ‵pole? (Mata. 14:27-30; Ioane 18:10; 21:7; Galu. 2:14, 37-40; 1 Pe. 5:6, 10)

2. Faitau te Mataio 15:29-38.

   Ne fakaasi atu pefea ne Iesu tena āva ki fakatokaga faka-te-foitino mai tena Tamana? (Mata. 15:37; Ioane 6:12; Kolose 3:15)

3. Faitau te Ioane 6:1-21.

   E tau‵tali atu pefea a Kelisiano i aso nei ki te fakaakoakoga a Iesu e uiga ki malo o tāgata? (Ioane 6:15; Mata. 22:21; Loma 12:2; 13:1-4)

Te Tala Napa 94

E Alofa a Ia ki Tamā Tama‵liki

1. Se a te mea ne kinau ki ei a te kau apositolo i te lotou auala o foki atu mai tua o se malaga loa?

2. Kaia ne kalaga atu ei a Iesu ki se tamā tamaliki kae fakatu atu i mua o te kau apositolo?

3. I te auala fea e ‵tau ei o fai a te kau apositolo e pelā me ne tamā tama‵liki?

4. I nāi masina mai tua ifo, ne fakaasi atu pefea ne Iesu me e alofa a ia ki tamā tamaliki?

Fesili fakaopoopo:

1. Faitau te Mataio 18:1-4.

   Kaia ne fakaaogā ei ne Iesu a tala fakatusa i te akoako atu? (Mata. 13:34, 36; Male. 4:33, 34)

2. Faitau te Mataio 19:13-15.

   Ne a uiga o tamā tama‵liki e ‵tau o fakaakoako ki ei ko te mea ke maua ne tatou a fakamanuiaga o te Malo? (Sala. 25:9; 138:6; 1 Koli. 14:20)

3. Faitau te Maleko 9:33-37.

   Ne a mea ne akoako atu ne Iesu ki ana soko e uiga ki te fiafai tofi lauiloa? (Male. 9:35; Mata. 20:25, 26; Kala. 6:3; Fili. 2:5-8)

4. Faitau te Maleko 10:13-16.

   E pefea te faigofie ke fanatu ki a Iesu, kae se a te mea e tauloto ne toeaina Kelisiano mai i tena fakaakoakoga? (Male. 6:30-34; Fili. 2:1-4; 1 Timo. 4:12)

Te Tala Napa 95

Te Auala e Akoako Atu ei a Iesu

1. Se a te fesili ne ‵sili atu ne se tagata ki a Iesu, kae kaia?

2. Ne a mea e akoako atu ne Iesu i nisi taimi, kae ne a mea ko oti ne iloa ne tatou e uiga ki tino Iutaia mo tino Samalia?

3. I te tala a Iesu, se a te mea ne tupu ki te tagata Iutaia telā ne faimalaga atu i tena auala ki Ieliko?

4. Ne a mea ne ‵tupu i te taimi ne olo atu ei se faitaulaga Iutaia mo se tino Levi i te auala tenā?

5. I te ata tenei, ko oi ne fesoasoani atu ki te tagata Iutaia telā ne pakia?

6. I te otiga o te tala a Iesu, se a te fesili ne ‵sili atu ne ia, kae ne tali atu pefea a te tagata tenā ki ei?

Fesili fakaopoopo:

1. Faitau te Luka 10:25-37.

   1. (a) I lō te tali ‵tonu atu ki tena fesili, ne fesoasoani atu pefea a Iesu ki se tagata poto i te Tulafono e uiga ki te mea tenā? (Luka 10:26; Mata. 16:13-16)

   2. (e) Ne fakaaogā pefea ne Iesu a tala fakatusa ke ‵fo aka ei a te fakailoga tino i ana tino fakalogo‵logo? (Luka 10:36, 37; 18:9-14; Tito 1:9)

Te Tala Napa 96

Ko Faka‵lei ne Iesu a Tino Ma‵saki

1. Ne a mea ne fai ne Iesu i ana malaga i luga i te fenua kātoa?

2. I se tolu tausaga mai tua o tena papatisoga, ne a pati a Iesu ne fai atu ki ana apositolo?

3. Ko oi a tāgata i te ata tenei, kae ne a mea ne fai ne Iesu mō te fafine i ei?

4. Kaia ne ‵mā ei a takitaki lotu i tali a Iesu ki olotou manatu ‵teke?

5. I te taimi ne nofo pili atu ei a Iesu mo ana apositolo ki Ieliko, ne a mea ne fai ne Iesu mo tāgata ma‵tiva e tokolua?

6. Kaia ne fai ei ne Iesu a vavega?

Fesili fakaopoopo:

1. Faitau te Mataio 15:30, 31.

   Se a te fakaasiga sili o te malosi o Ieova ne fakaasi mai e auala i a Iesu, kae e pokotia pefea i ei te ‵tou malamalama e uiga ki fuafuaga a Ieova mō te lalolagi fou? (Sala. 37:29; Isa. 33:24)

2. Faitau te Luka 13:10-17.

   E fakaasi mai pefea i vavega fakaofoofogia ne fai ne Iesu i te Sapati a te fakatapūga telā ka aumai ne ia ki tino katoa i tena pulega i te Afe Tausaga? (Luka 13:10-13; Sala. 46:9; Mata. 12:8; Kolose 2:16, 17; Faka. 21:1-4)

3. Faitau te Mataio 20:29-34.

   E fakaasi mai pefea i te tala tenei me ne seki to fakalavelave eiloa a Iesu o fesoasoani atu ki tino, kae ne a mea e tauloto ne tatou mai i ei? (Teu. 15:7; Iako. 2:15, 16; 1 Ioane 3:17)

Te Tala Napa 97

Ko Vau Iesu e Pelā mo te Tupu

1. I te fanatuga a Iesu ki se fa‵kai foliki i tafa o Ielusalema, se a tena fakatonuga ne fai ki ana soko ke fai ne latou?

2. I te ata tenei, se a te mea ne tupu i te piliatuga a Iesu ki te fa‵kai ko Ielusalema?

3. Ne a mea ne fai ne tamā tamaliki i te laveaga ne latou a Iesu e faka‵lei ne ia a tino ‵kivi mo tino ‵pili?

4. Ne a pati ne fai atu ne Iesu ki faitaulaga kolā ne kaitaūa?

5. E mafai pefea o fai tatou e pelā mo tamaliki kolā ne ‵viki atu ki a Iesu?

6. Ne a mea ne fia iloa ne ana soko?

Fesili fakaopoopo:

1. Faitau te Mataio 21:1-17.

   1. (a) Ne ‵kese pefea te uluatuga a Iesu e pelā me se tupu ki Ielusalema mo takitaki kautau manumalo i taimi o te kau Loma? (Mata. 21:4, 5; Saka. 9:9; Fili. 2:5-8; Kolose 2:15)

   2. (e) Se a te akoakoga tāua e tauloto ne talavou mai tamaliki tāgata Isalaelu kolā ne siki mai ne latou a pati i te Salamo 118 i te uluatuga a Iesu ki te faletapu? (Mata. 21:9, 15; Sala. 118:25, 26; 2 Timo. 3:15; 2 Pe. 3:18)

2. Faitau te Ioane 12:12-16.

   Se a te mea e fakaata mai ne lau pāma ne fakaaogā ne tino kolā ne tavae atu ki a Iesu? (Ioane 12:13; Fili. 2:10; Faka. 7:9, 10)

Te Tala Napa 98

I Luga i te Mauga o Olive

1. I te ata tenei, tefea a Iesu, kae ko oi e ‵nofo atu mo ia?

2. Ne a mea ne taumafai a faitaulaga o fai ki a Iesu i te faletapu, kae ne a ana pati ne fai ki a latou?

3. Ne a fesili ne ‵sili atu ne te kau apositolo ki a Iesu?

4. Kaia ne fai atu ei ne Iesu ki ana apositolo a nisi mea kolā ka ‵tupu i te lalolagi māfai ko pule mai a ia i te lagi e pelā me se Tupu?

5. Ne a pati a Iesu ne fai e uiga ki mea ka ‵tupu mai mua o fakagata ne ia a mea ma‵sei katoa i te lalolagi?

Fesili fakaopoopo:

1. Faitau te Mataio 23:1-39.

   1. (a) E ui eiloa e fai mai te Tusi Tapu me kāti e ‵lei te fakaaogāga o tofiga o te olaga nei, se a te mea e fakaasi mai i pati a Iesu i te Mataio 23:8-11 e uiga ki te fakaaogāga o tofiga i loto i te fakapotopotoga Kelisiano? (Galu. 26:25; Loma 13:7; 1 Pe. 2:13, 14)

   2. (e) Ne a mea ne fakaaogā ne te kau Falesaio ke taofi aka ei a tino mai te faiga e pelā me ne Kelisiano, kae ne fakaaogā aka pefea ne takitaki lotu a faifaiga penā i aso nei? (Mata. 23:13; Luka 11:52; Ioane 9:22; 12:42; 1 Tesa. 2:16)

2. Faitau te Mataio 24:1-14.

   1. (a) E faka‵mafa mai pefea i te Mataio 24:13 a te tāua o te kufaki?

   2. (e) Se a te uiga o te tugāpati ko “te ikuga” i te Mataio 24:13? (Mata. 16:27; Loma 14:10-12; 2 Koli. 5:10)

3. Faitau te Maleko 13:3-10.

   Se a te tugāpati i te Maleko 13:10 e fakaasi mai i ei te tāua o te fakavavavega o te talaiatuga o te tala ‵lei, kae e pokotia pefea tatou i pati a Iesu konā? (Loma 13:11, 12; 1 Koli. 7:29-31; 2 Timo. 4:2)

Te Tala Napa 99

I Loto i se Potu i Luga

1. E pelā mo te mea e fakaasi mai i te ata, kaia e ‵nofo atu ei a Iesu mo ana apositolo e toko 12 i se potu lasi i luga?

2. Ko oi te tagata telā ko fano keatea, kae ne a ana mea ka fano o fai?

3. Se a te ‵kaiga fakapito ne kamata ne Iesu mai tua o te ‵kaiga o te Paseka?

4. Se a te mea ne fakamasaua atu ne te Paseka ki te kau Isalaelu, kae se a te mea e fakamasaua atu ne te ‵kaiga fakapito tenei ki soko o Iesu?

5. Mai tua o te ‵Kaiga a te Aliki i te Afiafi, ne a pati ne fai atu ne Iesu ki ana soko, kae ne a olotou mea ne fai?

Fesili fakaopoopo:

1. Faitau te Mataio 26:14-30.

   1. (a) E fakaasi mai pefea i te Mataio 26:15 me i te fakalataga ne Iuta a Iesu se faifaiga telā ne fai mo te iloa tonu?

   2. (e) Ne a pogai e lua ne maligi ei te toto o Iesu? (Mata. 26:27, 28; Iele. 31:31-33; Efe. 1:7; Epe. 9:19, 20)

2. Faitau te Luka 22:1-39.

   Ne ulu atu pefea a Satani ki loto i a Iuta? (Luka 22:3; Ioane 13:2; Galu. 1:24, 25)

3. Faitau te Ioane 13:1-20.

   1. (a) E ‵tusa mo te tala i te Ioane 13:2, e mata, e ‵tau o ‵losi atu ki a Iuta e uiga mō te mea ne fai ne ia, kae se a te akoakoga e tauloto ne tavini a te Atua mai te mea tenei? (Kene. 4:7; 2 Koli. 2:11; Kala. 6:1; Iako. 1:13, 14)

   2. (e) Se a te akoakoga tāua ne tuku mai ne Iesu? (Ioane 13:15; Mata. 23:11; 1 Pe. 2:21)

4. Faitau te Ioane 17:1-26.

   I te auala fea ne ‵talo ei a Iesu mō ana soko ke “tasi”? (Ioane 17:11, 21-23; Loma 13:8; 14:19; Kolose 3:14)

Te Tala Napa 100

Iesu i te Fatoaga

1. Ne olo atu ki fea a Iesu mo ana apositolo i te tiakinaga ne latou te potu i luga, kae ne a ana mea ne fai atu ke fai ne latou?

2. Se a te mea ne lavea aka ne Iesu i tena fokimaiga ki ana apositolo, kae ne tupu fakafia a te mea tenei?

3. Ko oi ne olo atu ki te fatoaga, kae ne a mea ne fai ne Iuta te Isikaliota e pelā mo te mea e fakaasi mai i te ata tenei?

4. Kaia ne sogi atu ei a Iuta ki a Iesu, kae ne a mea ne fai ne Petelu?

5. Ne a pati a Iesu ne fai ki a Petelu, kae kaia ne seki fakamolemole atu ei a Iesu ki te Atua ke uga mai ne agelu?

Fesili fakaopoopo:

1. Faitau te Mataio 26:36-56.

   1. (a) E fai pefea a te auala ne polopoloki ei ne Iesu ana soko e pelā me se fakaakoakoga gali ki toeaina Kelisiano i aso nei? (Mata. 20:25-28; 26:40, 41; Kala. 5:17; Efe. 4:29, 31, 32)

   2. (e) Se a te kilokiloga a Iesu ki te fakaaogāga o meatau ke taua atu ei ki nisi tino? (Mata. 26:52; Luka 6:27, 28; Ioane 18:36)

2. Faitau te Luka 22:39-53.

   I te taimi ne fakasae atu ei se agelu ki a Iesu i te fatoaga o Ketesemane o fakamalosi atu a ia, e mata, e fakaasi mai i ei me ko gasolo o vāivāi tena fakatuanaki? Fakamatala mai. (Luka 22:41-43; Isa. 49:8; Mata. 4:10, 11; Epe. 5:7)

3. Faitau te Ioane 18:1-12.

   Ne puipui pefea ne Iesu ana soko mai ana fili, kae se a te mea e tauloto ne tatou mai i ei? (Ioane 10:11, 12; 18:1, 6-9; Epe. 13:6; Iako. 2:25)

Te Tala Napa 101

Ko Tamate a Iesu

1. Ko oi ne pogai tonu mai1 ei te mate o Iesu?

2. Ne a mea ne fai ne te kau apositolo i te pukega ne takitaki lotu a Iesu?

3. Se a te mea ne tupu i te fale o Kaiafa, te faitaulaga sili?

4. Kaia ne fano keatea ei a Petelu o tagi?

5. I te fakafokiatuga a Iesu ki a Pilato, ne paka‵laga atu pefea a faitaulaga pule?

6. Ne a mea ne ‵tupu ki a Iesu i te fakaafiafi o te Aso Lima, kae se a tena tautoga ne fai ki te pagota telā ne fakasataulo i ona tafa?

7. Ka maua i fea a te palataiso telā ne faipati a Iesu ki ei?

Fesili fakaopoopo:

1. Faitau te Mataio 26:57-75.

   I te auala fea ne fakaasi atu ei ne te fono maluga o Iutaia a te matagā o olotou loto? (Mata. 26:59, 67, 68)

2. Faitau te Mataio 27:1-50.

   Kaia e fai atu ei tatou me i a Iuta e seki salamo tonu? (Mata. 27:3, 4; Male. 3:29; 14:21; 2 Koli. 7:10, 11)

3. Faitau te Luka 22:54-71.

   Se a te akoakoga e maua ne tatou mai te fakafitiga ne Petelu a Iesu i te po ne fakalata kae puke fakapagota ei a ia? (Luka 22:60-62; Mata. 26:31-35; 1 Koli. 10:12)

4. Faitau te Luka 23:1-49.

   Ne saga atu pefea a Iesu ki faifaiga sē ‵tonu kolā ne fai ki a ia, kae se a te akoakoga e maua ne tatou mai i ei? (Luka 23:33, 34; Loma 12:17-19; 1 Pe. 2:23)

5. Faitau te Ioane 18:12-40.

   Se a te mea e fakaasi mai i ei me e ui eiloa ne mataku a Petelu ki tino i se taimi toetoe, ne fai eiloa a ia mo fai se apositolo malosi ‵lei? (Ioane 18:25-27; 1 Koli. 4:2; 1 Pe. 3:14, 15; 5:8, 9)

6. Faitau te Ioane 19:1-30.

   1. (a) Se a te kilokiloga paleni a Iesu e uiga ki kope faka-te-foitino? (Ioane 2:1, 2, 9, 10; 19:23, 24; Mata. 6:31, 32; 8:20)

   2. (e) E fakaasi mai pefea i pati a Iesu mai mua malie o tena mate me ne manumalo a ia i te fakamalugāga o te pulega a Ieova? (Ioane 16:33; 19:30; 2 Pe. 3:14; 1 Ioane 5:4)

Te Tala Napa 102

Ko Toe Ola Mai a Iesu

1. Ko oi te fafine i te ata tenei, ko oi a tāgata e tokolua, kae e nofo atu a latou i fea?

2. Kaia ne fakatonu atu ei a Pilato ki faitaulaga ke uga atu ne sotia ke leoleo ne latou te tanuga o Iesu?

3. Ne a mea ne fai ne se agelu i te tafataeao ‵malu o te tolu o aso mai tua o te matega a Iesu, kae ne a mea ne fai ne faitaulaga?

4. Kaia ne ‵poi ei a nisi fāfine i te āsiatuga ki te tanuga o Iesu?

5. Kaia ne ‵tele atu ei a Petelu mo Ioane ki te tanuga o Iesu, kae ne a mea ne maua atu ne laua i ei?

6. Se a te mea ne tupu ki te foitino o Iesu, kae ne a ana mea ne fai ke fakaasi atu ei ki ana soko i a ia ko ola?

Fesili fakaopoopo:

1. Faitau te Mataio 27:62-66 mo te 28:1-15.

   I te taimi ne fakatu aka ei a Iesu, ne agasala pefea a faitaulaga ma‵luga, Falesaio mo toeaina ki te agaga tapu? (Mata. 12:24, 31, 32; 28:11-15)

2. Faitau te Luka 24:1-12.

   E fakaasi mai pefea ne te tala o te toetuga o Iesu me kilo atu a Ieova ki fāfine e pelā me ne molimau fakatuagagina? (Luka 24:4, 9, 10; Mata. 28:1-7)

3. Faitau te Ioane 20:1-12.

   E fesoasoani mai pefea te Ioane 20:8, 9 ke kufaki tatou māfai e se maina ‵lei tatou i te fakataunuga o valoaga i te Tusi Tapu? (Faata. 4:18; Mata. 17:22, 23; Luka 24:5-8; Ioane 16:12)

Te Tala Napa 103

Ne Ulu Atu a Ia ki Loto i se Potu Telā ne ‵Loka

1. Ne a pati a Malia ne fai ki se tagata telā ne leake a ia me se tino fai fatoaga, kae ne iloa pefea ne ia me ko Iesu eiloa tenā?

2. Se a te mea ne tupu ki soko e tokolua kolā ne sa‵sale atu ki te fa‵kai ko Emau?

3. Se a te mea fakaofoofogia ne tupu i te faiatuga ne soko e tokolua konā me ne lavea ne laua a Iesu?

4. Ne sae fakafia atu a Iesu ki ana soko?

5. Ne a pati ne fai atu ne Toma i tena logoga me ko oti ne lavea ne soko a te Aliki, kae se a te mea ne tupu i te valu aso mai tua ifo i ei?

Fesili fakaopoopo:

1. Faitau te Ioane 20:11-29.

   E mata, ne fai mai a Iesu i te Ioane 20:23 me e mafai ne tino o fakamagalo a agasala? Fakamatala mai. (Sala. 49:2, 7; Isa. 55:7; 1 Timo. 2:5, 6; 1 Ioane 2:1, 2)

2. Faitau te Luka 24:13-43.

   E fakatoka pefea a ‵tou loto ke talia ne tatou a munatonu mai te Tusi Tapu? (Luka 24:32, 33; Esela 7:10; Mata. 5:3; Galu. 16:14; Epe. 5:11-14)

Te Tala Napa 104

Ko Foki Atu a Iesu ki te Lagi

1. E tokofia a soko o Iesu ne lavea ne latou a ia i se taimi e tasi, kae ne a mea ne faipati atu ne ia ki a latou?

2. Se a te Malo o te Atua, kae ka pefea te olaga i te lalolagi māfai ko pule mai a Iesu i te afe tausaga?

3. E fia aso ne fakasae sāle atu ei a Iesu ki ana soko, kae se a nei te mea ko ‵tau o fai ne ia?

4. Mai mua malie eiloa o tiakina ne ia ana soko, se a te fakatonuga ne fai atu ne Iesu ke fai ne latou?

5. Se a te mea ko tupu i te ata, kae ne galo atu pefea a Iesu mai i olotou mata?

Fesili fakaopoopo:

1. Faitau te 1 Kolinito 15:3-8.

   Kaia ne faipati atu ei a Paulo mo te mautinoa e uiga ki te toetuga o Iesu, kae ne a mea e mafai o fai‵pati ki ei a Kelisiano i aso nei mo te mautinoa? (1 Koli. 15:4, 7, 8; Isa. 2:2, 3; Mata. 24:14; 2 Timo. 3:1-5)

2. Faitau te Galuega 1:1-11.

   E pefea te lasi o te faiga o te galuega talai, e ‵tusa mo te folafolaga i te Galuega 1:8? (Galu. 6:7; 9:31; 11:19-21; Kolose 1:23)

Te Tala Napa 105

Te Faka‵taliga i Ielusalema

1. E pelā mo te mea e lavea atu i te ata tenei, se a te mea ne tupu ki soko o Iesu i te lotou faka‵taliga i Ielusalema?

2. Se a te mea fakapoi ne maua ne tino kolā ne āsi atu ki Ielusalema?

3. Se a te mea ne fakamatala atu ne Petelu ki tino?

4. E pefea a lagonaga o tino mai tua o te fakalogo‵logoga ki a Petelu, kae se a te fakatonuga ne fai atu ke fai ne latou?

5. E tokofia a tino ne papatiso i te aso tenā o te Penitekoso i te 33 T.A.?

Fesili fakaopoopo:

1. Faitau te Galuega 2:1-47.

   1. (a) E fakaasi mai pefea i pati a Petelu i te Galuega 2:23, 36 me ne aofia a te fenua kātoa o Iutaia i te mate o Iesu? (1 Tesa. 2:14, 15)

   2. (e) Ne fakaasi atu pefea ne Petelu se fakaakoakoga ‵lei mai te fakasakosako atu mai te Tusi Tapu? (Galu. 2:16, 17, 29, 31, 36, 39; Kolose 4:6)

   3. (i) Ne fakaaogā muamua pefea ne Petelu a “ki o te Malo o te lagi,” telā ne folafola atu ne Iesu me ka tuku atu ki a ia? (Galu. 2:14, 22-24, 37, 38; Mata. 16:19)

Te Tala Napa 106

Ko Fakasaoloto Mai i te Falepuipui

1. Se a te mea ne tupu ki a Petelu mo Ioane i te fakaafiafi e tasi i te lā auala ki te faletapu?

2. Ne a pati ne fai atu ne Petelu ki se tagata ‵pili, kae se a te mea ne tuku atu ne Petelu ki a ia, telā e sili atu tena tāua i tupe?

3. Kaia ne kaitaua ei a takitaki lotu, kae ne a olotou mea ne fai ki a Petelu mo Ioane?

4. Ne a pati ne fai atu ne Petelu ki takitaki lotu, kae se a te faka‵pulaga ne maua ne te kau apositolo?

5. Kaia ne loto ma‵sei ei a takitaki lotu, kae se a te mea ne tupu i te ‵peiatuga o apositolo ki te falepuipui i te lua o taimi?

6. Se a te tali ne fai atu ne apositolo i te avatuga ki loto i te Sanetulini?

Fesili fakaopoopo:

1. Faitau te Galuega 3:1-10.

   E ui eiloa e se maua ne tatou te malosi ke fai a vavega i aso nei, e fesoasoani mai pefea a pati a Petelu i te Galuega 3:6 ke maua ne tatou te loto fakafetai ki te tāua o te fekau o te Malo? (Ioane 17:3; 2 Koli. 5:18-20; Fili. 3:8)

2. Faitau te Galuega 4:1-31.

   Kafai e fe‵paki tatou mo ‵tekemaiga i te galuega talai, i te auala fea e ‵tau ei o fakaakoako tatou ki ‵tou taina Kelisiano i te senitenali muamua? (Galu. 4:29, 31; Efe. 6:18-20; 1 Tesa. 2:2)

3. Faitau te Galuega 5:17-42.

   Ne fakaasi atu pefea ne tino sē Molimau, i aso mua mo aso nei, a te loto malamalama e uiga ki te galuega talai? (Galu. 5:34-39)

Te Tala Napa 107

Ko Peipei a Setefano ki Fatu

1. Ko oi a Setefano, kae se a te mea ne fesoasoani atu a te Atua ke fai ne ia?

2. Ne a pati a Setefano ne fai ne ala ei o kaitaūa a takitaki lotu?

3. I te tosoatuga ne tāgata a Setefano ki tua mo te fa‵kai, ne a olotou mea ne fai ki a ia i konā?

4. I te ata, ko oi te tagata telā e tu i tafa o peleue?

5. Mai mua o tena mate, se a te mea ne ‵talo atu ki ei a Setefano ki a Ieova?

6. I te fakaakoako atu ki a Setefano, ne a ‵tou mea e ‵tau o fai māfai e fai ne se tino se mea masei ki a tatou?

Fesili fakaopoopo:

1. Faitau te Galuega 6:8-15.

   Ne a faifaiga faka‵se tino e fakaaogā ne takitaki lotu ke taofi aka ei te galuega talai a Molimau a Ieova? (Galu. 6:9, 11, 13)

2. Faitau te Galuega 7:1-60.

   1. (a) Se a te mea ne fesoasoani atu ki a Setefano ke magoi tena galuega i te ‵puluga o te tala ‵lei i mua o te Sanetulini, kae se a te mea e tauloto ne tatou mai tena fakaakoakoga? (Galu. 7:51-53; Loma 15:4; 2 Timo. 3:14-17; 1 Pe. 3:15)

   2. (e) Se a te uiga e ‵tau o fakaasi atu ne tatou ki tino kolā e ‵teke mai ki ‵tou galuega? (Galu. 7:58-60; Mata. 5:44; Luka 23:33, 34)

Te Tala Napa 108

I te Auala ki Tamaseko

1. Ne a mea ne fai ne Saulo mai tua o te tamatega o Setefano?

2. I te fanatuga a Saulo ki Tamaseko, se a te mea fakaofoofogia ne tupu?

3. Ne a mea ne fai atu ne Iesu ke fai ne Saulo?

4. Ne a fakatonuga ne fai atu ne Iesu ki a Anania, kae ne mafai pefea o toe kite a Saulo?

5. Se a te igoa telā ne fakaigoa fakamuli ki ei a Saulo, kae ne fakaaogā pefea a ia?

Fesili fakaopoopo:

1. Faitau te Galuega 8:1-4.

   Ne fai pefea a ‵tekemaiga kolā ne fai ki te fakapotopotoga fou o Kelisiano ke fakasalalau atu i ei te talitonuga Kelisiano, kae se a te mea tai ‵pau ko oti ne tupu i aso nei? (Galu. 8:4; Isa. 54:17)

2. Faitau te Galuega 9:1-20.

   Ne a vaega e tolu o te galuega ne fakaasi atu ne Iesu me ka fai ne Saulo? (Galu. 9:15; 13:5; 26:1; 27:24; Loma 11:13)

3. Faitau te Galuega 22:6-16.

   E mafai pefea o fai tatou e pelā mo Anania, kae kaia e tāua ei te mea tenā? (Galu. 22:12; 1 Timo. 3:7; 1 Pe. 1:14-16; 2:12)

4. Faitau te Galuega 26:8-20.

   E fakamalosi mai pefea a te ‵fuliga a Saulo ki te lotu Kelisiano ki tino kolā e a‵vaga mo tino sē talitonu i aso nei? (Galu. 26:11; 1 Timo. 1:14-16; 2 Timo. 4:2; 1 Pe. 3:1-3)

Te Tala Napa 109

Ko Āsi Atu a Petelu ki a Konelio

1. I te ata tenei, ko oi te tagata telā e punou ki lalo?

2. Ne a pati ne fai atu ne se agelu ki a Konelio?

3. Se a te mea ne fai ne te Atua ke lavea ne Petelu i tena nofoatuga i te tuafale o te fale o Simona i Iopa?

4. Kaia ne fai atu ei a Petelu ki a Konelio me sē ‵tau o punou ifo kae tapuaki atu ki a ia?

5. Kaia ne ofo malosi ei a soko Iutaia kolā ne nofo fakatasi mo Petelu?

6. Se a te akoakoga tāua e maua ne tatou mai te āsiatuga a Petelu ki a Konelio?

Fesili fakaopoopo:

1. Faitau te Galuega 10:1-48.

   Se a te mea e fakaasi mai i pati a Petelu i te Galuega 10:42 e uiga ki te talaiatuga o te tala ‵lei o te Malo? (Mata. 28:19; Male. 13:10; Galu. 1:8)

2. Faitau te Galuega 11:1-18.

   Se a te uiga ne fakaasi atu ne Petelu i te taimi ne mautinoa ei te fakatonuga a Ieova e uiga ki tino o fenua fakaatea, kae e mafai pefea o tau‵tali atu tatou ki tena fakaakoakoga? (Galu. 11:17, 18; 2 Koli. 10:5; Efe. 5:17)

Te Tala Napa 110

Timoteo—Ko te Tino Fesoasoani Fou ki a Paulo

1. Ko oi te talavou i te ata tenei, e nofo a ia i fea, kae ko oi te igoa o tena mātua mo tena tupuna fafine?

2. Ne a pati a Timoteo ne fai i te fesiliatuga a Paulo me e kau atu a ia ki a laua mo Sila i te talai atu ki tino i fenua ‵mao?

3. Ko te koga fea ne fakaigoa muamua i ei a soko o Iesu ki Kelisiano?

4. I te tiakinaga ne Paulo, Sila mo Timoteo a Anitioka, ko oi a nisi fa‵kai ne āsi atu a latou ki ei? ‵

5. Ne fesoasoani atu pefea a Timoteo ki a Paulo, kae ne a fesili e ‵au ‵sili ifo ne talavou i aso nei ki a latou eiloa?

Fesili fakaopoopo:

1. Faitau te Galuega 9:19-30.

   Ne fakaasi atu pefea ne te apositolo ko Paulo a tena apo i te fakafesagai atu ki ‵tekemaiga ki te tala ‵lei? (Galu. 9:22-25, 29, 30; Mata. 10:16)

2. Faitau te Galuega 11:19-26.

   E fakaasi mai pefea i te tala i te Galuega 11:19-21, 26 me e puipui kae takitaki ne te agaga o Ieova a te faiga o te galuega talai?

3. Faitau te Galuega 13:13-16, 42-52.

   E fakaasi mai pefea i te Galuega 13:51, 52 me ne seki talia ne te kau soko a ‵tekemaiga ke faka‵tuka atu ki a latou? (Mata. 10:14; Galu. 18:6; 1 Pe. 4:14)

4. Faitau te Galuega 14:1-6, 19-28.

   E fesoasoani mai pefea te tugāpati ko te “tuku atu katoatoa ei ne laua a latou ki te Aliki” ke fakamāmā aka ei te sōna manavase māfai ko fesoasoani atu ki tino fou? (Galu. 14:21-23; 20:32; Ioane 6:44)

5. Faitau te Galuega 16:1-5.

   E fakaasi mai pefea i te loto finafinau o Timoteo o fakalogo ki te tulafono o te pilitome a te tāua o te faiga o mea katoa “mō te tala ‵lei”? (Galu. 16:3; 1 Koli. 9:23; 1 Tesa. 2:8)

6. Faitau te Galuega 18:1-11, 18-22.

   Se a te mea e fakaasi mai i te Galuega 18:9, 10 e uiga ki te aofia tonu o Iesu i te takitakiga o te galuega talai, kae se a te loto talitonu e maua ne tatou i aso nei ona ko te mea tenā? (Mata. 28:20)

Te Tala Napa 111

Se Tamaliki Tagata Telā ne tō Tena Moe

1. I te ata tenei, ko oi te tamaliki tagata telā e takato i lalo, kae se a te mea ne tupu ki a ia?

2. Ne a mea ne fai ne Paulo i te taimi ne lavea ei ne ia me ko mate te tamaliki?

3. E faima‵laga atu ki fea a Paulo, Timoteo mo nisi tino, kae se a te mea ne tupu i te taimi ne manava ei latou i Mileto?

4. Se a te mea ne fakailoa atu ne te pelofeta ko Akapasi ke fakaeteete a Paulo i ei, kae ne taunu pefea a pati a te pelofeta tenā?

Fesili fakaopoopo:

1. Faitau te Galuega 20:7-38.

   1. (a) E mafai pefea o tumau tatou i te “‵ma i te toto o so se tino,” e ‵tusa mo pati a Paulo i te Galuega 20:26, 27? (Eseki. 33:8; Galu. 18:6, 7)

   2. (e) Kaia e ‵tau ei mo toeaina o “taofi ‵mau ki te muna tonu” i olotou akoakoga? (Galu. 20:17, 29, 30; Tito 1:7-9; 2 Timo. 1:13)

2. Faitau te Galuega 26:24-32.

   Ne fakaaogā pefea ne Paulo tena fai mo fai se tino Loma ke fakataunu ei te galuega talai telā ne fakatonu atu ne Iesu ki a ia? (Galu. 9:15; 16:37, 38; 25:11, 12; 26:32; Luka 21:12, 13)

Te Tala Napa 112

Ne Kasa te Vaka i se Fenua

1. Se a te fakalavelave ne tupu ki te vakamutu ne sopo i ei a Paulo i te taimi ne tele atu ei i tafa o te fenua ko Keleta?

2. Ne a pati a Paulo ne fai atu ki tino i luga i te vaka?

3. Kaia ne maofa valevale ei a te vaka tenā?

4. Ne a fakatonuga ne tuku atu ne te pule o kautau, kae e tokofia a tino ne ‵sao atu ki uta i te fenua?

5. Ko oi te igoa o te fenua ne ake latou i ei, kae se a te mea ne tupu ki a Paulo i te taimi ne ‵lei ei te aso?

Fesili fakaopoopo:

1. Faitau te Galuega 27:1-44.

   E fakamalosi aka pefea te ‵tou talitonu ki te ‵tonu o tala i te Tusi Tapu māfai e faitau tatou e uiga ki te tala o Paulo i tena malaga ki Loma? (Galu. 27:16-19, 27-32; Luka 1:3; 2 Timo. 3:16, 17)

2. Faitau te Galuega 28:1-14.

   Kafai ne loto fiafia a tino fapau‵pau i Melita o talimālō mo te “atafai” a te apositolo ko Paulo mo ana taugasoa, se a te mea telā e fakamalosi atu ki Kelisiano ke fakaasi atu ne latou kae i te auala fea? (Galu. 28:1, 2; Epe. 13:1, 2; 1 Pe. 4:9)

Te Tala Napa 113

Ko Paulo i Loma

1. Ko oi ne talai atu ki ei a Paulo i te taimi ne tausi fakapagota ei a ia i Loma?

2. I te ata tenei, ko oi la te tino fou i te taipola, kae ne a ana mea e fai mō Paulo?

3. Ko oi a Epafala, kae ne a mea ne fano mo ia i tena fokiatuga ki Filipi?

4. Kaia ne tusi atu ei ne Paulo se tusi ki tena taugasoa pele ko Filemoni?

5. Ne a mea ne fai ne Paulo i te taimi ne fakasaoloto ei a ia, kae se a te mea ne tupu fakamuli ki a ia?

6. Ko oi ne fakaaogā ne Ieova ke tusi ne ia te toe tusi o te Tusi Tapu, kae se a te mea e fakaasi mai ki a tatou i te tusi ko Fakaasiga?

Fesili fakaopoopo:

1. Faitau te Galuega 28:16-31 mo te Filipi 1:13.

   Ne fakaaogā pefea ne Paulo ana taimi i te falepuipui i Loma, kae ne pokotia pefea a te fakapotopotoga Kelisiano i tena fakatuanaki mautakitaki? (Galu. 28:23, 30; Fili. 1:14)

2. Faitau te Filipi 2:19-30.

   Ne a pati tavae ne fai ne Paulo e uiga ki a Timoteo mo Epafala, kae e fakaakoako pefea tatou ki a Paulo? (Fili. 2:20, 22, 25, 29, 30; 1 Koli. 16:18; 1 Tesa. 5:12, 13)

3. Faitau te Filemoni 1-25.

   1. (a) Se a te mea ne fakavae ki ei te fakamalosiga a Paulo ki a Filemoni ke fai te mea ‵tau, kae e fai pefea a te mea tenei e pelā me se fakatakitakiga mō toeaina i aso nei? (File. 9; 2 Koli. 8:8; Kala. 5:13)

   2. (e) E fakaasi mai pefea i pati a Paulo i te Filemoni 13, 14 me ne amanaia a ia ki lagonaga o nisi tino i te fakapotopotoga? (1 Koli. 8:7, 13; 10:31-33)

4. Faitau te 2 Timoteo 4:7-9.

   E pelā mo te apositolo ko Paulo, e maua pefea ne tatou a te loto talitonu me ka maua eiloa te taui mai i a Ieova māfai e tumau tatou i te fakamaoni ke oko eiloa ki te gataga? (Mata. 24:13; Epe. 6:10)

Te Tala Napa 114

Te Gataga o Mea Ma‵sei Katoa

1. Kaia e faipati ei a te Tusi Tapu e uiga ki solofanua i te lagi?

2. Se a te igoa o te taua a te Atua mo tino amio ma‵sei i te lalolagi, kae se a te pogai o te taua tenei?

3. I te ata tenei, ko oi e takitaki ne ia te taua, kaia e fou ei a ia ki te kalauna, kae se a te uiga o tena pelu?

4. Kafai e toe onoono atu ki Tala Napa 10, 15 mo te 33 kaia e se ‵tau ei o ‵poi tatou me ka fakaseai ne te Atua a tino amio ma‵sei?

5. E fakaasi mai pefea i Tala Napa 36 mo te 76 me ka fakaseai ne te Atua a tino amio ma‵sei faitalia me fai mai i a latou e tapuaki atu ki a ia?

Fesili fakaopoopo:

1. Faitau te Fakaasiga 19:11-16.

   1. (a) E fakaasi faka‵lei mai pefea i te Tusi Tapu me ko Iesu Keliso te tino telā e tele i luga i te solofanua ‵kena? (Faka. 1:5; 3:14; 19:11; Isa. 11:4)

   2. (e) E fakamaoni mai pefea i toto i gatu tafa ki tua o Iesu me e mautinoa kae katoatoa ‵lei tena manumalo? (Faka. 14:18-20; 19:13; Isa. 63:1-6)

   3. (i) Ko oi a kautau kolā ka tau‵tali atu i a Iesu i luga i tena solofanua ‵kena? (Faka. 12:7; 19:14; Mata. 25:31, 32)

Te Tala Napa 115

Se Palataiso Fou i te Lalolagi

1. Ne a tulaga o te olaga e fakaasi mai i te Tusi Tapu me ka maua ne tatou i te lalolagi Palataiso?

2. Se a te folafolaga a te Tusi Tapu e uiga mo tino kolā ka ola i te Palataiso?

3. Ka fakataunu mafea ne Iesu a fakama‵fuliga ‵gali konei?

4. I te taimi ne nofo ei a Iesu i te lalolagi, ne a ana mea ne fai ke fakaasi mai ei a mea kolā ka fai ne ia māfai ko fai a ia mo Tupu i te Malo o te Atua?

5. Se a te mea ka fakamautinoa aka ne Iesu mo ana pule lagolago māfai ko pule ifo latou ki te lalolagi mai te lagi?

Fesili fakaopoopo:

1. Faitau te Fakaasiga 5:9, 10.

   Kaia e talitonu ei tatou me i tino kolā ka pule mai ki te lalolagi i te Afe Tausaga ne tupu mo faitaulaga a‵lofa fakamagalo kae amanaia ‵tonu mo te atafai? (Efe. 4:20-24; 1 Pe. 1:7; 3:8; 5:6-10)

2. Faitau te Fakaasiga 14:1-3.

   Se a te mea e fakauiga ki ei te tusi o te igoa o te Tamana mo te igoa o te Tamā Mamoe i mualae o te 144,000? (1 Koli. 3:23; 2 Timo. 2:19; Faka. 3:12)

Te Tala Napa 116

Te Auala e Mafai ei ne Tatou o Ola ki te Se-Gata-Mai

1. Ne a mea e ‵tau o iloa ne tatou māfai e fia ola tatou ki te se-gata-mai?

2. E tauloto pefea ne tatou a mea e uiga ki a Ieova te Atua mo Iesu, e pelā mo te tamaliki fafine mo ana taugasoa i te ata tenei?

3. Se a te suā tusi e lavea ne koe i te ata tenei, kae kaia e ‵tau ei o faitau faeloa ki ei?

4. I tafa o te tauloto e uiga ki a Ieova mo Iesu, ne a nisi mea e manakogina ke maua ei te ola se-gata-mai?

5. Se a te akoakoga e tauloto ne tatou mai te Tala Napa 69?

6. Se a te mea e fakaasi mai i te fakaakoakoga ‵lei a Samuelu i te Tala Napa 55?

7. E fakaakoako atu pefea tatou ki te fakaakoakoga a Iesu, kae kafai e fai penā, ne a mea e mafai ne tatou o fai i aso mai mua?

Fesili fakaopoopo:

1. Faitau te Ioane 17:3.

   E fakaasi mai pefea i te Tusi Tapu me i te mauaga o te iloaga e uiga ki a Ieova te Atua mo Iesu Keliso e se ‵tau o fai fua pelā me ne meatauloto? (Mata. 7:21; Iako. 2:18-20; 1 Ioane 2:17)

2. Faitau te Salamo 145:1-21.

   1. (a) Ne a nisi pogai mai pogai e uke e ‵tau ei o iku atu tatou ki a Ieova? (Sala. 145:8-11; Faka. 4:11)

   2. (e) I te auala fea e fai ei ne Ieova a ‘mea ‵lei ki tino katoa,’ kae e fai pefea ne te mea tenei ke sinā fakapilipili atu tatou ki a ia? (Sala. 145:9; Mata. 5:43-45)

   3. (i) Kafai e pele a Ieova ki a tatou, se a te mea ka fakamalosi mai ke fai ne tatou? (Sala. 119:171, 172, 175; 145:11, 12, 21)